Isikiyɛli 21:21 - ALLALA KUMƐ

²¹ Babilɔn mansɛ wa ke kila-tangbɛ wo ma, a si nya-nyini-kɛ kalabɛnnu na alako a ni a lɔn, ni a si ta kilɛ min fɛ. Wo kɔma, a si ala bɛsɛnu manyinika ka bolo-tafɛlɛn benya la alako ni a si kilɛ lɔn nya min.

Isikiyɛli 21:21 ပူးပေါင်းရင်းမြစ်များ

Ko-Dabirɛnu 31:30

Nba, n ya a lɔn ko i wara n boloka bawo i fa-sɔgɛ ara i bira. Kɔnɔ hali wo, n bi bɛsɛ minnu kɔla, nfenna i wara wonu kankan?”

2 Mansɛnu 23:24

Wo kɔma, a yi-kɔrɔ-fɛlɛnna wo, a bolo-tafɛlɛnna wo, a bɛsɛ min namaranɛ mɔgɛnu bolo bɔn la wo, anubɛ bɛsɛ wonu kɔ mirannu wo, Mansa Yosaya ya wonu wara-koe ban Yerusalɛm soe anubɛ Yuda nyamanɛ bɛɛ rɔ. A ya wo ma alako mɔgɛnu ni tɔn sɛbɛnɛ wonu bira, Saraka-Masɔla-Kun-Tigi-Wɛ Helikaya ya min yen Mari Bato-Bɔn la.

Hɛnkilimaya-Kumɛnu 16:10

Mansɛta kumɛ mani de iko Maritɛ. A wa kiti-wo-kiti tɛgɛ, tonyɛ le wo la.

Hɛnkilimaya-Kumɛnu 16:33

Mɔgɛ si hɛnkili nyini koron-nakɛ fɛ kɔnɔ a ye koe min nadanna wo la, Mari le ye wo kɔrɛ yirala a la.

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Hoseya 4:12

Wo ye kɔlɔma-malɛsɛnɛnu mala wola nya-nyini-kɛ-fannu na. Kɔlɔma-fuyi le wonu na dɔrɔn. Wo si min ma, wonu denu bi wo labilala wonu na. Wo ara wo kan-kɔ don nde, Mari la feufeu! Wo ara nde, Mari boloka iko musu-yɛlan si ala kei boloka nya min ka ta yɛlɛnya-kɛ-tinɛ.

Sakaraya 10:2

Mɔgɛnu si ta bɛsɛnu anubɛ bolo-tafɛlɛnnɛnu bara kɔnɔ anu sa fenfen namɔɛnna nyɔ fɔ kun-takolonya-kumɛ anubɛ foninyɛ. Kiyo-kɔrɔ-takarannɛ le donu na kɔnɔ anu sa fenfen kun na fɔ ka namɛ ladu wo ye. Anu bi wo yisi-kima-koe min fɔla, wo bɛɛ fu! Woletɔ mɔgɛ bɛɛ ye yilan-yilanna iko sagɛ min bara to-a-rɔ. Anu bi nanparan rɔ bawo anu fɛ-birala sa anu bolo mumɛ!

Yilan-Yilan Koe 22:7

Mohabu anubɛ Midiyan mɔgɔ-banu tara dankali-kɛlɛta sarɛ la. Anu ya wo don Belam bolo ka Balakita sarakanɛ fɔ a ye.

Yilan-Yilan Koe 23:23

Bɛsi sa nyɔ min si ko ma anu na. Suwagayɛ mako sa anu na. Mɔgɛnu si kawa anu ma, anu ni a fɔ ko, ‘Wo ni mɔgɛ kɛnu mafɛlɛn ba, Alla ya min ma anu ye.’

Yilan-Yilan Koe 23:28

A ya Belam bi ka ta a la Piyɔri kɔnkɛ kuma. Anu tenbi nyɔ, anu si wula-da-rakolɔn ragbɛ feu!

Matiyu 22:9

Nba, wo ta wo sɔ kila-tangbɛnu tɔ. Wo wa mɔgɔ-wo-mɔgɔ yen, wo ni wonu kele kɔnyɔ-masɔ-ladiyɛ ma.’

Kɛwɔlɛnu 16:16

Lunyɛ do, ma ye tala Alla matara tinɛ tumɛ min, mabɛ yɔɔn-sunkurɔn do bɛnta nyina-yoge ye min fɛ. Wo ara ma nya-nyini-kɛlɛ la mɔgɛ do bolo. A ya wodi siyaman sɔrɔnna a tiginu ye nya-nyini-kɛ wo fɛ.

Tɔn-Fɔɛ-Fila-Nyɔgɛ 18:10

Wo kana wola dannu ma sarakɛ la ka anu nakɛ tɛ rɔ. Wo ka sɔn Isirɛla mɔgɛnu ni suwagayɛ anubɛ bolo-tafɛlan kɛ. Anu kana bɛsɛ nyini ka anu nyɛrɛ ma mɔgɔ-kun-nyininɛnu na anubɛ durinu.

Kɛlɛ-Kurugbɛnu 17:5

Maika kɛ, kan-tinɛ do ye a bolo a si ala bɛsɛnu kɔ kan min. Fɔlɔnfalan do lamaranɛ a bolo nyɔ, min manɛ iko saraka-masɔlɛtɛ. Wo kɔma, a ya bɛsɛ do ladan fanan ka wo lamara bɔn wo la. A ya ala dan do yabɔ ka wo ma saraka-masɔlɛ la a nyɛrɛ ye.

Kɛlɛ-Kurugbɛnu 18:14

Ko-lakɔrɔsila mɔgɔ loli wo minnu tara Leyisa soe lakɔrɔsi-tinɛ, wonu ya a fɔ anu ta-nyɔgɛnu ye ko, “Wodi-gbɛ sanɛ anuna bɛsi-kɔlɔma do ma bɔn do la yan. Fɔlɔnfalan do ye nyɔ fanan mɔgɔ si Alla sako lɔn min fɛ. Bɛsi-dogbɛrɛnu bi nyɔ. Ma si nfen ma wona?”

Kɛlɛ-Kurugbɛnu 18:17

Ko-lakɔrɔsila mɔgɔ loli wonu donta bɔn la ka ta saraka-masɔya-fɔlɔnfalan wo bi anubɛ kɔlɔma-malɛsɛnɛ wodi-gbɛ leenɛ min ma. Anu ya bɛsɛ doi wonu fanan bi. Kɔnɔ saraka-masɔlɛ wo tora sɔni kɛlɛ-den-mabɛnni mɔgɔ kɛmɛ wɔrɛ wonu tɛma. A ya bɛsɛ wonu yen anu bolo la tumɛ min, a ya anu manyinika, a ko, “Wo ye nfen kun na wo la?”

Kɛlɛ-Kurugbɛnu 18:20

Kumɛ wo ya a diya don keminɛ wo rɔ. A sewara. Ale nyɛrɛ ya bɛsɛ wonu bira a bolo tɔ. A bilara anu fɛ.

Kɛlɛ-Kurugbɛnu 18:24

Maika ko, “Wo ara nna saraka-masɔlɛ bi n bolo anubɛ n ya bɛsɛ minnu nadan, wo ye a fɔla n ma ko, ‘Nfen mara?’ Wo ya nfen to n bolo gbɛ?”

1 Samuwɛli 15:23

Ka murutiya Mari ma, wo yogo a yala iko suwagayɛ. Wasinteyɛ yogo a yala iko bɛsi-kɔ-koe. Bawo i wara i ban Marita kumɛ birala woletɔ ale fanan bara a ban ile fananta mansayɛ ma.”