Isikiyɛli 23:16 - ALLALA KUMƐ

¹⁶ Musi kɛ ya mɔgɔ-ba kɛnuna muninyɛ yen dandan ma tumɛ min, wonu sɔgɛ ya a bira kosɛbɛ! A ya kilayɛnu nata Babilɔn mɔgɔ-ba kɛnu ma ka anu kele.

Isikiyɛli 23:16 ပူးပေါင်းရင်းမြစ်များ

Ko-Dabirɛnu 3:6

Woletɔ musi wo ya bɔra kɔlɔma-gbɔɛ wo la bawo a kin. A dɔn-sɔgɛ ya a bira. A ya a lɔn ko ni a ya a dɔn, a si hɛnkili sɔrɔn. A ya wo gbɔɛ do keri ka a dɔn ka do di ala kei ma. Wo fanan ya do dɔn.

Ko-Dabirɛnu 39:7

Wati do, Pɔtifala musi yɛ bɔra Yusufu la. A ya a fɔ Yusufu ye ko, “Na, ma ni ma sa.”

2 Samuwɛli 11:2

Lunyɛ do wura dɛ fɛ, Mansa Dawuda ya a lasɔ kinɔgɔ rɔ. A tara sɔ ala san-bɔn kuma. A ye nyɔ tumɛ min, a ya musi do yen, a ye a kula. Musi wo kin dɔgɔma-ma-de!

2 Mansɛnu 24:1

Yahoyakim ye mansayɛ la tumɛ min, Babilɔn Mansa Nɛbukanasa tara bui Yuda nyamanita-mɔgɛnu ma. San sawa Mansa Yahoyakim ye Mansa Nɛbukanasa kɔrɔ. Wo kɔma, a murutiyara a ma.

Yobu 31:1

N bara lanyiri kiri nun ko n yɛ kana bɔ sunkurɔn la.

Yaburi 119:37

N miriya bɔ ko-fuyinu ko. Nyimaya n ma iko i wara n yili-madiya nya min.

Hɛnkilimaya-Kumɛnu 23:33

Gbɛɛ si i kunyɛ rafin ha i ni fan donu yen, i ma duru minnu yenna. A si a ma, i ti ke i mirila a kin na! A si a ma, i ni to kuma nigili-nagalɛnu fɔla.

Hɛnkilimaya-Kumɛnu 6:25

Hali yɛlannu kinyara ka a dan-natenbi, anuna kinyɛ kana i bole labira. Anu bi anu yɛ min tɛgɛla a kɔrɔ, wonu kana i bole labira.

Aiseya 57:9

Wo ye tuli anubɛ sɛnti-suma-diyamɛnu kɛla wo ma alako ka wola bɛsɛ Molɛki hɛnɛ. Wo ye mɔgɛnu natala wula-yannu na pon, hali lakira fanan alako wo si bɛsi-kurɛnu sɔrɔn nya min wo si minnu kɔ.

Isikiyɛli 16:17

N ya sɛnɛ anubɛ wodi-gbɛ minnu ma i makiri-fan la, i ya wonu bi ka anu nadan bɛsi-kei-muninyɛ la minnu yatelenmɛ bɔnɛ gbɛ rɔ. Wobɛ wonu ya yɛlɛnyɛ kɛ.

Isikiyɛli 16:29

Wo kɔma, Babilɔn nyamani-yilanu bi anu sala i fɛ. Hali wo, wo sa i wasala.

Isikiyɛli 23:20

A taranta musu-kotɛ keinu denu nyinina alako wonu ni to anu sala a fɛ tun tun. Keminɛ minnu yatelenmɛ manɛ iko sofɛlɛtɛ, wonu denu di a ye. Minnu keiya-yi fanan manɛ iko so-keitɛ, a ye nyinina wonu denu sufa ma.

Matiyu 5:28

Kɔnɔ kaka, n bi a fɔla wo ye ko min ba musi mafɛlɛn ha a sɔgɛ ni a bira ko a ni a masɔrɔn, wo mɔgɛ ara ban yɛlɛnyɛ kɛla a yisi rɔ.

2 Pita 2:14

Anu ba musu-wo-musu yen, anu bi nyinina wo ma. Nata-yogomɛ min bi anu yisi rɔ, wo ti anu wasa mumɛ! Mɔgɛ minna dɛnkɛninyɛ sɛnbɛ sa, anu bi wonu nadonna hakɛ rɔ iko gbɛrɛ-lasiginɛ. Anu burɛ lafanɛ nata la, ado anu bi Allala dankɛ kɔrɔ!