Isikiyɛli 20:6 - ALLALA KUMƐ

⁶ Wati wo le tɔ, n ya anu bɔ-koe latɛgɛ Iyipiti ka lanyiri kiri anu ye ta-koe la dugu-hakikɛ rɔ, n ya min yabɔ anu ye. Nyamanɛ wo dugi kin dɔgɔma-ma-de! Fan si nanfa a rɔ kubukubu!

Isikiyɛli 20:6 ပူးပေါင်းရင်းမြစ်များ

Nihɛmaya 9:12

I sɔra anu yarɔ tele rɔ iko banda-fin-gbɛ. I sɔra anu yarɔ suyi fanan tɔ iko ta-mɛlan ka waan raka anu yarɔ kilɛ ma.

Nihɛmaya 9:9

“Wo kɔma, ma benbanu tɔrɔta nya min Iyipiti, i ya wo yen de! I ya anu kan-nabɔ-kan lamɔɛn Kɔgɔ-Yi-Wulan dafɛ.

Yaburi 106:24

Anu ma la Allata lanyiri la min kɛ, woletɔ anu ya anu ban nyamani-hakikɛ wo la.

Yaburi 47:5

Alla ye tala a mayigila ata mansaya-waganɛ rɔ san ma. Mari tenbi yɛlɛla san ma, buru-kan ye bɔla, mɔgɛnu bi a lawɔyɔla.

Yaburi 48:2

Allata kɔnkɛ kin, ado a layan. Mansa-makawanɛta soe ye sewɛ lanala duninya bɛɛ ma.

Bɔ-Koe-Iyipiti 13:5

Mari ya lanyiri kiri wo benbanu ye ko mɔgɛ kɛnu siginɛ kan min, Hɛtinu wo, Amoranu wo, Hefanu wo, anubɛ Yebusinu, a ko a si Kenan nyamanɛ bɛɛ di wo ma. Nyamani-hakikɛ le anuna nyamanɛ wo la. Mari wa wo ladon nyɔ tumɛ min, wo si to ladɛn kɛ sufa kɛla Abibu karɛ kɛ la.

Bɔ-Koe-Iyipiti 3:17

N si anu nabɔ Iyipiti tɔrɔyɛ rɔ ka ta anu na Kenan nyamanɛ wo le tɔ, bɔnsɔn kɛnu siginɛ kan min, Kenannu wo, Hɛtinu wo, Amoranu wo, Pɛrasanu wo, Hɛfanu wo, anubɛ Yɛbusinu. Wonu bɛɛsi siginɛ Kenan nyamanɛ wo le tɔ. Nyamani-diyamɛ le nyɔ la.”

Bɔ-Koe-Iyipiti 3:8

N bara na anu kunyɛ bɔ tinɛ yɔɔnyɛ rɔ ka anu bɔ Iyipiti kɛnu bolo. N si ta anu na Kenan nyamani-hakikɛ rɔ, Kenannu anubɛ Hɛtinu anubɛ Amoranu anubɛ Pɛrasanu anubɛ Hefanu anubɛ Yebusinu siginɛ kan min. Nyamani-diyamɛ le Kenan nyamanɛ wo la.

Bɔ-Koe-Iyipiti 33:3

Wo ni ta nyamani-hakikɛ wo rɔ. Kɔnɔ wo kalabante min kɛ, woletɔ nde nyɛrɛ ti ta wo tɛma alako n kana wo halaki kilɛ la.”

Bɔ-Koe-Iyipiti 6:8

N ya lanyiri kiri nyamanɛ min di-koe rɔ Iburayima anubɛ Isiyaka anubɛ Yakoba ma, n si a ma, anu ni ta anu sigi nyamanɛ wo rɔ. N si nyamanɛ wo ma anu halalɛ la.”

