Isikiyɛli 22:27 - ALLALA KUMƐ

²⁷ Anuna nyamanita-mɔgɔ-banu mani de iko suluki minnu bi soge rafarala anu nyɔgɔn tɛma. Anu bi mɔgɔ-fagɛ kɛla alako anu ni ma-a-la.

Isikiyɛli 22:27 ပူးပေါင်းရင်းမြစ်များ

2 Ko-Kɔrɔta-Karan 36:14

Min sanɛ wo kuma, kun-tiginu anubɛ saraka-masɔlɛnu anubɛ Isirɛla mɔgɛnu tora ko yogomɛ mala iko sibolo-gbɛrɛ minnu bi anuna foolɛnu tɔ. Mari nyɛrɛ ara a Bato-Bɔn min sɛninya nun, anu ya wo latinya.

Hɛnkilimaya-Kumɛnu 17:23

Kiti-tɛgɛla-yogomɛ si dogonta-fan bira. Wo ko-sunu si telenbagayɛ tinya.

Aiseya 1:23

Mɔgɔ-murutiyanɛ le wola mɔgɔ-banu na anubɛ kankannu diyana-mɔgɛnu. Tuma-wo-tuma, wo ye dogonta-fannu birala. Kelennɛnu ti yo-wo-yo sɔrɔn anuna kiti tɛgɛ tinɛnu tɔ. Wola kun-tiginu ti anu tole masɔ kɛɛ-musinuna yasere-masa-kan la fanan.

Yɛrɛmaya 41:7

Anu donta soe burɔ nya min wo, anubɛ ala mɔgɛnu wulita anu fagala ka anu furinu nakɛ kɔlɔn rɔ.

Yɛrɛmaya 5:6

Wo si a ma, yarɛ do si bɔ firɛ rɔ ka anu faga. Suluki do si bɔ wula-da-rakolɔn rɔ ka anu halaki. Kuli si to a dogonna anuna soenu kɔma ka anu napɛrɛn. Min ba a taran nyɔ, a si wo rafarafara. Kɛ dama ye mala le bawo anu bara hakɛ lawara. Anu bara anu kan-kɔ sɔ Mari la iko siyaman.

Nimisa Koe 4:13

Kɔnɔ mala saraka-masɔlɛnu anubɛ mala nɛbinu bara hakɛ kɛ min kɛ, woletɔ ma yogenu donta a burɔ. Minnu ma ko tinya, anu denu ya a ma, wonu bara faga fu!

Isikiyɛli 13:19

Anu bi n nafɛyala nna mɔgɛnu yala buyi bolo-nya kelen anubɛ biredi-kundunɛnuna ko la. A ma bɛn minnu ni faga, anu bi wonu fagala. A bɛnnɛ minnu ni faga, anu bi wonu tola anu niyi la. Nta mɔgɛnu si anu tole masɔ foninyɛ la. Anu bi ko-sufa kɛ sigila wonu denu ma.

Isikiyɛli 22:13

“N si n bolo-nɔlɔnɛ laperepere ka a yira ko n ma sɔn anu bolo ka a tɛgɛ anuna kankanyɛ anubɛ mɔgɔ-fagɛ ma.

Isikiyɛli 22:25

Iko yara-kɔnkɔtoe si soge lapɛrɛn nya min, Isirɛla kun-tiginu bi yanfɛ kirila mɔgɛnu kan ma wo nya na le. Anu bi mɔgɛnu fagala ka anu kɛɛ ladɛn anu nyɛrɛ ye, ado anu bi musu-siyaman tola kɛɛ rɔ.

Isikiyɛli 22:3

Nde, wo Tigi Mari kan kɛ latenbi Yerusalɛm soe wo ma ko a ara ala mɔgɛnu faga-siyamɛ-kɛ min kɛ kɛ la, ka a nyɛrɛ latinya bɛsi-kɔ-koe fɛ, ata wati ye nala.

Isikiyɛli 22:6

Isirɛla kun-tiginu ma la fenfen na fɔ anu nyɛrɛta sɛnbɛ. Wo kɔma, anu ya mɔgɛnu faga.

