Isikiyɛli 23:37 - ALLALA KUMƐ

³⁷ Anu bara yɛlɛnyɛ kɛ ka mɔgɛnu faga. Anu ya yɛlɛnyɛ kɛ ka a tɛgɛ bɛsɛnu kɔ-koe ma. Anu ya anuna dannu faga ka anu ma bɛsɛ wonu beli-fan la, nta dannu, kɔni.

Isikiyɛli 23:37 ပူးပေါင်းရင်းမြစ်များ

2 Mansɛnu 17:17

Anu bi anuna dannu mintanna Alla-batobɛlɛnuna bɛsi-kɔ-tinɛnu tɔ. Anu bi yi-kɔrɔ-fɛlan anubɛ bolo-tafɛlan kɛla. Koe min bɛɛsi yogo ale yala, anu ya anu nyɛrɛ don wonu tɔ. Wo le ya a ma, Mari fonde bɔra anu kuma.

2 Mansɛnu 21:6

A ya ala den-kei ma saraka-mintantɛ la, ado a bolo-tafɛlɛn wo, a duruya wo, a yi-kɔrɔ-fɛlɛn wo, a ya wo dama ma. Hali nyina-kɔlɛnu, a tara ke wonu fanan ma. A ya hakɛ min kɛ Mari la, wo da rakoloyara. Wo le ya a ma, Mari fonde bɔra a kuma.

2 Mansɛnu 23:10

Alla-batobɛlɛnuna kɔ tinɛ min tɔgɛ Tofɛti, ale Mansa Yosaya tara wo latinya Hinom lɛɛ rɔ. A ya wo ma alako mɔgɛnu kana na anuna dannu mintan anuna bɛsi Molɛki ye nyɔ.

2 Mansɛnu 24:4

katarala Mansa Manasa ya mɔgɔ-magbalanɛ minnu faga. Mari ti a makoto ko-yogomɛ wonu na.

Aiseya 1:15

Wo tenbi wo bolenu sigila a tɛrɛna madiyali-kɛ-tinɛ tumɛ min, Mari ko a ti wo mafɛlɛn defan! A ti a wɔlɔ matɔlɔ wo la bawo mɔgɔ-yele ye wo bole ma.

Yɛrɛmaya 32:35

Anu bara saraka-mintan-tinɛnu sɔ Hinom lɛɛ rɔ Beyali ye, anu si anuna dannu mintan kan min bɛsi Molɛki ye. A ko ale ma a fɔ ko anu ni kisimiriya-koe wonu ma. A miriya ma tugu wo la lefan, ni Yuda kɛnu si bɔ ko sufa wo la.

Yɛrɛmaya 7:31

Wole Yuda kɛnu bara bɛsi-kɔ-tinɛ min tɔgɛ Tofɛti sɔ Bɛn-Hinɔm lɛɛ rɔ. Wo ye wola den-keinu anubɛ wola dunmusinu mintanna bɛsɛnu ye nyɔ rɔ, ado Mari ko ale ma tɔn wo di wo ma. Ado nfan, a miriya ma tugu wo la lefan!

Yɛrɛmaya 7:6

Sundannu wo, kelennɛnu wo, kɛɛ-musinu wo, wo kana a lagbɛlɛya wonu kuma. Minnu ma ko-yogomɛ ma, wo fara anu fagɛ la nyamanɛ kɛ rɔ. Wo fara bɛsi-kɔ-koe la fanan. Ni wo ma, bɛsi-kɔ-koe wo si wo halaki.

Yɛrɛmaya 7:9

Ha bi, wo ye kankanyɛ kɛla. Ha bi, wo ye mɔgɔ-fagɛ kun na. Ha bi, wo bole ye yɛlɛnyɛ rɔ. Ha bi, wo ye tɔgɛ sala mɔgɛnu na. Ha bi, wo ye bɛsi Beyali kɔla. Ha bi, wo nɔrɔnɛ sibolo-gbɛrɛnuna bɛsi-kɔ-koenu ma.

Isikiyɛli 16:32

Ile Yerusalɛm, i mani de iko kei-gbɛrɛnu di musi min ye ala kei ko.

Isikiyɛli 16:36

Nde, i Tigi Mari ko i ya i nyɛrɛ mawuran ka i nyɛrɛ di keinu anubɛ kisimiriya-bɛsɛnu ma fasai! I ya ila dannu faga ka anu yele bɔ sarakayɛ la bɛsɛnu ye.

