Isikiyɛli 20:38 - ALLALA KUMƐ

³⁸ N si hakɛ-tiginu anubɛ mɔgɔ-murutiyanɛnu wurun anu tɛma. N si anu bɔ dugi wonu tɔ anu bi kan min kaka kɔnɔ n ti sɔn anu ni sɛgi tun Isirɛla nyamanɛ rɔ. Anu si a lɔn wo le ma ko anuta Mari le nde la.

Isikiyɛli 20:38 ပူးပေါင်းရင်းမြစ်များ

Yaburi 9:16

Mari ye a kɛ-nya yirala ala mɔgɛnu na iko a ye kiti tɛgɛla a kilɛ fɛ nya min. Karagbɛlɛnu fanan si bira anu nyɛrɛta yili-lasiginɛ la.

Yaburi 95:11

A ko a fonde ara bɔ ha a ya a keli. A ko anu ti don lanyiri-nyamanɛ rɔ a ara anu yili-madiya minna ko la nun.

Yɛrɛmaya 29:32

Bawo Sɛmaya ara wo ma, Mari ko a ti mɛ Sɛmaya tɔrɔla tun. A ko Mari ye wɔli-nyimɛ min kɛla ata mɔgɛnu ye, ale Sɛmaya ti bɛn wonu tɔ. Hali ala kebila-mɔgɔ den kelen ti taran Isirɛla mɔgɛnu tɛma tun bawo a ya mɔgɛnu nabila murutiyɛ ma Mari kan ma. Mari nyɛrɛ kan le kɛ la.

Yɛrɛmaya 44:14

Wole Yuda mɔgɛ toe minnu nara sigi Iyipiti yan, wo siyaman ti wo buri ka to wo niyi la. A ko wo fenfen ti wo kɔ-sɛgi wola nyamani-diyamɛ rɔ tun fɔ kɛlɛ-kɔrɔ-burilɛ dori donu.

Isikiyɛli 11:21

Kɔnɔ bɛsi-makɔsɔni-batoe di minnu ye anubɛ ko-yogoma-su bɛɛ, n si wonu dama tɔrɔ. N si anu tɔrɔ ka a tɛgɛ anu bara min ma n na. Nde, wo Tigi Mari kan le kɛ la.”

Isikiyɛli 13:9

Ka a tɛgɛ anuna ko-rayirɛ anubɛ anuna foninya-wɔlɔyiya-kuma-fɔɛ wo ma, a ara to sɛ, n ni bila anu tɔ. Nna mɔgɛnu ba anu kundɛn ka koe latɛgɛ anu nyɛrɛ ma, foninya-nɛbi wonu ti bɛn wo rɔ. Isirɛla dugurannu tɔgɛ sɛbɛnɛ kan min, anu denu tɔgɔ ti taran nyɔ hali! Anu ti sɛgi anuna nyamanɛ wo rɔ tun. Wo wa ma tumɛ min, anu si a lɔn ko wo Tigi Mari le nde la.

Isikiyɛli 15:7

tɔrɔla wo nya na le. Anu bara anu buri tɛ do kɔrɔ nun kɔnɔ tɛ kɛ, wo ye anu mintanna le. N ba anu tɔrɔ, wo ye a lɔnna wo le ma ko nde le Mari la.

Isikiyɛli 20:15

Min sanɛ wo kuma, n ya lanyiri kiri anu ye wula-da-rakolɔn wo rɔ ko n ti ta anu na lanyiri-nyamanɛ rɔ tun, n ya min di-koe fɔ anu ma nun, ado nyamani-hakikɛ wo kin dɔgɔma-ma-de! Fen si nanfa a rɔ kubukubu!

Isikiyɛli 20:16

N ya lanyiri wo kiri bawo anu ya anu ban nna tɔnnu na ka Sulen-Tele lafɛya pɔ! Anuna bɛsi-kɔ-koe di anu ye nde batoe ko.

Isikiyɛli 20:34

N ba anu nadɛn kan-tina-kelen tumɛ min ka bɔ nyamani-gbɛrɛkɛnu tɔ anu tanyɛnsɛnnɛ kan minnu tɔ nun, n si nna yisi-bɔɛ anubɛ n sɛnbɛ yira anu na tumɛ wo le tɔ.

Isikiyɛli 23:49

N si anu tɔrɔ anu sɔn-yogomɛ anubɛ anuna bɛsi-kɔ-koela ko la. Anu si a lɔn wo le ma ko anu Tigi Mari le nde la.”

Isikiyɛli 6:7

Mɔgɛnu si faga da-wo-da. Minnu bi tola anu niyi la, wonu si n lɔn Mari la yati!

Malakayi 3:3

A si kiti sa a kilɛ fɛ iko siyaki min bi wodi-gbɛ laleela ka a bɛrɛ bɔ a boe yala. Iko siyaki ye sɛnɛ anubɛ wodi-gbɛ sɛninyala nya min, Mari si saraka-masɔlɛnu fanan sɛninya wo nya na le. Woletɔ saraka-masɔlɛ wonu si ke saraka-hakikɛnu bɔla Mari ye.

Matiyu 3:12

Ala fɛrɛ labɛnnɛ ka ala fui-fan bɛɛ rafɛ gbere-kole ma. A si a bɛrɛ ladɛn ka a layɛlɛ birɛ la kɔnɔ a si a fofe anubɛ a fɔrɔn mintan tɛ la, ado tɛ wo ti dufen dɛɛ!”

1 Kɔrɛnti 10:5

Kɔnɔ hali wo, Alla diminyara anu siyaman ma. Woletɔ anu furinu bolokanɛ tora wula-da-rakolɔn rɔ.

Hiburunu 4:3

Male min dɛnkɛninyanɛ, male si sulan wo sɔrɔn. Hali Alla ara ban sulen tinɛ wo rabɛnna nun kebi duninya-dan-wati, minnu ma dɛnkɛninya a ma, Alla ya a fɔ wonu denu ye ko, “N yisi bɔnɛ ya n keli ko kɛnu ti don nyamanɛ wo rɔ mumɛ, anu si anu sulen kan min!”

Hiburunu 4:6

Minnu fɔlɔn ya kibara-nyimɛ lamɔɛn, wonu ma anu sulen tinɛ sɔrɔn bawo anu ma dɛnkɛninya Alla ma. Kɔnɔ donu bi nyɔ minnu si sulen tinɛ sɔrɔn, yɔ!

Yude 1:5

Hali wo ya koe kɛ bɛɛ lɔn, n bi a fɛ ka wo hɛnkili bila wola ko la. Alla ya Isirɛla mɔgɛnu kisi ka anu bɔ Iyipiti nyamanɛ rɔ kɔnɔ wo kɔma, a ya wonu halaki minnu dɛnkɛninyani ma a ma.