Isikiyɛli 22:9 - ALLALA KUMƐ

⁹ Donu bi tɔgɛ sala anu ta-nyɔgɛnu na alako anu ni wonu faga. Donu bi bɛsi-kɔ-fannu dɔnna. Donu bi nyɔ ka kisimiriya-koenu nadan tolon!

Isikiyɛli 22:9 ပူးပေါင်းရင်းမြစ်များ

Yaburi 101:5

N si tɔn sigi wɛwɛ-salɛnu na minnu si nyɔgɔn-kɔma-kumɛ fɔ. N ti ke n muinna mɔgɔ-wasini fenfen kɔrɔ.

Yaburi 106:28

Allala mɔgɛnu kofura Beyali-kɔlɛnu ma Piyɔri kɔnkɛ ma. Niyi sa bɛsɛ minnu tɔ, anu bi wonu kɔ-fan dɔnna.

Yaburi 50:20

Hali wo na-kelen-nyɔgɔ-bɛrɛnu, wo ye karamɛ layɛlɛla anu ma ka fɛɛ sa anu na.

Bɔ-Koe-Iyipiti 20:16

“Wo kana foninya-sereyɛ bɔ.

Bɔ-Koe-Iyipiti 23:1

“Wo kana foninyɛ ranyɛnsɛn mɔgɛnu tɛma. Mɔgɛ ka sɔ wunduyoge fɛ foninyɛ rɔ.

Hɛnkilimaya-Kumɛnu 10:18

Mɔgɔ-wo-mɔgɔ min si a ta-nyɔgɛla koninteyɛ sigi a burɔ, foninya-fɔlɛ le wo tigi la, ado mɔgɔ-wo-mɔgɔ min si a ta-nyɔgɛ tɔgɔ tinya, yuwɛ le wo la.

Hɛnkilimaya-Kumɛnu 18:8

Nafigila kumɛ si diya mɔgɔ tole la iko dɔn-fen-diyamɛ si a diya don mɔgɛ rɔ nya min.

Hɛnkilimaya-Kumɛnu 26:22

Ko-rafɔlɛla kumɛ si diya mɔgɛ tole la iko dɔn-fen-diyamɛ. I si to i mirila ala diya nya ma.

Yɛrɛmaya 6:28

A ko wole, ala mɔgɛnu bara wo ban a la ka wo tole gbɛlɛya. Wo ye belenna mɔgɛnu da ragbalala foninyɛ la. Wo yisi gbɛlɛ iko nɛgɛ anubɛ silɛɛ ye nya min, wo ye mɔgɛnu tɔrɔla yanfanteyɛ la wo nya na le.

Yɛrɛmaya 9:4

Bɛɛ ni a ma a fɛrɛma a diyana-mɔgɔ wara la. Hali i na-kelen-nyɔgɔ bɛrɛbɛrɛ le, i kana la a la. Bɛɛ ye a na-kelen-nyɔgɛ yanfala iko wo benba Yakoba. Bɛɛ ye tɔgɛ sala a diyana-mɔgɛ la.

Isikiyɛli 11:6

A ko wo ara mɔgɔ-siyaman faga ha soe la ara fa suyi la wo bolo penpen!

Isikiyɛli 16:43

N ya i bira nya min, wo tumɛ i dɔgɔ, i wara nyina wo la. I ya n yisi-tinya-koe gbansan le ladan. Woletɔ n bara i sara ila ko-yogomɛ bɛɛla ko la. Nfenna i ya yɛlɛnya-koenu sa i sɔn-yogomɛnu kuma? Nde, i Tigi Mari kan le kɛ la.

Isikiyɛli 18:11

a fa ti minnu ma, wo mɔgɔ-sufa si to a niyi la, wa? A si bɛsi-kɔ-fan dɔn kan-tina-layan-bɛnu tɔ. A ye bilala mɔgɔ-gbɛrɛla musi le fɛ.

Isikiyɛli 18:15

A sa Isirɛla mɔgɛnuna bɛsɛnu kɔla. A ti bɛsi-kɔ-fan dɔn kan-tina-layan-bɛnu tɔ. A ti bila mɔgɔ-gbɛrɛla musi fɛ.

Isikiyɛli 18:6

min sa Isirɛla mɔgɛnuna bɛsɛnu kɔla. A ti bɛsi-kɔ-fan dɔn anuna kan-tina-layan-bɛnu tɔ. A ti bila mɔgɔ-gbɛrɛla musi fɛ, ado musi tenbi ala wati rɔ, a ti a sa wo fɛ.

