Isikiyɛli 22:14 - ALLALA KUMƐ

¹⁴ N ba anu tɔrɔ, anu si la a la ko anu si anu kerinteya ka sɛnbɛ sɔrɔn wo rɔ tun, ba? Nde, Mari kan le kɛ la, ado n ti n nyɛrɛ sɔsɔ.

Isikiyɛli 22:14 ပူးပေါင်းရင်းမြစ်များ

Yobu 40:9

I ragbɛlɛ iko nde? I kuman-kan si ma san-sɛran la iko ndetɛ, wa?

Aiseya 28:22

Wo kana yɛlɛn nna makawandili-kumɛnu ma. Ni wo ya wo ma, wo si dunɛ lawara wo nyɛrɛ kuma. Nyamanɛ kɛ mumɛ kasara-koe Mari Sɛnbɛ-Bɛɛ-Tigi bolo, n bara wo lamɔɛn feu!

Aiseya 31:3

Hadama-dan le Iyipiti kɛnu na dɔrɔn. Alla ma anu na. Soee dɔrɔn de anuna soeenu na. Mari wa ata sɛnbɛ lawɔli, nyamani-sɛnbɛmɛnu si tii mɛmɛ! Nyamani-nɛ minnu dunnɛ nyamani-wɛnu na anu dɛnbɛn-koe la, wonu fanan si tii nya-kun-kelen tɔ.

Aiseya 45:9

Bɔnku-dagɛ si sisi a ladannɛ sɔsɔla, wa? Ado nfan, dagɛ wonubɛ doinu takɛn gbɛn! Bɔnkɛ wo nyɛrɛ si a ladannɛ manyinika ni a ye min kun na? Ale dagɛ si a fɔ a sɔlɛ ma ko a ma a bira-fannu to a ma.

Yɛrɛmaya 13:21

Wo ye a fɔla minnu ma ko wo diyana-mɔgɛ le, wonu ba sigi wo kun na, wo si nfen fɔ? Wo ti yakɔrɔ-mamɔɛ anubɛ dumɛ sɔrɔn? Wo dumɛ si ma wo bolo iko musi buyi wa a lamaga.

Isikiyɛli 17:24

Nyamanita kɔlɔma bɛɛ si a lɔn ko Mari le nde la. N si kɔlɔma-layan-bɛnu tɛgɛ alako kɔlɔma-mɛsɛnu ni anu nyɛrɛ sɔrɔn. N si kɔn-kurannu nagbala ka kɔn-gbalanɛnu nanɔrɔn. Nde, Mari le wara kɛ fɔ, ado fɔ n ba a ma le, yɔ!”

Isikiyɛli 21:7

Anu ba i manyinika ko, ‘Nfen mara?’ I ni a fɔ ko, ‘N bara kuman-kan min namɔɛn, a tɛgɛnɛ wo le ma. Tɔrɔyɛ wo wa na tumɛ min, kilan si anu kumakɔ, anu bole si faga a la, anuna kerinteyɛ si anu baya, anu kian si to yɛrɛyɛrɛnna anu kɔrɔ, ado wo wati ara ke.’ ” Ale n Tigi Mari kan le kɛ la.

Isikiyɛli 23:34

I si a min ha i ni a ban fegba! Wo kɔma, i si yi-lafɛ wo gbɛnkian bi ka i kinyɛnu tafarafara wo la yisi-tinya bolo. Nde, wo Tigi Mari kan le kɛ la.

Isikiyɛli 24:14

Nde, wo Tigi Mari le wara kɛ fɔ. Nta diminya-lakɛ-wati ara ke a ma. N ti kinikini a ma tun fɔ ka ala so-burɔ-mɔgɛnu bira iko hakɛ-kɛlɛnu. A fɛrɛ sa fɔ a wa tɔrɔ le serr! Nde, a Tigi Mari kan le kɛ la.”

Isikiyɛli 28:9

Anu ba na a faga-tinɛ tumɛ min, a si to a fɔla ko Alla le ale la, wa? Anubɛ a fagalɛ yakɔrɛ wa ma kelen na, a si a lɔn worɔ ko hadama-den-gbansan le ale la. Alla ma ale la feu!

Isikiyɛli 36:36

Wo kɔma, sibolo-gbɛrɛ minnu bi tola anuna foolɛ rɔ, wonu si a yen ko nde, anuta Mari ara tonbɔn wonu sɔ ka anuna sɛnɛnu nasɛgi anu gbɛ rɔ. Nde, anu Tigi Mari ara kɛ latɛgɛ ko n si kɛ ma, ado fɔ n ba kɛ ma, yɔ!

Isikiyɛli 5:13

“Wo si nna yisi-bɔɛ sɛnbɛ-dan lɔn ha wo tɔrɔya-nya ni n hɛnɛ. Wo wa ma, wo ti tɛrɛna wo la ko nde, Mari le wara kuma. N yisi ara bɔ ka a tɛgɛ wola telenbɛlitayɛ ma.

Isikiyɛli 6:10

Anu si a lɔn yati, ko Mari le nde la, ado tolon-ko ma nna kawandilɛnu na.”

Isikiyɛli 7:17

Mɔgɛ bɛɛ bole ra si faga. Anu kunbelannu si to gbesila anu nyɔgɔn na kumakɔɛ bolo.

Yowɛli 2:11

Mari ye kumala ala kɛlɛ-dannu ye iko san-sɛran, ado kɛlɛ-dan wonu bi ata kumɛ birala. Anu kolo gbɛlɛ, ado anu siya. Marita tele-makilannɛ wo, yon si ke a muinna wo kɔrɔ?

Malakayi 3:2

Mari kɛ wa na wati min, yon si ke tola a niyi la a kɔrɔ? Ale wa bɔ gbɛ rɔ, yon si kanan? A wa bɔ gbɛ rɔ wati min, a si ma iko sefini-diyamɛ min si nɔgɛ bɛɛ toronde kura-nɔgɔnɛ la. A si ma fanan iko numɛnuna tɛ min si nɛgɛ lalee bandin, ka a kɛndɛ bɔ a boe yala.

Maraka 13:31

San-kole anubɛ dugu-kole si tenbi kɔnɔ nna kumɛ ti tenbi mumɛ!

1 Kɔrɛnti 10:22

Ka, a di ma ye, keliyɛ ni don Mari rɔ, wa? Ma miriya ko ma sɛnbɛ kolo atɛ ko woletɔ a ti ma tɔrɔ, wa?

Hiburunu 10:31

Ka don Alla nimɛ bolo tɔ, ko-makilanni-ba le wo la!

1 Samuwɛli 15:29

Isirɛlata Alla-makawanɛ, wo ti foninyɛ fɔ hali ka a miriyanu yɛlɛma bawo mɔgɔ ma ale la iko a ye nala a miriyanu yɛlɛmana.”