Isikiyɛli 20:8 - ALLALA KUMƐ

⁸ Kɔnɔ anu bara n bɔrɔbɔ ka anu tengberenya. Anu ma sɔn anuna bɛsɛnu nafilila a rɔ. Anu ma anu bole bɔ Iyipiti kɛnuna bɛsɛnu tɔ. Anu bi Iyipiti wati min, n tabɛnnɛ ka nna diminyɛ mumɛ yira anu na nun.

Isikiyɛli 20:8 ပူးပေါင်းရင်းမြစ်များ

Nihɛmaya 9:26

“Kɔnɔ ita mɔgɛnu murutiyara i ma ka i kan bɔ a gbɛ rɔ. Anu ya anu kan-kɔ sɔ ila tɔn la. Nɛbi minnu ya anu makawandi, anu ya wonu faga bawo wonu bi anu makawandila ko anu ni sɛgi i ma. Tuma-wo-tuma, i lafɛyanɛ anu bolo.

Yaburi 106:23

A fɔɛ Alla bolo ko a ye ala mɔgɛnu kasarala, ata wɔli-kɛla-yabɔnɛ Musa ya a sɔ Allata mɔgɛ wonuna ko la gben! A ya anu kanan Allata fondo-bɔɛ ma.

Yaburi 69:24

Alamɛ i ya ila fondo-labɔɛ labɔn anu ma. Alamɛ ila diminyɛ ya anu gben ka digin anu ma.

Yaburi 78:17

Kɔnɔ hali wo, anu tora hakɛ kɛla Alla la. Anu ya murutiyɛ ladan wulɛ rɔ Mari kan ma, Mari Min Bi Fan Bɛɛ Kun Na, kɔni.

Yaburi 78:8

Anu denu ti lanayabɛlitayɛ kɛ iko anu benbanu, murutinu anubɛ kuma-birabɛlɛ wonu, kɔni. Lanayɛ min bi anu bolo Alla wara la, wo dɔgɔ, ado anu telenni ma a ye.

Yaburi 81:12

Woletɔ n sɔnta, bɛɛ tora ala tolo-gbɛlɛyɛ la. Bɛɛ ya a ma iko a di a ye nya min.

Bɔ-Koe-Iyipiti 32:1

Mɔgɛnu ya a yen tumɛ min ko Musa ara mɛ Sinayi kɔnkɛ kuma, anu ya anu kundɛn Aruna dafɛ. Anu ya a fɔ a ye ko, “Musa min nara ma la ka bɔ Iyipiti nyamanɛ rɔ, ma ma a lɔn min bara ma a la. I lasɔ ma fɛ ka bɛsɛ do ladan ma ye min si sɔ ma yarɔ.”

Aiseya 63:10

Kɔnɔ anu kan-kɔ-sɔɛ Mari la, anu ya a ma, ata Ni-Sɛnimɛ yisi tinyanta. Woletɔ Mari mara anu yoge la, ado ka a tɛgɛ wo ma, a ya anu kɛlɛ.

Yɛrɛmaya 11:8

A ko kɔn-gbalɛ kerinɛ wo benbanu tole rɔ. Anu tole gbɛlɛ gben! Min ba diya anu ye, anu bi wo le mala, ado sarama-kan wo ko ni min ma ata kumɛ bira, wo tigi si dankɛ sɔrɔn. Woletɔ a ko a ya a ma, anu ya dankɛ wo su bɛɛ sɔrɔn. A ya sarama-kan kɛ bira-koe fɔ anu ye kɔnɔ anu ma anu sɛbɛ don a ma hali!

Yɛrɛmaya 32:23

Nyamanɛ kɛ sɔrɔn anu bolo, anu ma ita tɔnnu bira. Anu ma i kan-wo-kan bira. Wo le ya a ma, i ya kasarɛ latugun anu ma.

Yɛrɛmaya 7:24

Kɔnɔ a ko wo benbanu ma sɔn anu tole masɔla a la. Anu tole gbɛlɛ nun. Anu taranta anu nyɛrɛ diyana-koenu denu mala. Anu ma to tala yarɔ fɔ ka to sɛgila anu kɔma.