Isikiyɛli 23:29

Bawo i gboyanɛ anu ye, i wara tɔrɔ min bɛɛ la, anu si wo bɛɛ bi i bolo. Anu si i mɛlɛn bolokanɛ to ila yɛlɛnyɛ rɔ. Ila kei-koyɛ anubɛ ila yɛlɛnyɛ,

Isikiyɛli 24:13

Yerusalɛm soela sɔn-yogomɛ ara a kɔsɔ feu! Hali n ya n karan ka a sɛninya, a kɔsɔnɛ si to. A ti ban sɛninyala fɔ n ba nna diminya-wɛ bɛɛ labɔ a ma.

Hoseya 4:10

Hali wo ye wo niyi sɔrɔnna sarakɛnu tɔ, kɔnkɛ ti bɔ wo la. Hali wo kira dan nyinina wo kun-da-filɛ bɛɛ la, wo ti a sɔrɔn bawo wo ara nde, Mari boloka ka bila bɛsɛnu fɛ.”

Hoseya 4:14

N ti wola dunmusinu tɔrɔ bawo wole keinu denu bi yɛlɛn-musi kɛnu makila ka anuna bɛsɛnu kɔ anuna bɛsi-kɔ-tinɛnu tɔ. Wole ko-nya-yenbɛlɛnu bara-koe ti ta yarɔ ma mumɛ!

Hoseya 4:2

A ko wo ye mɔgɛnu dankala. Wo sa wola lanyirinu natɔnbagayala. Wo ye mɔgɔ-fagɛ kɛla, wo ye kankanyɛ kɛla, wo ye yɛlɛnyɛ kɛla. Wo ara wunduyogoyɛ dan-natenbi. Yanni do ni kimɛ, wo ara do faga.

Hoseya 6:9

Wole saraka-masɔlɛnu mani de iko kankan-kurɔn minnu siginɛ kilɛ la. Wo ye mɔgɔ-lapɛran la. Hali kilɛ min bi tala a labilala Sɛkɛmta kan-tina-sɛnimɛ ma, wo ye mɔgɛnu fagala wo fɛ. Wo ye karagbɛlɛyɛ wo dama lawulila a ma le bihin!

Hoseya 7:4

Setani-mɔgɛ le wo dama la. Wo telenni ma mansɛ ye. Wola koninteyɛ mani de iko mɔgɔ wa ta-wɔlɔn bɔ ta-kɔnɛ kuma.

Saraka-Masɔlɛnuta Tɔnnu 19:16

Wo kana belenna wo nyɔgɔn tɔgɔ tinyana foninyɛ kuma. Ni mɔgɛ do ye a niyi kumafunfanna mɔgɔ-banu barɛ, ni mɔgɛ do ya a lɔn ko ala sereya-bɔɛ si a ta-nyɔgɛ wo bɔ le nanparan wo rɔ, a ni ta ala sereyɛ bɔ a ye worɔ. Nde, wota Mari Alla ya kɛ le fɔ wo ye.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Matiyu 26:59

Saraka-masɔla-wɛnu anubɛ Yahudiya-kɛmɔgɛ bɛɛ ya anu taya ka foninya-sereyɛnu nyini Yisa kan ma anu si a faga minna ko la.

Kɛwɔlɛnu 24:13

Anu bi n maburila koe minnu na kaka, anu ti ke wonu yirala i ye tonyɛ la hali!

Kɛwɔlɛnu 24:5

Ma ya kei kɛ lɔn mɔgɔ-tɔrɔla-wɛ la. A ye murutiyɛ kɛla Yahudiyanu tɛma duninya fan bɛɛ. Nasarɛti kɛ ya dina min nafɔlɔ, ale le ye wo kun-tigiyɛ la.

Kɛlɛ-Kurugbɛnu 20:6

Woletɔ n ya a suyi bi ka a ratɛgɛtɛgɛ ka a ratala Isirɛla bɔnsɔn tan-ni-fila bɛɛ la bawo anu bara ko-yogoma-su kɛ ma male Isirɛla mɔgɛnu tɛma.

1 Samuwɛli 24:10

I si a yen i nyɛrɛ yɛ la ko Mari ya i don n bolo tɔ bi. Nna keminɛ donu ya a fɔ n ye ko n ni i faga kɔnɔ n kinikinita i ma. N ya a fɔ ko n ti ko-wo-ko ma i la bawo Mari ara ile le yabɔ ka i ma mansɛ la.