Isikiyɛli 23:34 - ALLALA KUMƐ

³⁴ I si a min ha i ni a ban fegba! Wo kɔma, i si yi-lafɛ wo gbɛnkian bi ka i kinyɛnu tafarafara wo la yisi-tinya bolo. Nde, wo Tigi Mari kan le kɛ la.

Isikiyɛli 23:34 ပူးပေါင်းရင်းမြစ်များ

Yaburi 75:8

Marita yi-lafɛ lafanɛ ata fondo-bɔɛ la iko gbɛɛ-kunɛ min bi kanfala. A si a kɛ karagbɛlɛnu ye alako anu ni anu min kɔlikɔli! Anu si a min ha a ni ban fegba!

Yaburi 75:9

Kɔnɔ ni ndetɛ le, n ti Yakobata Alla matɔgɛ boloka. N si to a tanto-bɛtinu bɔla a ye.

Aiseya 51:17

Ile Yerusalɛm soe, kunden. I rasagan ka i lawuli. Mari fonde bɔnɛ ya tɔrɔya-yi-lafɛ min di i ma, i wara i min wo la. I ya i min a la tumɛ min, i ya yi-lafɛ ragbala todo! Wo ya a ma, i tora tonko-tankanna.

Isikiyɛli 22:14

N ba anu tɔrɔ, anu si la a la ko anu si anu kerinteya ka sɛnbɛ sɔrɔn wo rɔ tun, ba? Nde, Mari kan le kɛ la, ado n ti n nyɛrɛ sɔsɔ.

Isikiyɛli 23:3

Anu dɔgɔ wati min Iyipiti nyamanɛ rɔ, anu ya kei-koe dabira ka ma yɛlannu na nyɔ. Keinu tolonta anu kinyɛ la nyɔ ka anu kin-sungbannu tadigin.

Isikiyɛli 23:8

Kebi a ya yɛlɛnyɛ dabira Iyipiti wo tumɛ a dennɛ, a ma bɔ wo da kun tɔ. Kebi a denni pɔipɔi, a ya kei-koe dabira. Keinu tolonta a kinyɛ la ka anu sa a fɛ.

Lankɛnimayɛ 18:7

A ara gbiliyɛ anubɛ nɔnfuli min nyɔgɛ di a nyɛrɛ ma nun, wo ni wo nyɔgɔn nyagbɛ anubɛ yisi-gbalɛ di ale ma kaka bawo a tora a fɔla a nyɛrɛ ma ko, ‘Wo ma a yen, n siginɛ musu-mansayɛ le la gbɛ! Kɛɛ-musu ma n na. N yisi ti gbala mumɛ!’