Yɛrɛmaya 11:5

A ko wo si a ma, ale fanan ni a waralɛ latɔnbagaya min kirinɛ ma benbanu ye. A si nyamani-hakikɛ di anu ma, ki-fannu si nanfa kan min kubukubu, ado ma ye nyɔ le kɛ la kaka. Nde, Yɛrɛmaya ko, “Mari, ale le wo la.”

Yɛrɛmaya 3:19

Ale Mari ko a si sewa nun ka wo bira iko a halala-dannu. A sewanɛ si nyamani-hakikɛ di wo ma nun, ado nyamanɛ wo kin sibole bɛɛta nyamanɛ ko. A ko ale ya a lɔn nun ko wo ye a fɔla a ma ko, “Ma Fa,” ado wo ti wo kan-kɔ sɔ a la nun.

Yɛrɛmaya 32:22

I ya nyamani-hakikɛ kɛ di anu ma iko i ya anu benbanu yili-madiya nya min.

Isikiyɛli 20:15

Min sanɛ wo kuma, n ya lanyiri kiri anu ye wula-da-rakolɔn wo rɔ ko n ti ta anu na lanyiri-nyamanɛ rɔ tun, n ya min di-koe fɔ anu ma nun, ado nyamani-hakikɛ wo kin dɔgɔma-ma-de! Fen si nanfa a rɔ kubukubu!

Isikiyɛli 20:23

Min sanɛ wo kuma, n ya lanyiri do kiri anu ye tun wulɛ wo rɔ. N ya n keli n ko fɔ n ba anu tanyɛnsɛn duninya mumɛ bɛɛ rɔ.

Isikiyɛli 20:42

N ba na anu na Isirɛla nyamanɛ rɔ, n ya anu benbanu yili-madiya minnu na, anu si a lɔn wo le ma ko Mari le nde la.

Isikiyɛli 20:5

Nta kumɛnu fɔ anu ye. N ya Isirɛla mɔgɛnu yabɔ n nyɛrɛ ye tumɛ min, n ya anu yili-madiya koe donu tɔ. N ya n nyɛrɛ wara-koe lagbɛ anu ye Iyipiti nyamanɛ rɔ ka a fɔ anu ye ko anuta Mari Alla le nde la.

Isikiyɛli 47:14

Nde, Mari ara lanyiri kiri wo benbanu ye ko a si dugi kɛ di wo ma. Wo ni a tala wo nyɔgɔn na a kilɛ fɛ.

Daniyɛli 11:16

Siriya kɛlɛ-dan wonu si anu kɛlɛ iko a di anu ye nya min, hali anu ma tɔrɔ. Anu si Isirɛla lanyiri-nyamanɛ wo bira-a-la ka a bi anu bolo.

Daniyɛli 11:41

Hali lanyiri-nyamanɛ, anubɛ ala kɛlɛ-dannu si ta bui nyɔ ma. A si mɔgɔ waga-yirika-siyaman faga nyɔ rɔ. Kɔnɔ Idɔm kɛnu wo, Mohabu kɛnu wo, anubɛ Amon toenu, kɛlɛ ti anu bira.

Daniyɛli 8:9

A kere nanɛ wonu tɔ, kelan bolɔn sɔra a ma, ado mɔgɔ nɛn-naban a yenna, i yɛ si bɛn a kere fɔlɔn na. Bolon-nɛ min sɔra a ma wo la, wo fanka tara dugula wara la anubɛ tele-bɔɛ wara la anubɛ lanyiri-nyamanɛ waralɛ rɔ, Isirɛla, kɔni.

Saraka-Masɔlɛnuta Tɔnnu 20:24

Ni kei do ya a na-kelen-nyɔgɛ dola musi bi sunburi la, wo tigi ara a na-kelen-nyɔgɛ lafɛya. Kei anubɛ musi wo gbandɛ si to ha anu si faga bawo anu bara koe min ma wo la, Mari ko wo sɛninyani ma iko tɔn ya a fɔ nya min.

