Isikiyɛli 23:40 - ALLALA KUMƐ

⁴⁰ “Anu ya keinu kele ka bɔ wula-yan la. Wula-yanla-mɔgɛnuna ke, Ohola anubɛ Oholiba tara anu ku-tinɛ ka anu ya-siyi lafin ka anuna makiri-fannu kɛ anu ma.

Isikiyɛli 23:40 ပူးပေါင်းရင်းမြစ်များ

2 Mansɛnu 9:30

Wo kɔma, Mansa Yehu wulita ka ta Yɛsɛreli soe burɔ. Mansa Ehabula kɛɛ-musi Yɛsɛbɛli wo ya a lamɔɛn min kɛ ko Mansa Yehu min ya ala dan faga, wo ara na, a ya a ya-siyi lafin ka a kunyɛ rabɔ. A ya a sɔ mansɛla bolɔn wundan la ka a yɛ layigi kilɛ ma.

Ɛsita 2:12

Yanni anu ni ta sunkurun-wo-sunkurun la mansɛ yakɔrɔ, anu si to sunkurɔn wo mabɛnna san kelen kɔrɔ iko anuna namunyɛ ye nya min. San wo kɔrɔ, karɛ wɔrɔ, anu bi a mamunna mira-tuli la. A nyɔgɔn karɛ wɔrɔ fanan, anu bi a mamunna bɔlɔsam tuli la. Minta wati wa ban, anu ni ta wo to mansɛ ma.

Hɛnkilimaya-Kumɛnu 6:25

Hali yɛlannu kinyara ka a dan-natenbi, anuna kinyɛ kana i bole labira. Anu bi anu yɛ min tɛgɛla a kɔrɔ, wonu kana i bole labira.

Hɛnkilimaya-Kumɛnu 7:10

Musi wo bɔra ka a taran luyi ma. Musi wo makirinɛ ala yɛlɛnya-fanɛnu na. A ya keminɛ wola nyinɛ dabira.

Aiseya 57:9

Wo ye tuli anubɛ sɛnti-suma-diyamɛnu kɛla wo ma alako ka wola bɛsɛ Molɛki hɛnɛ. Wo ye mɔgɛnu natala wula-yannu na pon, hali lakira fanan alako wo si bɛsi-kurɛnu sɔrɔn nya min wo si minnu kɔ.

Yɛrɛmaya 4:30

Ile Yuda nyamani-tinyanɛ, i ye nfen kun na? Nfenna i ye kura-hakikɛnu donna i kan na? Nfenna i ye i makirila sɛnɛ la? Nfenna i ye i ya-siyi lafinna? I ye i nyɛrɛ mabɛnna fu! I gbo i kenintenu ye, ado i faga-sɔgɛ ara anu bira.

Isikiyɛli 23:13

N ya a yen ko yɛlan-bɛrɛbɛrɛ le ale fanan na. N ya a yen ko wo kei-koyara iko a kɔrɔ.

Hoseya 2:13

N si a tɔrɔ bawo a ye n bolokɛ min kɛla ka ta isɛnti mintan ala bɛsi Beyali ye. N bi a tɔrɔla bawo a ye a makiri boloko-nyimɛ-kɛla ka bila ala keminɛnu fɛ. Mari kan le kɛ la.

1 Pita 3:3

Ile musi, i kana i nyɛrɛ makiri ka i lakinya wo nya dɔrɔn. I ye i kunyɛ danna nya min wo, i ye sɛnɛ dunna nya min wo, i ye fɛrɛya-bɔ-hakikɛ min bila wo, i kana i to wonu dɔrɔn ma.