Isikiyɛli 20:13

Kɔnɔ hali n ke anu na wulɛ wo rɔ, anu ya n bɔrɔbɔ. Anu ya anu ban nna sereyanu birala ka anu kan-kɔ sɔ nna tɔnnu na, ado ni min ya wonu bira, wo tigi si siyimayɛ sɔrɔn. Anu ya Sulen-Tele lafɛya pɔ! Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ alako anu wara-koe ni ka-a-la.

Isikiyɛli 20:16

N ya lanyiri wo kiri bawo anu ya anu ban nna tɔnnu na ka Sulen-Tele lafɛya pɔ! Anuna bɛsi-kɔ-koe di anu ye nde batoe ko.

Isikiyɛli 20:21

“Kɔnɔ fonike wonu fanan sɛgira n bɔrɔbɔla tun. Anu ya nna tɔn anubɛ sereyanu tinya feu, ado ni min ya tɔn wonu bira, wo si siyimayɛ sɔrɔn. Wonu fanan ya nna Sulen-Tele wo bɔrɔbɔ. Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ.

Isikiyɛli 20:7

N ya a fɔ anu ye ko anu ni anuna kisimiriya-bɛsɛnu nakɛ a rɔ. N ya a fɔ anu ye fanan ko anu kana anu nyɛrɛ latinya Iyipiti bɛsi-fuyinu kɔ-koe la bawo anuta Mari Alla le nde la.

Isikiyɛli 22:22

Anu si lee Yerusalɛm soe burɔ bandin, iko wodi-gbɛ si lee nya min sulubondɔn rɔ. Anu bi a lɔnna wo le ma ko nde, Mari ara kɔrɔtɔ anu ma.”

Isikiyɛli 23:3

Anu dɔgɔ wati min Iyipiti nyamanɛ rɔ, anu ya kei-koe dabira ka ma yɛlannu na nyɔ. Keinu tolonta anu kinyɛ la nyɔ ka anu kin-sungbannu tadigin.

Isikiyɛli 5:13

“Wo si nna yisi-bɔɛ sɛnbɛ-dan lɔn ha wo tɔrɔya-nya ni n hɛnɛ. Wo wa ma, wo ti tɛrɛna wo la ko nde, Mari le wara kuma. N yisi ara bɔ ka a tɛgɛ wola telenbɛlitayɛ ma.

Isikiyɛli 7:8

“A ti mɛ tun, wo ye nala nna diminyɛ bɛɛ yenna. Wo ara kasarɛ anubɛ kisimiriya-koe minnu nadan, n bi nala wole kitila ka wo yili sara wo la.

Hoseya 9:10

Mari ara a fɔ ko a bɛn fɔlɛ wole, Isirɛla mɔgɛnu na, wo manɛ iko kɔlɔma min gbɔnɛ kan-tina-ragbalanɛ rɔ. A ko, “Wo benbanu yen fɔlɛ nde, Mari bolo, anu diya donnɛ n tɔ nun iko toro-kuri gbɔ fɔlɔtɛ. Wo benbanu ke Piyɔri kɔnkɛ ma, anu donta Beyali kɔ-koe rɔ nyɔ. A ma mɛ lefan, anu gboyara nde, Mari ye iko bɛsɛ wonu gboyanɛ n ye nya min.

Saraka-Masɔlɛnuta Tɔnnu 18:3

Wo kana Iyipiti mɔgɛnuna kɛ-nya bi, wo siginɛ kan tinɛ minnu tɔ fɔlɔn. Wo kana Kenan mɔgɛnu kɛ-nya bi, wo ye tala kan min fanan.

Tɔn-Fɔɛ-Fila-Nyɔgɛ 9:24

Ka a dabira wo wati ma n bolo ha ka a sigi kaka la, wo ye murutiyɛ le kun na tun.

Tɔn-Fɔɛ-Fila-Nyɔgɛ 9:7

“Wo kana nyina min ya a to, wota Mari Alla fonde bɔra wole Isirɛla mɔgɛnu kan ma Sinayi kɔnkɛ kɔrɔ. Kebi wo bɔra Iyipiti nyamanɛ rɔ tele min ma ha ka a sigi wo ke wati ma yan, wo murutiyanɛ Mari ma tolon!