Isikiyɛli 23:41 - ALLALA KUMƐ

⁴¹ Anu ya anu sigi sofa-nyimɛnu tɔ, fen-diyama-su bɛɛ kɛnɛ tebulu kuma anu yakɔrɔ nyɔ, hali isɛnti anubɛ tuli min dantɛgɛnɛ nde, Mari ma nun.

Isikiyɛli 23:41 ပူးပေါင်းရင်းမြစ်များ

Ɛsita 1:6

A ya yesekara-gbɛ anubɛ yesekara-finyɛ bi ka wo ma kurɛ la ka lu-kɔndɛ wo rabɛn wonu na. Anu ya kurɛ wonu tɛ-kiri tala yili-kolo-pɔrɔkɔsɛnu na. Wodi-gbɛ-dɛɛn minnu sɔnɛ sɛnbɛrɛn-kɔnnu na tala, anu ya yili-kole wonu kiri tala wonu na. Sɛnbɛrɛn-kɔn wonu nadannɛ kuru-gbɛlɛ denu denu na. Sigi-fen-yan minnu nadannɛ sɛnɛ anubɛ wodi-gbɛ la, wonu siginɛ tala lu-kɔndɛ wo rɔ. Lu-kɔndɛ wo gbɛlɛkannɛ kuru-gbɛlɛ subolo-siyamɛ bɛɛ la.

Aiseya 57:7

Wo ye tala sarakɛnu bɔla kɔnkɔ-layan-bɛnu kuma ka wola sɔn-yogoyɛ kɛ nyɔnu tɔ.

Aiseya 65:11

Mari ko wole minnu bara wo kan-kɔ sɔ ale Mari la, wo si tɔrɔ bawo wo ara nyina ata kɔnkɔ-sɛnimɛ ko. Wo ye bɛsɛ minnu kɔla, kelan tɔgɛ le, “Hɛrɛ.” Wo ye doi min kɔla, wo fanan tɔgɛ le, “Ko-latɛgɛnɛ.”

Yɛrɛmaya 44:17

Ma wa ma dato min na, ma ye wo le mala. Ma benbanu anubɛ mala mansɛnu, anubɛ mala kun-tiginu bi isɛnti mintanna ka minni-sarakɛnu nabon mala bɛsɛ ye min tɔgɛ Arinyɛnɛ Musu-Mansɛ Yerusalɛm soe anubɛ Yuda nyamanɛ toe rɔ. Wonu ya a ma nya min, male fanan bi a mala wo nya na le. Dɔn-fen-siyaman taranta ma bolo nun. Ma ara ma-a-la nun, ado nanparan sa ma ma nun.

Isikiyɛli 41:22

saraka-mintan-tinɛ. A ladannɛ kɔlɔma la. Wola yanyɛ, nunkan-nya sawa. A kɔnɛ anubɛ a lɔngbɔn, nunkan-nya fila-fila. A kɔrɛ wo, a tɔnkɔnnu wo, anubɛ a tonko nanɛ wo, wo bɛɛ ladanta fɛran le la. Kei wo ya a fɔ n ye ko, “Tebulu le kɛ la min sɔnɛ Mari yakɔrɔ.”

Isikiyɛli 44:16

Anu denu denu dɔrɔn bɛnta ka don nna Bato-Bɔn la ka wɔlɛ kɛ saraka-mintan-tinɛ. Anu denu denu bɛnta ka n bato-koe rabɛn nna Bato-Bɔn la.

Isikiyɛli 6:13

Anu bi isɛnti mintanna anuna bɛsɛnu ye kan min bɛɛ rɔ, a kɔnkɔ-layan-ba kuma wo, a gburukulu kuma wo, a kɔlɔma-kuru-wa kɔrɔ wo, a kɔlɔma-nɔrɔnni kɔrɔ wo, furinu ta si nyɛnsɛn bɛsɛ wonu damala foolɛ rɔ. Wo wa ma, bɛɛ si a lɔn worɔ ko Mari le nde la.

Emɔsi 2:8

Bolo-kolɔnnu bi anuna birinkan sigila wo ma tulumɛ la, wo sa wonu nasɛgila anu ma wurɛ la, ado wo ye wonu sala wo kɔrɔ hali wola batoli-kɛ-tinɛnu tɔ. Wo ye mɔgɛnu bɔnina wodi minnu na, wo ye wonu sanna gbɛɛ la ka ta a min wota bɛsi-kɔ-bɔnnu tɔ.

Emɔsi 6:4

A si gbɛlɛya wole, nɔnfulu-tiginu kuma, wole min bi wo sala wola sa-fen-hakikɛnu kuma ka mɛ fen-diyamɛnu dɔn tinɛ.

Malakayi 1:7

A ya a fɔ wo ye ko wo ye nala dɔn-fen-sɛninyabɛlɛ la a ye ata saraka-mintan-tinɛ kuma min kɛ, wo le ye a yirala a la ko a sɔgɔ la ara bɔ wo la. Wo kɔma, wo ya ale Mari manyinika tun ko, “Ma ma ale Mari gbiliya kilɛ nyamintan fɛ?” Mari ya wo yabi ko wole nyɛrɛ ara a yira a la ko ata saraka-mintan-tinɛ gbo wo ye.

1 Samuwɛli 28:23

Kɔnɔ Mansa Sɔli ya a ban wo ma. A ko, “N ti fenfen dɔn kaka.” Kɔnɔ a tara mɔgɔ filɛ minnu na a bolo, wonu fanan ya a madiya fen-dɔn-koe rɔ. Tɔ-a-la, a sɔnta wo ma. A ya a lasɔ dugi ma ka a sigi sofa rɔ.