Isikiyɛli 22:21 - ALLALA KUMƐ

²¹ Tonyɛ le, n si anu damasi ladɛn Yerusalɛm ka tɛ sigi anu kɔrɔ ka anu nalee nna diminya-wɛ la.

Isikiyɛli 22:21 ပူးပေါင်းရင်းမြစ်များ

2 Mansɛnu 25:9

Anubɛ ala kɛlɛ-dannu ya tɛ tugu Mari Bato-Bɔn la anubɛ mansɛla bolɔn la anubɛ mɔgɔ-banuna bɔnnu na.

Yaburi 112:10

Ni karagbɛlɛ ya mɔgɔ-sufa kɛ yen, tɛ si sigi a yisi la. A si a yakɔrɛ sisi. Wo si a ma, a fɛrɛ ni ban a ma feufeu! Yigi-wo-yigi ti taran a bolo tun.

Yaburi 21:9

Mansɛ yisi wa bɔ, a si a yogenu kasara iko tɛ wa nɔrɔn bira. Mari si anu ban ala fondo-bɔɛ la. Ata tɛ si anu mintan gburr!

Yaburi 50:3

Mata Alla ye nala. A madeni sa nala de! Ta-belebele le ye a yarɔ. A ye banda-fin-fɔn-belebele tɛma.

Yaburi 68:2

A si anu gben iko fɔnyɔ si ta-sisi gben nya min. Karagbɛlɛnu si taran Alla tontɛ kɔrɔ, iko tɛ si kɛɛn lalee nya min.

Aiseya 30:33

Mari ara ta-bondɔn ladan Asiriya mansɛ ye, bi ko ma, a si mintan kan min gburr! Nyɔ rayan, a kolo, a lafanɛ sɔgɛ la pim. Mari si tɛ lafɛ alako tɛ ni bira ale mansɛ la kiribo!

Aiseya 64:2

Anu si ma iko yi min bi gbonsanna tɛ kuma. I ni ma iko tɛ wa sigi yerima-gbalɛ la. Ni i ya wo ma, i yogenu si i lɔn. Anu ba i yen, anu si to yɛrɛyɛrɛnna kumakɔɛ bolo.

Aiseya 64:7

Mɔgɔ-wo-mɔgɔ sa min bi i batola. Hali ka ma dɛnbɛ, mɔgɔ-wo-mɔgɔ sa min si i manyinika. Ni i ya a yen, wo dama ye mala ma la bawo i wara i kan-kɔ sɔ ma la. Ma dama ara kasara ka a tɛgɛ ma hakɛnu ma.

Yɛrɛmaya 8:13

Mari ko a si wola ki-fannu bi wo bolo. Wola ki-fen-gbɔ-wo-gbɔ ti taran a la. Toro-gbɔ-wo-gbɔ ti taran a la. Hali anu yanba-kunyɛ si yalan. Mari ko a ara min bɛɛ di wo ma nun, a si wo bɛɛ toronde wo la.

Yɛrɛmaya 9:7

Woletɔ Mari Sɛnbɛ-Bɛɛ-Tigi ko a si wole, Yuda kɛnu nakɔrɔsi iko mɔgɛ si nɛgɛ lakɔrɔsi tɛ la nya min. A ko wole, ata mɔgɛnu bara ko-yogomɛ ma min kɛ, a si nfen ma wo la?

Isikiyɛli 21:31

N ba nna diminyɛ labɔ wo ma iko ta-mɛlan, wo si a lɔn. N si wo kunyɛ don yisi-gbɛlɛtenu bolo minnu si wo faga boloko-yogomɛ-kɛ.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Tɔn-Fɔɛ-Fila-Nyɔgɛ 29:20

Mari ti mɔgɔ-sufa wo to nyɔ rɔ. Wo si a ma, Mari fonde si bɔ ka sisi lugbu-lugbu! Tɔrɔyɛ min bɛɛsi sɛbɛnɛ kitabu kɛ rɔ, wonu si sigi ale mɔgɛ wo kuma ha Mari si a kasara pɔɔ!

Tɔn-Fɔɛ-Fila-Nyɔgɛ 32:22

Marita diminyɛ si ma iko tɛ wa bin-gbalɛ bira ka mintannɛ kɛ dugi kɔrɔ ha ka ta ke lakira ma. Ata diminyɛ si ki-fannu anubɛ dugu-kole mintan gburr! A si kɔnkɛnu sule mintan.

Tɔn-Fɔɛ-Fila-Nyɔgɛ 4:24

bawo wota Mari Alla mani de iko ta-wɔnkɔrɔmɛ. A sa nyinina a ma ko fenfen ni a senaya.