Isikiyɛli 20:34 - ALLALA KUMƐ

³⁴ N ba anu nadɛn kan-tina-kelen tumɛ min ka bɔ nyamani-gbɛrɛkɛnu tɔ anu tanyɛnsɛnnɛ kan minnu tɔ nun, n si nna yisi-bɔɛ anubɛ n sɛnbɛ yira anu na tumɛ wo le tɔ.

Isikiyɛli 20:34 ပူးပေါင်းရင်းမြစ်များ

Yaburi 107:3

ka na wo la ka bɔ nyamani-gbɛrɛkɛnu tɔ. A tele-bɔɛ wara la wo, a tele-yigi wara la wo, a kantɔ-wara la wo, a dugula wara la wo, ata mɔgɛ bɛɛ nara le ka bɔ wo bɛɛ rɔ.

Aiseya 31:3

Hadama-dan le Iyipiti kɛnu na dɔrɔn. Alla ma anu na. Soee dɔrɔn de anuna soeenu na. Mari wa ata sɛnbɛ lawɔli, nyamani-sɛnbɛmɛnu si tii mɛmɛ! Nyamani-nɛ minnu dunnɛ nyamani-wɛnu na anu dɛnbɛn-koe la, wonu fanan si tii nya-kun-kelen tɔ.

Yɛrɛmaya 31:8

A si bɔ wo la kantɔ-wara la. A si wo kundɛn ka bɔ duninya-tonko-nanɛ bɛɛ rɔ. Fiyɔnnu anubɛ namarɛnu si taran wo tɛma. Donu kolomɛ ye wo rɔ. Donu buyi la ara maga. Wo siyaman si na duk!

Yɛrɛmaya 32:37

A ko a ara ata mɔgɛnu tanyɛnsɛn nyamanɛ minnu tɔ ata fondo-bɔ-belebele la, a si wonu kundɛn tun. A ko a si na anu na soe kɛ rɔ tun. Anu ni sigi yan yisi-kimɛ rɔ.

Yɛrɛmaya 42:18

“Mari Isirɛlata Alla ko iko a fonde bɔra Yerusalɛm kɛnu kuma nya min, ni wo tara Iyipiti nyamanɛ rɔ, a fonde ye bɔla wo kan ma wo nya na le. A ko min ba wo yen, wo kuma si tɛgɛ. Mɔgɛnu si wo bira boloko-yogomɛ-kɛ ka wo tɔgɛ ma dankali-kɛ-fan la. A ko wo ti kan-tinɛ kɛ yen tun!

Yɛrɛmaya 44:6

Woletɔ a ko a ya a fonde labɔn Yuda soenu anubɛ Yerusalɛm soe burɔ ka soe wonu mintan gburr! Ha bi, soe wonu bi tonbonyɛ la.

Nimisa Koe 2:4

Mari ara ala kalabɛn rasagan ma kan ma iko a yoge le ma la. A ya mala mɔgɔ-hakikɛ bɛɛ faga. A ara ala diminyɛ rawuya Yerusalɛm soe ma iko tɛ.

Isikiyɛli 11:17

“Woletɔ a fɔ anu ye ko nde, anu Tigi Mari ko n si anu nabɔ nyɔnu tɔ ka anu kundɛn. N si Isirɛla nyamanɛ don anu bolo tun.

Isikiyɛli 20:38

N si hakɛ-tiginu anubɛ mɔgɔ-murutiyanɛnu wurun anu tɛma. N si anu bɔ dugi wonu tɔ anu bi kan min kaka kɔnɔ n ti sɔn anu ni sɛgi tun Isirɛla nyamanɛ rɔ. Anu si a lɔn wo le ma ko anuta Mari le nde la.

Isikiyɛli 34:16

“Minnu tununta, n si wonu nyini. Minnu tara anu kun fɛ, n si wonu kunyɛ lasɛgi a rɔ. Minnu tanbanta, n si wonuna tɛlɛnu makiri. Minnu kirɛ, n si wonu dandan. Kɔnɔ minnu kunba, ado anu tagbɛlɛ wɛ kɛ, n si wonu wara-koe ka-a-la bawo saga-fɛ-birala ko-telenni-kɛlɛ le nde la.

Isikiyɛli 6:14

Tonyɛ le wo la. N si n bole lata ka anuna nyamanɛ tinya. Ka a bi anuna wula-da-rakolɔn dugu la, ha ka ta a sigi Ribila soe kan tɔ pon, Isirɛla mɔgɛnu siginɛ kan tinɛ min bɛɛ rɔ, n si wo bɛɛ halaki pɔ! Mɔgɛ bɛɛ si a lɔn worɔ ko Mari le nde la.”