Isikiyɛli 33:31

Woletɔ nta mɔgɛnu bi nala a kinkila nta kumɛ lamɔɛn-koe la i bolo. Kɔnɔ n bi min fɔla anu ye, anu ti wo ma. Keninteyɛ ye anu da-yanbɛ le la kɔnɔ fɔ anu bi kensunyɛ min kɛla darɔ-diyɛ la.

Isikiyɛli 34:3

Anu bi sagɛ wonu nonɛ minna. Anu bi sagɛ wonu siyi tɛgɛla anu ma ka a ma kurɛ la anu nyɛrɛ ye. Anu bi saga-hakikɛnu fagala ka wonu dɔn. Kɔnɔ anu sa sɔnna sagɛ wonu fɛ-birala muk!

Isikiyɛli 36:12

N si nta Isirɛla mɔgɛnu nasɛgi anuna nyamanɛ rɔ tun. A si ma anu halalɛ la, ado n ti sɔn anuna dannu ni kɔnkɔ tun!

Isikiyɛli 45:8

Ni nyɔ tora mansɛ ye, wo si a ma, a ti a mɔgɛ toenu yakɔrɔ-mamɔ tun dugila ko la. Nyamanɛ toe si to Isirɛla bɔnsɔn-mɔgɛ toenu ye.

Isikiyɛli 45:9

Ko-rayirɛ kɛ rɔ, ma Tigi Mari ko, “Wole Isirɛla kun-tiginu, wo ara mɛ hakɛ kun na. Wo ni wo fara mɔgɔ-tɔrɛ anubɛ karagbɛlɛyɛ la. Wo ni ko-telennɛ anubɛ ko-nyimɛ kɛ. Wole kun-tiginu, wo ni wo fara nta mɔgɛnu gbenna anuta nyamanɛnu tɔ.” Ale ma Tigi Mari kan le kɛ la.

Isikiyɛli 46:18

Mansɛ kana bui mɔgɛ ma ka a halala-dugi bi a bolo. Ni a ye dugi min dila ala dannu ma, fɔ a ni ma a halala-dugu-bɛrɛbɛrɛ la. Wo si a ma, a ti nde, Marita mɔgɛnu yakɔrɔ-mamɔ dugu-wara-koe la.”

Maika 7:8

Ko-yogomɛ min bi sigila ma la, ma yogenu kana wonu ma ma rasɛ-kunya la. Hali ma dɛ ra ara gborokan, ma si ma lasɔ tun. Hali pinpi burunnɛ ma ma bɛff, kɔnɔ Mari si waan raka ma ma waran!

Habakuku 2:9

Wole karagbɛlɛnu, wo si wota nondɔn sɔrɔn de serr! Wo ya minnu bɔ mɔgɛnu bolo karagbɛlɛyɛ la duninya rɔ, wo ara a ma, wola denbayɛnu bara ma fen-tiginu na. Wo ara wo raya ka wola soenu natanka tɔrɔyɛ ma.

Sɛfanaya 3:3

Yan-mɔgɔ-banu anubɛ yan-kiti-tɛgɛlɛnu mani de iko yara-kɔnkɔtoenu. Anu ba fenfen sɔrɔn, anu si wo kunyɛ lagbana. Anu ti sinan sigi.

Matiyu 21:13

A ya a fɔ anu ye ko, “A sɛbɛnɛ Allata kitabu rɔ ko, ‘Anu si nna Bato Bɔn kele madiyali-kɛ-bɔn kɔnɔ wole ye a mala kankannu dogon tinɛ la!’ ”

Matiyu 7:15

“Wo ni a ma wo fɛrɛma foninya-nɛbinuna ko la. Anu si a fɔ ko anu bi kumala Alla ye kɔnɔ anu foni. Anu kungban-kungban ye nala wo wara iko sagɛnu kɔnɔ anu sɔn mani de iko suluku-kɔnkɔtoe.

Kɛwɔlɛnu 20:29

N ya a lɔn ko n ba ta tumɛ min, mɔgɛ donu si kɛ wo ma iko suluku-feremɛnu si kɛ saga-kurɔn ma nya min.

Kɛwɔlɛnu 24:9

A ban wo fɔla, Yahudiyanu fanan donta maburilɛ rɔ. Anu ko tonyɛ le kɛ bɛɛ la.