Isikiyɛli 22:26 - ALLALA KUMƐ

²⁶ Anuna saraka-masɔlɛnu bi tɔnnu tinyana ka ko-sɛnimɛnu nafɛya. Dan-nafara ma taran fen-sɛninyanɛ anubɛ fen-sɛninyabɛlɛnu tɛma anu yala. Anu sa mɔgɛnu karanna ka a lɔn ni Allatɛ ye min na anubɛ ni mɔgɛnutɛ ye min na. Sulen-Tele bira-koe bɔrɔ-wo-bɔrɔ sa anu ye. Ka a tɛgɛ anu sɔn wonu ma, n ma gbili Isirɛla mɔgɛnu ma tun.

Isikiyɛli 22:26 ပူးပေါင်းရင်းမြစ်များ

2 Ko-Kɔrɔta-Karan 36:14

Min sanɛ wo kuma, kun-tiginu anubɛ saraka-masɔlɛnu anubɛ Isirɛla mɔgɛnu tora ko yogomɛ mala iko sibolo-gbɛrɛ minnu bi anuna foolɛnu tɔ. Mari nyɛrɛ ara a Bato-Bɔn min sɛninya nun, anu ya wo latinya.

Yɛrɛmaya 15:19

Mari ya nde, Yɛrɛmaya yabi ka le ko ni n sɛgira a wara la, a ko a si n yisi kurakuraya. Wo kɔma, a ko n si ke ata wɔlɛ kɛla le worɔ. A ko ni a sɔgɛ ye n na ka ma nɛbi-bɛrɛbɛrɛ la, fɔ n ba n fara kun-takolonya-kuma-fɔɛ la ka don hɛnkilimaya-kuma-fɔɛ rɔ. A ko a bɛnta, wole Yuda kɛnu ni na nde wara la kɔnɔ a ma bɛn, nde ni ta wole wara la.

Yɛrɛmaya 2:8

Hali saraka-masɔlɛnu ma Mari manyinika. Anu denu minnu bɛnta ka ale Marita karan lɔn, anu miriya ma ke a ma lefan! Mari ko wo benbanuna kun-tiginu wulita a kan ma. Hali aleta nɛbinu ya wɔlɔyiya-kumɛnu fɔ bɛsi Beyalila ko rɔ ka bɛsi-fufafuyi wo kɔ.

Nimisa Koe 4:13

Kɔnɔ mala saraka-masɔlɛnu anubɛ mala nɛbinu bara hakɛ kɛ min kɛ, woletɔ ma yogenu donta a burɔ. Minnu ma ko tinya, anu denu ya a ma, wonu bara faga fu!

Isikiyɛli 22:8

Anu sa kan-tina-sɛnimɛnu gbiliyala. Anu sa Sulen-Tele birala a kilɛ fɛ.

Isikiyɛli 23:38

Anu ma dan wo dɔrɔn ma. Anu ya nna Bato-Bɔn wo bɔrɔbɔ ka a latinya. N ya Sulen-Tele min natɛgɛ n nyɛrɛ ye, anu ya anu ban wo birɛ ma.

Isikiyɛli 36:20

Anu tara kan-tinɛ min bɛɛ rɔ, anu ya tɔgɔ-tinyɛ sanba n ma. Mɔgɛnu kɛnɛna a fɔla ko, ‘Marita mɔgɛ le kɛnu na kɔnɔ hali wo, a ara anu gben ata nyamanɛ rɔ.’

Isikiyɛli 42:20

Kata wo tɔnkɔn nanɛ bɛɛ nunkan-nya kɛmɛ loli-loli. Allatɛ ye min na anubɛ mɔgɛnutɛ ye min na, kata wo ye wonu dan le la.

Isikiyɛli 44:10

Mari ya a fɔ n ye ko, “N bi Lifayi bɔnsɔn kɛnu tɔrɔla anubɛ Isirɛla mɔgɛ minnu bara anu ban nde la ka don bɛsi-kɔ-koe rɔ.

Isikiyɛli 44:23

“Saraka-masɔlɛnu bɛnta, anu ni nna mɔgɛnu karan ka ko-sɛninyanɛ anubɛ ko-sɛninyabɛlɛ dan-natɛgɛ lɔn iko tɔn ya a fɔ nya min. Anu ni a lɔn Allatɛ ye min na anubɛ mɔgɛnutɛ ye min na.

