Isikiyɛli 22:25 - ALLALA KUMƐ

²⁵ Iko yara-kɔnkɔtoe si soge lapɛrɛn nya min, Isirɛla kun-tiginu bi yanfɛ kirila mɔgɛnu kan ma wo nya na le. Anu bi mɔgɛnu fagala ka anu kɛɛ ladɛn anu nyɛrɛ ye, ado anu bi musu-siyaman tola kɛɛ rɔ.

Isikiyɛli 22:25 ပူးပေါင်းရင်းမြစ်များ

1 Mansɛnu 22:23

Nɛbi Mɛkaya ya kumɛ kundon a ye ko, “A ara ma wo nya na le. Mari ara a ma, nɛbi kɛnu bara foninyɛ fɔ i ye ka i mayuwaya. Mari nyɛrɛ-nyɛrɛ ara ban a latɛgɛla ko i si kasara.”

Aiseya 56:11

Anu hamahamɛ iko wulu-wasabɛlɛ. Anu mani de iko saga-fɛ-biralɛ min kunyɛ rakolɔn. Anu sa fenfen kun na fɔ ka hɔn anu nyɛrɛ la. Anu bi nyɔ dɔrɔn fɔ ka anu kin-kɔrɛ lafasa.

Yɛrɛmaya 11:9

Wo kɔma, Mari ya a fɔ nde, Yɛrɛmaya ye ko a ara a lɔn ko wole, Yerusalɛm so-burɔ-mɔgɛnu anubɛ Yuda nyamanita-mɔgɛ toenu ya yanfɛ don a ma.

Yɛrɛmaya 15:8

Wole Yuda musu-siyaman si foo wola keinu na. A ko kɛɛ-nyaganɛ si siyaya ka tenbi ba-kɛnkɛn la. A ko a si kasarɛ lana tele-latelen-wati wole, Yuda kemini-mɛsɛnu kan ma. A ko kɛ si kilan anubɛ dumɛ lana anu nanu kuma.

Yɛrɛmaya 18:21

Nba, i ni a ma, anuna dannu ni faga kɔnkɛ bolo. I ni a ma, anu yogenu ni anu nɔ kɛlɛ rɔ. A ma, anuna musinu ni foo anuna dannu na. Anu ni ma kɛɛ-musinu na fanan. A ma, Yuda mɔgɛnu manyimanɛ ni faga. Anuna kemini-mɛsɛnu kunyɛ ni to kɛlɛ rɔ.

Yɛrɛmaya 2:30

A ko a ya wole Isirɛla mɔgɛnu tɔrɔ kɔnɔ tɔrɛ wo ma wo yɛ mabɔ. Wo ya wola nɛbinu faga iko yara-kɔnkɔtoe wa a labɔ soge ma, a ye wo fagala nya min.

Yɛrɛmaya 2:34

Fɛɛbɔnɛ anubɛ bolo-kolɔnnu yele donnɛ wola kurɛnu ma pakasa! Kɔnɔ kankan yele ma wo la de! Hali wo ye kɛ dama mala

Yɛrɛmaya 23:14

Kɔnɔ nɛbi minnu bi Yerusalɛm, wonuna sɔn-yogoyɛ tenbira Samariya kɛnutɛ la. Anu sa fenfen kun na fɔ yɛlɛnyɛ anubɛ foninya-fɔɛ. Anu sa fenfen kun na fɔ ka mɔgɛnu nadon ko-yogoma-kɛ rɔ. Mɔgɔ-wo-mɔgɔ sa nyɔ min si a fara ko-yogoma-kɛ la. Mari ko anu yogo a yala iko mɔgɛ minnu siginɛ Sɔdɔm anubɛ Kɔmɔra soenu burɔ nun.

Yɛrɛmaya 6:13

A mɔgɔ-ba wo, a fɛlɛteni wo, wo bɛɛ sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Nimisa Koe 2:14

Ila nɛbinu sa fenfen fɔla i ye fɔ foninyɛ gbansan! Anu ma sɔn ila mɔgɛnu hakɛ yirala anu na min si a ma nun, anu kana ta biralɛ rɔ. Ka wo sɔn wo hakɛ la, anu bi a mala wo bɔrɔbɔnɛ wo ye.

Nimisa Koe 4:13

Kɔnɔ mala saraka-masɔlɛnu anubɛ mala nɛbinu bara hakɛ kɛ min kɛ, woletɔ ma yogenu donta a burɔ. Minnu ma ko tinya, anu denu ya a ma, wonu bara faga fu!

