Isikiyɛli 21:7 - ALLALA KUMƐ

⁷ Anu ba i manyinika ko, ‘Nfen mara?’ I ni a fɔ ko, ‘N bara kuman-kan min namɔɛn, a tɛgɛnɛ wo le ma. Tɔrɔyɛ wo wa na tumɛ min, kilan si anu kumakɔ, anu bole si faga a la, anuna kerinteyɛ si anu baya, anu kian si to yɛrɛyɛrɛnna anu kɔrɔ, ado wo wati ara ke.’ ” Ale n Tigi Mari kan le kɛ la.

Isikiyɛli 21:7 ပူးပေါင်းရင်းမြစ်များ

2 Samuwɛli 17:10

Woletɔ ni wo ara don mɛ rɔ, hali ila kɛlɛ-dan minnu kerinte iko yarɛ, wonu kun ma si kɔ kilan bolo bawo Isirɛla mɔgɛ damasi ya a lɔn ko i fa Dawuda anubɛ ala kɛlɛ-dannu kolo gbɛlɛ.

2 Mansɛnu 21:12

Bawo a ara wo ma, nde, Isirɛlata Mari Alla si Yerusalɛm soe anubɛ Yuda nyamanɛ halaki pɔ! Hali min ba wo lamɔɛn, a si a bole sa a dɛ la.

Yaburi 58:7

Anu ni tunu yen, iko yi wa bon dugu ma. Anu tenbi anuna kalabɛn lakɛla, alamɛ anu foora.

Bɔ-Koe-Iyipiti 15:15

Idɔm kɛnu si kilan ha ka a dan-natenbi. Mohabu mɔgɔ-banu si yɛrɛyɛrɛn. Kenan kɛnu mankulan si bɔ anu ma kilan bolo.

Aiseya 13:7

Mɔgɛ bɛɛ bolo dunnɛ si to a la lɔsɔrɛ! Mɔgɛ bɛɛ yigi si tɛgɛ gbat!

Aiseya 28:19

Sɔgɔma-wo-sɔgɔma, kasarɛ si to nala wo kuma. Su-ni-tele, wo ye kasarɛ kɔrɔ. Wo ya sarakani-kura wo sarakani-kura sɔrɔn Alla bolo, wonu si na kilan kumɛ do la.

Aiseya 35:3

Bole anubɛ kunbelan minnu takunnɛ, i ni wonu tagbɛlɛya tun.

Aiseya 7:2

A lamɔɛn Yuda mansɛ bolo nun ko Siriya kɛlɛ-dannu bara don Isirɛla nyamanɛ rɔ, anubɛ ala nyamanita-mɔgɛnu kilanta ha anu tora yɛrɛyɛrɛnna iko fɔnyɔ tenbi kɔlɔmanu namagala.

Yɛrɛmaya 26:12

Wo kɔma, n ya a fɔ wo ye ko, “N bara kumɛ min fɔ Bato-Bɔn anubɛ soe kɛla ko ma, Mari le ya n sɔ wonu fɔ-tinɛ.

Yɛrɛmaya 49:23

Mari ya kɛ le fɔ Damasika kɛnuna ko rɔ. Hamati so-burɔ-mɔgɛnu wo, Arapadi so-burɔ-mɔgɛnu wo, wonu kun ma si kɔ ka a tɛgɛ anu bara yisi-tinya-kumɛ min namɔɛn. Hɔnya ye tugula anu kan ma iko gboron-gboronna-yi. Sulen sa anu ma.

Yɛrɛmaya 50:43

Wo lamɔɛn Babilɔn mansɛ bolo, a mankulan bɔra a ma. Hɔnya sigira-a-la iko musi bui wa a lamaga.

Yɛrɛmaya 8:18

E, Alla, n yisi-tinyɛ ti sa mumɛ! N sɔn tɔrɔnɛ feu!

Nimisa Koe 5:17

Ma yisi tinyanɛ bawo mɔgɔ sa Bato-Bɔn la tun. A la ara kolonya filili! Fɔ sulukinu dɔrɔn, wonu denu sigi tina ye Bato-Bon-tiinɛ wo la. Ma yisi la ara fin ma ma wola ko la. Ma ti ke ko ragbɛla ma ya-yi bolo.

Isikiyɛli 20:49

Nde, Isikiyɛli ya Mari sɔsɔ, n ko, “N Tigi Mari, wo ma-sɔgɔ sa n na bawo mɔgɛnu bi a fɔla n ma ko nna tilinu bi anu kɔndɔfilila.”

