Isikiyɛli 21:24 - ALLALA KUMƐ

²⁴ Woletɔ nde, wo Tigi Mari ye a fɔla ko anu hakɛnu bara bɔ gbɛ rɔ. Anu kɛ-nya bɛɛ ye a yirala ko hakɛ-tigi le anu dama la. Anu yilikinɛ le sɔnɛ wo la, ado n si anu don anu yogenu bolo.

Isikiyɛli 21:24 ပူးပေါင်းရင်းမြစ်များ

Aiseya 3:9

Hali anu yala-yen si a yira ko anu yilikinɛ. Anu hakɛ sanɛ gbɛ rɔ iko Sɔdɔm kɛnutɛ mara nya min. Anu tinya-koe ara to a ma, ado anu nyɛrɛ gbɛ le wo la, yɔ!

Yɛrɛmaya 15:2

Ni wo ko, “Mintɔ,” a ko ka a fɔ wo ye ko ni kirayɛ la ara tɛgɛ min ma, wo ni faga kirayɛ bolo. Ni min kunyɛ ye tola kɛlɛ rɔ, wo kunyɛ ni to kɛlɛ rɔ. Ni kɔnkɔ-fitinɛ ye tala min na, kɔnkɛ ni ta wo la. Ni min kunyɛ ye tola biralɛ rɔ nyamani-gbɛrɛ rɔ, wo kunyɛ ni to birɛ rɔ.

Yɛrɛmaya 2:34

Fɛɛbɔnɛ anubɛ bolo-kolɔnnu yele donnɛ wola kurɛnu ma pakasa! Kɔnɔ kankan yele ma wo la de! Hali wo ye kɛ dama mala

Yɛrɛmaya 3:2

Wo ni wo yɛ lata kɔnkɛnu kuma. Kɔnkɛ do ye nyɔ, wo ma yɛlɛnyɛ kɛ wɛ kan min, ba? Wo ye tala wo sigila kila-kunyɛnu na ka wo kenintenu makɔni iko Arabu bumali-kɛlɛnu si sigi nya min. Wo ara wola nyamanɛ latinya bawo wo ara wo nyɛrɛ ma yɛlannu na ka ko-yogomɛnu nadan.

Yɛrɛmaya 6:15

A bɛnta wo ni miliya wo kɛ-nya-yogomɛ la. Kɔnɔ miliyɛ bɔrɔ turu, a sa wo yɛ la. Hali wo ara hakɛ-siyaman kɛ, mɔgɔ ti miliyɛ bira wo yakɔrɔ ma lefan! Wo le si a ma, wole fanan bi buila iko doinu. Mari ko mɔgɛnu tɔrɔ-tele wa ke, wo si fɛrɛn dugi la.

Yɛrɛmaya 8:12

A bɛnta kun-tigi wonu ni miliya anu kɛ-nya-yogomɛ la. Kɔnɔ miliyɛ-bɔrɔ-pɛrɛ, a sa anu yɛ la. Hali anu bara hakɛ-siyaman kɛ, mɔgɔ ti miliyɛ bira anu yakɔrɛ ma lefan! Wo le si a ma, anu fanan bi buila iko doinu. Mari ko mɔgɛnu-tɔrɔ-tele wa ke, wonu denu si fɛrɛn dugu la.

Isikiyɛli 21:23

Yerusalɛm kɛnu si tɛrɛna ile, Isikiyɛlita kumɛ la bawo anu hɛnkili latɛgɛnɛ sarama-kan ma anu tɛma nun. Kɔnɔ ila kumɛ si anu nalɔn anuna hakɛla ko ma ka anu makawandi anu don-koe biralɛ rɔ.

Isikiyɛli 21:25

“I ni a fɔ Isirɛla mansɛ ye ko nde, wo Tigi Mari kan le kɛ la. Ale Isirɛla mansa-yogomɛ, min sɛninyabɛlɛ ni a makɔnɔ tun. Ata tɔrɔyɛ ye a kɔma. Ale nyɛrɛ ni ala mansaya-fulɛ wo pope a kunyɛ la. Fenfen ra ti kɛnya tun! Bolo-kolɔnnu si ma sɛnbɛ-tiginu na. Sɛnbɛ-tiginu si ma yɔɔnnu na.

Isikiyɛli 23:23

Babilɔn kɛnu anubɛ Kaladiya kɛ minnu bɔra Pikɔdi wo, Sowa wo, anubɛ Kowa, anubɛ Asiriyanu, n si anu damasi ladɛn ila minɛ rɔ. Anu dama kɛlɛ-den-kunyɛnu anubɛ mɔgɔ-banu anubɛ so-laburila-kunyɛ minnu fonike, ado anu mafɛlɛn di.

Isikiyɛli 24:7

I ni wo ma bawo anu taranta mɔgɛnu fagala soe burɔ tumɛ min, anu yele ma tinti dugi ma, a si don dugu la kan min. Anu yele yigira fara-gbaran ma, bɛɛ si a yen kan min.

Hoseya 4:2

A ko wo ye mɔgɛnu dankala. Wo sa wola lanyirinu natɔnbagayala. Wo ye mɔgɔ-fagɛ kɛla, wo ye kankanyɛ kɛla, wo ye yɛlɛnyɛ kɛla. Wo ara wunduyogoyɛ dan-natenbi. Yanni do ni kimɛ, wo ara do faga.