Isikiyɛli 20:35 - ALLALA KUMƐ

³⁵ N si na anu na wulɛ wo rɔ min bi sibolo-gbɛrɛnu tɛma. Isirɛla wa ke nyɔ, n si anutɛ bɔ tɔn rɔ sibolo-gbɛrɛnu yala.

Isikiyɛli 20:35 ပူးပေါင်းရင်းမြစ်များ

Yaburi 74:22

E, Alla, i lakɔɛnma, i ni i yoe yira anu na. I ni a lɔn yati, ko Alla-lɔnbɛlɛnu bi ile Alla lafɛyala tele-wo-tele.

Aiseya 3:14

A ara kumɛ rabɛn ala mɔgɛnuna kun-tiginu anubɛ anuna mɔgɔ-banu kan ma. A ko, “Wo ara bui mɔgɛnu ma ka anuna ki-fannu bi anu bolo. Wola bɔnnu nafanɛ bolo-kolɔnnuna fannu na.

Yɛrɛmaya 2:35

kɔnɔ wo ye sɛgila a fɔla tun ko fɛɛ sa wo la. Wo ma la a la ko Mari kɔrɔtɔnɛ wo ma mumɛ! Kɔnɔ Mari ko a si wo tɔrɔ bawo wo ara wo da ragbɛlɛya ko wo ma hakɛ kɛ.

Yɛrɛmaya 2:9

Mari ko min bi a tola, a ye wole kan ma, a si wo fɔ wo ye. Min bi a tola, a ye wola dannubɛ wo mamanɛnu kan ma, a si wo fanan fɔ wo ye.

Yɛrɛmaya 25:31

Sɔnkɛ wo si duninya mumɛ bɛɛ bira-a-la wuu! Wo ye mala bawo Mari ye nala sibole bɛɛ tɔrɔla le. A si mɔgɛ bɛɛla fɛɛ yira a la kiti-kɛ-tinɛ. A si wunduyoge bɛɛ halaki pɔ!

Yɛrɛmaya 31:2

Minnu ya sayɛ masangba wulɛ rɔ yilan-yilan tinɛ, a kinikinita wonu ma. Sulen-sɔgɛ ya wole, Isirɛla mɔgɛnu bira tumɛ min,

Isikiyɛli 17:20

N si yalɛ laburun a kuma ka a bira wo la. N si a bi ka ta a la Babilɔn nyamanɛ rɔ ka a tɔrɔ nyɔ bawo a ma a telen n ye.

Isikiyɛli 19:13

Kaka, a kinɛ kɛnkɛn le tɔ dugu-gbalanɛ rɔ yi sa kan min.

Isikiyɛli 20:36

N si anu tɔrɔ iko n ya anu benbanutɛ ma nya min Sinayi wulɛ rɔ. Nde, wo Tigi Mari kan le kɛ la.

Isikiyɛli 38:22

A ko a si a tɔrɔ kirayɛ anubɛ fagalɛ la. Bandɛ wo, banda-kole wo, tɛ wo, munku-gbɛ wo, a si wonu basan anu nyɔgɔn na pirikali, ka a rawuya ale Mansa Kɔgi anubɛ ala kɛlɛ-dannu ma. Sibolo-siyamɛ minnu kofunɛ a ma kɛlɛ rɔ, a ra si wuya wonu fanan ma.

Isikiyɛli 38:8

San-siyaman ba tenbi, a wati-bɛrɛ wa ke, Isirɛla mɔgɛ minnu nara ka bɔ sibolo-siyamɛnu tɛma, a ni ta bui wonu ma, ado wonu bara mɛ sigini lafɛrɛ rɔ, anu yili-wo-yili sa kɛlɛ ma tun. Isirɛla kɔnkɔ-nyamanɛ min tinyanɛ ara mɛ, ado mɔgɛnu nafɛrɛnɛ siginɛ a rɔ kaka, anu si bui nyɔ ma.

Hoseya 2:14

N bi nala tala a la wulɛ rɔ. N ba ke a la nyɔ, n si a manugu-nɛgɛ-kumɛnu fɔ alako n ni diya a ye tun.

Hoseya 2:16

Wo wati rɔ, a si n kele ko, “N buin.” A ti n kele tun ko, “N tigi.”

Hoseya 4:1

Mari ko a ye Isirɛla mɔgɛnu sɔn fɛrɛnna anu na. Wole Isirɛla mɔgɛnu, wo ni wo tole masɔ a la. A ko telenbagayɛ anubɛ keninteya fenfen sa wola nyamanɛ rɔ tun. Min sanɛ wo kuma, a ko mɔgɔ-wo-mɔgɔ ma ale lɔn Alla la tun.

Maika 4:10

Nfen bi a tola, wole Yerusalɛm mɔgɛnu bi wo forongbesila iko musi buyi wa a lamaga. Bawo fɔ wo wa wo buri ka Yerusalɛm takolonya ka ta wo sigi kan-tina-rakolɔn do rɔ. Wo yogenu si ta wo la Babilɔn kɔnɔ wati wa tenbi wota Mari si wo kunyɛ bɔ wo rɔ.

Lankɛnimayɛ 12:14

Kokɛ-wɛ kanban filɛ dira musi wo ma alako a ni gban ka ta a warɛ wula-da-rakolɔn rɔ. Anu si a kandan nyɔ san sawa ani a tala ka kisi ninkinankɛ ma.

1 Samuwɛli 12:7

Wo ni wo sɔ Mari yakɔrɔ. A ara ko-makawanɛ minnu ma wobɛ wo benbanu ye nun, n ni sereyɛ wonu sa gbɛ ma wo ye ka anu takaran wo ye alako karan wo ni wo sɔn-yogomɛnu yira wo la.