Sakaraya 7:14

A ko wo le ya a ma, a tara wo ranyɛnsɛn nyamani-gbɛrɛkɛnu tɔ iko fɔnyɔ wa fen ranyɛnsɛn. A ya wola nyamani-hakikɛ kɛ rakolonya. A kasaranɛ tora pɔ!

Yilan-Yilan Koe 13:27

Nyamanɛ lakɔrɔsilɛnu nara anu dantɛgɛ Musa ye ko, “Ma ara nyamanɛ wo damasi mafɛlɛn. Ma ara a yen ko nyamanɛ wo kin dɔgɔma-ma-de! Dugu-hakikɛ le wo la min si ki-fan lasabati. A mafɛlɛn, ma nara dɔn-fan minnu na ma bolo.

Yilan-Yilan Koe 14:8

Ni Mari nyagalenta ma la, a si ta ma la nyamani-hakikɛ wo rɔ ka nyɔ di ma ma.

Tɔn-Fɔɛ-Fila-Nyɔgɛ 11:9

Mari ya lanyiri kiri nyamani-hakikɛ minna ko la wo benbanu anubɛ anu kegeyɛnu ye, wo si simayɛ sɔrɔn ka mɛ sigini nyɔ rɔ.

Tɔn-Fɔɛ-Fila-Nyɔgɛ 26:15

Mari, i kolan layigi Isirɛla mɔgɛnu ma ka bɔ Arinyɛni tɔ ka ma mafɛlɛn. Iko i wara lanyiri kiri ma benbanu ye nya min, i ni ita duwɛ layigi male kuma anubɛ nyamani-hakikɛ kɛ i wara min di ma ma kɛ la.’

Tɔn-Fɔɛ-Fila-Nyɔgɛ 26:9

A nara ma la nyamani-hakikɛ kɛ rɔ.

Tɔn-Fɔɛ-Fila-Nyɔgɛ 3:25

I yandi, Mari, a ma, n ni Yorodan bɛ tɛgɛ. N ni dugu-hakikɛ wo yen n yɛ la bɛ kɔgɔma. N ni kɔnkɔ-nyamani-hakikɛ wo yen n yɛ la anubɛ Lɛbanan kɔnkɛnu.’ ”

Tɔn-Fɔɛ-Fila-Nyɔgɛ 31:20

N bara anu benbanu yili-madiya nyamani-hakikɛ min na, n si anu bi ka ta anu na nyɔ rɔ. Anu bi nyinina dɔn-fan min bɛɛsi ma, anu si wo bɛɛsi sɔrɔn nyɔ rɔ. Anu si taran anu diya nyɔ. Kɔnɔ hali wo, anu si anu kan-kɔ sɔ n na ka don bɛsi-kɔ-koenu tɔ. Anu si anu ban n na ka ma-tɛma-sarama-kan tinya.

Tɔn-Fɔɛ-Fila-Nyɔgɛ 32:40

A ko a ara a keli a nyɛrɛ la ka a kɔɛn layɛlɛ alako wo ni la kumɛ kɛ la.

Tɔn-Fɔɛ-Fila-Nyɔgɛ 32:8

Alla Min Bi Fan Bɛɛ Kun Na, wo ya sibolenu sigi belenna anuta nyamanɛnu tɔ. A ya bɛɛ sigi a sigi tinɛ rɔ iko a ya a latɛgɛ nya min. A ya melika kelen-kelen sigi sibole bɛɛ kun na.

Tɔn-Fɔɛ-Fila-Nyɔgɛ 6:3

Wole Isirɛla mɔgɛnu, ni wo si tɔn kɛnu lɔn de a kila-bɛrɛbɛrɛ fɛ ka anu bira, koe bɛɛ si ta a kilɛ fɛ ka diya wo la. Wo bɔnsɔn si siyaya nyamani-hakikɛ wo rɔ iko wo benbanuta Alla kɛ ya lanyiri kiri anu ye nya min nun.