Isikiyɛli 16:38

I wara yɛlɛnyɛ anubɛ fagalɛ min dan-natenbi, woletɔ n bara itɛ bɔ tɔn rɔ. N si i faga don, nta yisi-bɔ-wulen-bɛ la.

Isikiyɛli 16:45

ado ile Yerusalɛm bɔra i na le la, yɔ! I na wola kei anubɛ ala dannu ma di a ye. Ile fanan mani de iko i na-kelen-nyɔgɔ-musi minnuna keinu anubɛ anuna dannu gboyanɛ anu ye. I fa le Amoranu na. I na le Hɛtinu na bawo wonu denu ya wo datɛgɛ.

Isikiyɛli 20:26

N sɔnta anu ni anuna den-keinu ma saraka-mintantɛ la alako n si anu tɔrɔ nya min, ado wo wa ma, wo si a yira anu na nun ko Mari le nde la.

Isikiyɛli 20:31

Ha bi, anu bi kɔ-fen kelan kɛ dila anuna bɛsɛnu ma, ado anu bara anuna dannu ma saraka-mintantɛnu na ale bɛsɛ kelan wo ye min kɛ, woletɔ anu bara anu nyɛrɛ latinya. Wo kɔma, anu bi anu tuila ka na n sako-lɔn-tinɛ tun. Nde, anu Tigi Mari ara n keli ko n ti sɔn, anu ni n manyinika ko-wo-ko la.

Isikiyɛli 23:39

Anu ya nna dannu faga ka anu bɔ sarakayɛ la tele min nyɛrɛ ma, anu nara ka nna Bato-Bɔn fanan natinya tele wo le ma.

Isikiyɛli 23:45

Mɔgɔ-telennɛnu si musi wonu yiliki ka a tɛgɛ anuna yɛlɛnyɛ anubɛ mɔgɔ-fagɛ ma bawo anu ya yɛlɛnyɛ min kɛ, ado fanan anu bole kɔsɔnɛ mɔgɛnu yele la.”

Hoseya 1:2

Mari ya kumɛ fɔlɔtɛ min don Nɛbi Hoseya bolo, a ko, “I ni musu-yɛlan furu bawo nyamanɛ bɛɛ ara ma yɛlan la ka a tɛgɛ anuna lanayabɛlitayɛ ma nde, Mari ye. Wobɛ musu-yɛlan kɛ ni dannu sɔrɔn.”

Hoseya 3:1

Mari ya a fɔ nde, Nɛbi Hoseya ye ko, “Ta ila keninteyɛ yira ila musi la tun hali a keninɛ kemini-gbɛrɛkɛnu bolo. I ni a keni iko Isirɛla mɔgɛnu keninɛ nde bolo nya min hali anu bi tala bɛsɛnu kɔla dɛgɛ-lamondonɛnu tɔ.”

Hoseya 4:2

A ko wo ye mɔgɛnu dankala. Wo sa wola lanyirinu natɔnbagayala. Wo ye mɔgɔ-fagɛ kɛla, wo ye kankanyɛ kɛla, wo ye yɛlɛnyɛ kɛla. Wo ara wunduyogoyɛ dan-natenbi. Yanni do ni kimɛ, wo ara do faga.

Saraka-Masɔlɛnuta Tɔnnu 18:21

“Wole Isirɛla mɔgɛnu kana sɔn, mɔgɛ ni ala dan ma sarakɛ la Molɛki bɛsɛ ye. Ni min ya wo ma, wo ara mata Mari Alla tɔgɔ tinya.

Maika 3:10

Wo ye mɔgɔ-fagɛ anubɛ telenbɛlitayɛ mala Yerusalɛm soe bon-kurun-fan la, ado Allata so-sɛnimɛ le Yerusalɛm wo la.

Luka 13:34

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Tɔn-Fɔɛ-Fila-Nyɔgɛ 12:31

Wo kana wota Mari Alla bato iko anu denu bi anuna bɛsɛnu kɔla nya min bawo anu bi layarabi-koe ladanna min ma di Mari ye. Hali anuna dannu kɛndɛ, anu bi anu mala sarakɛ la ka anu mintan gburr!