Isikiyɛli 21:15

Wo si mɔgɛnu kumakɔ. Anu si to yɛrɛyɛrɛnna. N bi soe rakilanna faan min na, wo si malan-malan iko san-sɛran, ado a rabɛnnɛ mɔgɔ-faga-koe la.

Isikiyɛli 21:6

“Ile hadama-dan, i ni i dɛ sa-a-rɔ iko mɔgɛ yisi wa tinya gbɛlɛyɛ bolo. I ni i dɛ sa-a-rɔ kinikinɛ ma, bɛɛ si i ragbɛ kan min.

Isikiyɛli 21:8

Mari ya a fɔ n ye tun ko,

Isikiyɛli 22:14

N ba anu tɔrɔ, anu si la a la ko anu si anu kerinteya ka sɛnbɛ sɔrɔn wo rɔ tun, ba? Nde, Mari kan le kɛ la, ado n ti n nyɛrɛ sɔsɔ.

Isikiyɛli 24:19

Mɔgɛnu bi n nyinikala ko, “Nfenna i sa dila? Kɛ kɔrɛ ye nfen na i bolo?”

Isikiyɛli 6:2

“Ile hadama-dan, i ya-lamunun Isirɛla kɔnkɛ kɛnu na ka nna kilayɛ lake anu ma.

Isikiyɛli 7:17

Mɔgɛ bɛɛ bole ra si faga. Anu kunbelannu si to gbesila anu nyɔgɔn na kumakɔɛ bolo.

Isikiyɛli 7:26

Tɔrɔyɛ do tenbi banna, do ye nala. Yisi-tinya-kumɛ ye nala dɛɛ! Wo si to wola nɛbinu madiyala alako anu ni to yarɔ-koenu fɔla wo ye kɔnɔ anu ti wo kɔntɔ-diya-kuma fenfen fɔ. Wo karan-fen fenfen ti taran wola saraka-masɔlɛnu bolo. Hɛnkili-wo-hɛnkili ti taran wola kun-tiginu na.

Daniyɛli 5:6

a yakɔrɛ sisira, a mɔlɔkɔnta kilan bolo.

Saraka-Masɔlɛnuta Tɔnnu 26:36

“Wo tumɛ wo ye nyɔ rɔ, wo si to yutoyɛ rɔ. Hali fɔnyɔ wa yanba-kunyɛnu namaga, wo si wo buri a kɔrɔ. Wo si to wo burila ka bui kilan bolo. A mani de iko wo yogenu denu bi wo kɔma kilɛ la.

Nehami 2:10

Wole Ninɛfa kɛnu, wola soe ara kasara pɔ! Wo bɛɛ ara wo buri. Nyɔ ara ma tonbɔn la. Wo ara mɔlɔkɔn kilan bolo ka ma tulan!

Luka 21:26

Min bi nala kɛla duninya bɛɛ rɔ, anu bi wo makɔnɔna. Mɔgɛnu kuma si kɔ ha anu ni kirɔn-a-la bawo san-koleta-sɛnbɛnu ta si maga ka bɔ anu gbɛ rɔ.

Tɔn-Fɔɛ-Fila-Nyɔgɛ 20:8

“Kɛlɛ-kurugbɛ si nyinikalɛ sa tun ko, ‘Mɔgɛ do ye wo tɛma yan tɔ, kilandɔgɔtore min na? Ni wo tigi ye wo tɛma, a ni ta a warɛ. Ni wo tigi tara wo fɛ kɛlɛ rɔ, a si a ma, a ta-nyɔgɛnu ni kilan.’

Hiburunu 12:12

Wo bole anubɛ wo kunbelan minnu takunnɛ, wo ni wonu tagbɛlɛya tun.

Yasowa 5:1

Amora mansɛ min bɛɛ ye tele-yigi wara la anubɛ Kenan mansɛ bɛɛ minnu bi kɔgɔ-yi dafɛ, wonu ya a lamɔɛn tumɛ min ko Mari ya Yorodan bɛ gbala Isirɛla mɔgɛnu yarɔ, anu kilanta Isirɛla mɔgɛnu na ka a dan-natenbi. Anu mara iko mɔgɔ-faganɛnu bawo anu yisi ara tinya feu!

Yasowa 7:5

ka dabira tarɛ dɛ ma ha ka ke fara-gbaran ma. Anu bi yigila kɔnkɛ la tumɛ min, anu ya mɔgɔ bi-sawa ani mɔgɔ wɔrɔ (36) faga. Isirɛla mɔgɛnu yisi tinyanta kilan bolo.

1 Pita 4:7

Koe bɛɛ ban-tumɛ ara gbɛrɛn. Wo ni wo nyɛrɛ mara ka wo yɛ lakalan, woletɔ wo si ke ka Alla matara a kilɛ fɛ.