Isikiyɛli 23:18 - ALLALA KUMƐ

¹⁸ A ya a mɛlɛn mɔgɛ bɛɛ yala alako bɛɛ ni a lɔn ko yɛlan le. Ale fanan sɔgɔ labɔra n na iko a kɔrɔ-musi sɔgɔ labɔra n na nya min.

Isikiyɛli 23:18 ပူးပေါင်းရင်းမြစ်များ

Yaburi 106:40

Woletɔ Mari fonde bɔra ala mɔgɛnu kuma. Anu sɔgɔ labɔra a la lass!

Yaburi 78:59

A ya wo yen min kɛ, a diminyara dɔgɔma-ma-de! Wo le ya a ma, a ya a ban ala mɔgɛnu na feufeu!

Aiseya 3:9

Hali anu yala-yen si a yira ko anu yilikinɛ. Anu hakɛ sanɛ gbɛ rɔ iko Sɔdɔm kɛnutɛ mara nya min. Anu tinya-koe ara to a ma, ado anu nyɛrɛ gbɛ le wo la, yɔ!

Aiseya 57:8

Wo ye wola bɛsɛnu dogonna kankan anubɛ tigin-dɛnu kɔrɔ. A ko wole kun-tiginu bara wo masɛgi a la feufeu! Wo ye sara-koe rabɛnna wo nyɔgɔn tɛma alako ka wo nyɔgɔn maki. Wo ye wo mawuranna ka to wo nyɔgɔn mafɛlɛnna. Wo ye birinkannu burunna wo ma ka sɔn-yogoyɛ dabira.

Yɛrɛmaya 12:8

Nta mɔgɛnu manɛ n kan ma iko yarɛ tenbi firɛ rɔ. Anu bi bɔrɔndɔ-bɔrɔndɔla n ma. Woletɔ anu ma di n ye.

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Yɛrɛmaya 6:8

Mari ko tɔrɔyɛ kɛnu ni ma wole, Yerusalɛm kɛnu makawandi-fan la. Ni wo ma wo tole masɔ, a si a ban wo la. A ko a si wola soe kɛ ma dugu-magbalanɛ la. Nyɔ si ma tonbɔn la.

Yɛrɛmaya 8:12

A bɛnta kun-tigi wonu ni miliya anu kɛ-nya-yogomɛ la. Kɔnɔ miliyɛ-bɔrɔ-pɛrɛ, a sa anu yɛ la. Hali anu bara hakɛ-siyaman kɛ, mɔgɔ ti miliyɛ bira anu yakɔrɛ ma lefan! Wo le si a ma, anu fanan bi buila iko doinu. Mari ko mɔgɛnu-tɔrɔ-tele wa ke, wonu denu si fɛrɛn dugu la.

Nimisa Koe 2:7

N Tigi Mari ya a kan-kɔ sɔ aleta saraka-mintan-tinɛ anubɛ a Bato-Bɔn la. A ya a ma, ma yogenu ya Bato-Bon-dandan labui. Male ye batoli kɛla kan min nun sewɛ la, ma yogenu bi wasawasɛ layɛlɛla nyɔ.

Isikiyɛli 16:36

Nde, i Tigi Mari ko i ya i nyɛrɛ mawuran ka i nyɛrɛ di keinu anubɛ kisimiriya-bɛsɛnu ma fasai! I ya ila dannu faga ka anu yele bɔ sarakayɛ la bɛsɛnu ye.

Isikiyɛli 21:24

Woletɔ nde, wo Tigi Mari ye a fɔla ko anu hakɛnu bara bɔ gbɛ rɔ. Anu kɛ-nya bɛɛ ye a yirala ko hakɛ-tigi le anu dama la. Anu yilikinɛ le sɔnɛ wo la, ado n si anu don anu yogenu bolo.

Isikiyɛli 23:10

Wonu ya a mawuran ka ala dannu bi a bolo fɔrɔsɛ la. Wo kɔma, anu ya a faga faan la. I tara kan-bo-kan, musinu dɛ kɛnɛ a tɔgɔ rɔ ka a tɛgɛ a faga-bole ma.

Isikiyɛli 23:19

Kɔnɔ hali wo, a ma sɛgi kɔma yɛlɛnyɛ rɔ. A taranta yɛlɛnyɛ kun na iko a dennɛ ye Iyipiti nya min nun.

Isikiyɛli 23:9

Woletɔ nde fanan ya a latenbi ala Asiriya keminɛ wonu ma bawo wonu di a ye kati!

Hoseya 2:2

Nna dannu, wo ni wo na makawandi bawo nna musu ma a la tun, ado ala kei ma n na tun. Wo ni wo na madiya alako a ni fara kei-gbɛrɛ-makiyi anubɛ yɛlɛnyɛ la.

Hoseya 7:1

Mari ko, “Wole nta Isirɛla mɔgɛnu nakɛndɛya-sɔgɛ wa n bira tumɛ min ka wo wara-koe lata yarɔ, n si wola karagbɛlɛyɛ le dɔrɔn yen n yɛ la. Wo ye wo nyɔgɔn kensunyala. Wo ye bɔnnu kerila ka kankanyɛ kɛ. Wo ye buila mɔgɛnu ma lu-kole ma ka anu bolo-fannu bi anu bolo.

Emɔsi 5:21

“Mari ko wola ladɛn-sɛnimɛnu sɔgɔ-labɔnɛ le a la ka lass! Wo fenfen ma di a ye.

Emɔsi 6:8

“Allatala ara a tanɛ sigi wo ye ka wo makawandi ko wole, Isirɛla mɔgɛnuna wasinteyɛ ma di ale ye mumɛ! A ko wo sa hɔnna mɔgɔ-gbɛrɛkɛ la, fɔ wo ye bon-hakikɛ minnu sɔla wo nyɛrɛ ye. Mari ko a si wobɛ wola so-karantan don wo yogenu bolo fasai!”

Sakaraya 11:8

N kuruta saga-fɛ-birala sawɛ minnu ma, n ya wonu gben karɛ kelen kɔrɔ. N sɔgɔ labɔra sagɛnu fanan na ha n bandanta anu kɔrɔ.

Tɔn-Fɔɛ-Fila-Nyɔgɛ 32:19

“Mari ya wo yen nkɛkuna, a fonde bɔra wo kuma. A ya a ban wole la, wole min bi ala denyɛ la, kɔni.