Isikiyɛli 13:19

Anu bi n nafɛyala nna mɔgɛnu yala buyi bolo-nya kelen anubɛ biredi-kundunɛnuna ko la. A ma bɛn minnu ni faga, anu bi wonu fagala. A bɛnnɛ minnu ni faga, anu bi wonu tola anu niyi la. Nta mɔgɛnu si anu tole masɔ foninyɛ la. Anu bi ko-sufa kɛ sigila wonu denu ma.

Isikiyɛli 13:2

“Ile hadama-dan, fɔ i ni kuma Isirɛla foninya-wɔlɔyiya-kuma-fɔlɛnu ma minnu bi foninya-wɔlɔyiya-kumɛnu bɔla anu kunyɛ rɔ, kɔni. A fɔ anu ye ko anu ni anu tole masɔ nde, Marita kumɛ la.

Isikiyɛli 22:7

Mɔgɔ-wo-mɔgɔ sa Yerusalɛm soe burɔ min si a sɔrɔnnɛnu gbiliya. Ala mɔgɛnu bi sundannu bolo labirala. Anu bi kelennɛnu anubɛ kɛɛ-musinu bolo labirala.

Isikiyɛli 34:2

“Ile hadama-dan, wɔlɔyiya-kumɛ kɛ latenbi Isirɛla mɔgɛnuna kun-tiginu ma. Nde, anu Tigi Mari ye min fɔla, wo fɔ anu ye. Gbalo ye anu denu Isirɛla fɛ-biralɛnu ma. Anu bi anu nyɛrɛ fɛ-birala kɔnɔ anu sa anuna sagɛnu fɛ-birala, Isirɛla mɔgɛnu, kɔni.

Isikiyɛli 34:3

Anu bi sagɛ wonu nonɛ minna. Anu bi sagɛ wonu siyi tɛgɛla anu ma ka a ma kurɛ la anu nyɛrɛ ye. Anu bi saga-hakikɛnu fagala ka wonu dɔn. Kɔnɔ anu sa sɔnna sagɛ wonu fɛ-birala muk!

Hoseya 6:9

Wole saraka-masɔlɛnu mani de iko kankan-kurɔn minnu siginɛ kilɛ la. Wo ye mɔgɔ-lapɛran la. Hali kilɛ min bi tala a labilala Sɛkɛmta kan-tina-sɛnimɛ ma, wo ye mɔgɛnu fagala wo fɛ. Wo ye karagbɛlɛyɛ wo dama lawulila a ma le bihin!

Matiyu 23:13

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, Alla min bi Arinyɛni tɔ, wo ara ata mansayɛ don-dɛ sɔgɔ mɔgɛnu yarɔ. Kɔnɔ wole fanan ti don, ado mɔgɛ minnu bi anu tayala don-koe ma, wo ti sɔn wonu ni don. [

Maraka 12:40

Anu bi kɛɛ-musinu kensunyala ka anuna bɔnnu bi anu bolo, wo kɔma, ka anu nyɛrɛ mayira madiyali-yannu fɛ! Anuna tɔrɔyɛ si yogoya bɛɛtɛ ko!”

Luka 20:47

Anu bi kɛɛ-musinu kensunyala ka anuna bɔnnu bi anu bolo, wo kɔma ka anu nyɛrɛ mayira madiyali-lafasayannɛnu fɛ! Anuna tɔrɔyɛ si yogoya bɛɛtɛ ko!”

Lankɛnimayɛ 13:11

Wo kɔma, n ya sogo-ferema-gbɛrɛ yen bɔla dugi kɔrɔ. Kere fila ye a kuma iko saga-dan-kere. A kumara iko ninkinankɛ.

Lankɛnimayɛ 13:15

Alla sɔnta ko sogo-ferema fila nyɔgɛ ni niyi di sogo-ferema fɔlɔtɛla muninyɛ wo ma alako ala muninyɛ wo ni ke kumala, ado minnu ti a kɔ, a si wo bɛɛ faga.

Lankɛnimayɛ 17:6

N ya a yen ko musu-yɛlan wo mara gbɛɛtoe la Allala mɔgɛnu yele-minyɛ bolo. Allata mɔgɛ wonu fagara anuta lanayɛla ko la Yisa ye. N ya musi wo yen tumɛ min, n kawara kati!

Lankɛnimayɛ 18:13

Anuna fan min tɔgɛ sinamɔn wo, kɛnɛ wo, isɛnti wo, mira wo, anubɛ farankinsɛnsɛ, yila-wo-yila sa nyɔ min si wonu fanan san. Baan wo, tulu wo, dɛgɛ-munku wo, fui-fen wo, wonu sanna-wo-sanna sa nyɔ. Ninki wo, sagɛ wo, soee wo, kirindi wo, yɔɔn wo, hali mɔgɔni-gbui, wonu fanan sanna-wo-sanna sa nyɔ.