Isikiyɛli 44:24

Ni a taranta kɛlɛ-nyɔgɔnyɛ do ye nyɔ ka a tɛgɛ tɔn-tinya-koe ma, saraka-masɔlɛnu bɛnta ka kiti wo tɛgɛ iko nta tɔn ya a fɔ nya min. A bɛnta, anu ni nna ladiyɛnu kɛ a kila-bɛrɛbɛrɛ fɛ iko tɔn ya a fɔ nya min ka Sulen-Tele bira ka a gbiliya.

Isikiyɛli 7:26

Tɔrɔyɛ do tenbi banna, do ye nala. Yisi-tinya-kumɛ ye nala dɛɛ! Wo si to wola nɛbinu madiyala alako anu ni to yarɔ-koenu fɔla wo ye kɔnɔ anu ti wo kɔntɔ-diya-kuma fenfen fɔ. Wo karan-fen fenfen ti taran wola saraka-masɔlɛnu bolo. Hɛnkili-wo-hɛnkili ti taran wola kun-tiginu na.

Saraka-Masɔlɛnuta Tɔnnu 10:10

Wole fanan ni fen-sɛnimɛ anubɛ fen-sɛninyabɛlɛ dan-natɛgɛ lɔn. Wo si a lɔn ni Allatɛ le min na anubɛ ni mɔgɛnutɛ le min na.

Saraka-Masɔlɛnuta Tɔnnu 11:47

Wo si a ma wo fɛrɛma ka fen-sɛninyanɛ anubɛ fen-sɛninyabɛlɛ dan-nafarɛ lɔn. Wo ni a lɔn wo tanɛ ye soge min na anubɛ wo tana ma minnu na.”

Saraka-Masɔlɛnuta Tɔnnu 13:43

Wo kɔma, a si ta saraka-masɔlɛ wara. Ni saraka-masɔlɛ wo ya a mafɛlɛn a kilɛ fɛ, a ni a lɔn ko tonyɛ le, nɛɛ ye a rɔ,

Saraka-Masɔlɛnuta Tɔnnu 20:25

“Mari ko wo ni ata tɔnnu anubɛ a kuman-kan bira. Ni wo ma ata tɔnnu bira, wo wa ke Kenan nyamanɛ rɔ tumɛ min, Mari ko a si wo fanan gben nyamanɛ wo rɔ iko a ye nala nyɔ-mɔgɛnu gbenna nya min. Wo kana Kenan mɔgɛnuna kɛ-nyanu bi bawo anu bara ko-yogomɛ dan-natenbi. Woletɔ Mari fonde bɔnɛ anu kuma.

Malakayi 2:7

A ko ka mɔgɛnu karan ale Alla lɔn-koe ma, wole saraka-masɔlɛnuta wɔlɛ le wo la. A bɛnta, mɔgɛnu ni ta saraka-masɔlɛnu bara, ale Alla sako-lɔn-koe rɔ bawo ale Mari Sɛnbɛ-Bɛɛ-Tigita kilayɛ le wole la.

Malakayi 2:8

Kɔnɔ wole saraka-masɔlɛnu, a ko kaka wo ara ka kila-telennɛ ma, ado wola karan-bole ara a ma, mɔgɔ-siyaman bara don ko-yogoma-kɛ rɔ. A ko wo sarata min ma, wo ara wotɛ tinya.

Romu 2:24

Ado nfan, a sɛbɛnɛ Allala kitabu rɔ ko, “Ka a tɛgɛ wole Yahudiyanu sɔn ma, sibolo-gbɛrɛnu bi Alla rasɛla.”

1 Samuwɛli 2:22

Ilayi ara kɔrɔya gbɛ kɔbɔkɔbɔ! Tuma-wo-tuma, ala dannu bi ko-yogomɛ minnu sigila Isirɛla mɔgɛnu ma, a ye wonu namɔɛnna. A ye a lamɔɛnna fanan ko anu bi anu sala musinu fɛ minnu bi wɔli kɛla Marita Fani-Bɔn don-dɛ dafɛ.

1 Samuwɛli 2:29

Mari ko ale ye ata sarakɛ minnu makelela ata mɔgɛnu bolo, nfenna wo ye a lafɛyala wonu bɔ tinɛ worɔ? A ko ile Ilayi, i wara sɔn ila dannu bara ata saraka tɔnɔma tinɛnu dɔn ata mɔgɛnu bi nala minnu na a ye ha anu bara kunbaya. A ko nfenna i ye ila dannu gbiliyala ka tenbi ale la?