Isikiyɛli 20:28 - ALLALA KUMƐ

²⁸ N ya anu yili-madiya nyamanɛ minna ko la, n tara anu na nyɔ rɔ. Anu ya kɔnkɔ-layan-bɛnu anubɛ kɔlɔma-kuru-wɛnu yen nyɔ min kɛ, anu ya sarakɛnu bɔ wonu ye. Anu ya sarakɛ minnu mintan, anu ya baan minnu ma kɔ-fan la nyɔnu tɔ, wonu ya a ma, n diminyara kosɛbɛ!

Isikiyɛli 20:28 ပူးပေါင်းရင်းမြစ်များ

1 Mansɛnu 14:23

Anu ya kan tinɛnu nadan anuna Asura bɛsɛ ye min nadannɛ musila muninyɛ la ka kurinu lɛsɛ ka ta wonu sɔ kɔnkɛnu kun tɛma anubɛ kɔlɔma-kuru-wɛ donu kɔrɔ.

2 Mansɛnu 17:10

Anu ya kuri anubɛ kɔlɔmanu lɛsɛ ka wonu sigi kɔnkɔ-kolo-wɛnu kuma anubɛ kɔlɔma-kuru-wɛnu kɔrɔ. Anu ya kɔlɔma wo lɛsɛ musila muninyɛ la ka wo kele ko Asura.

2 Mansɛnu 17:12

Anu ya Marila tɔnnu tinya ka bɛsɛnu kɔ.

2 Mansɛnu 17:9

Isirɛla mɔgɛnu tora anuta Mari Alla tanama-ko-yogoma-siyaman mala. Anuna so-kunbɛnu wo, anuna so-mɛsɛnu wo, anu ya bɛsi-kɔ-tinɛnu sɔ nyɔnu tɔ.

Aiseya 65:7

Ka a tɛgɛ wo benbanu hakɛ anubɛ wo hakɛ ma, Mari ko a si wo tɔrɔ. Wo benbanu ya isɛnti mintan bɛsɛnu ye kɔnkɛnu kun tɛma. Anu ya a ma, a miliyara kɔnkɛnu ye. Woletɔ a ye anu tɔrɔla iko a bɛnta, anu ni tɔrɔ nya min.

Yɛrɛmaya 19:13

Yerusalɛmna bɔnnu anubɛ mansɛla bolon-sɛninyabɛlɛ si to iko Tofɛti kɛ. Wo ye mala le bawo wo ye yɛlɛla anuna bɔnnu kuma bɛsi-kɔ-tinɛ. Wo wa yɛlɛ nyɔ, wo si to lolenu kɔla ka isɛnti mintan anu ye nyɔ. Wo si minni-fannu ma sarakɛnu na wola bɛsɛnu ye nyɔ.”

Yɛrɛmaya 2:7

Mari ko a tara anu na nyamani-diyamɛ rɔ alako anu si nyɔ dɔn-fan-diyamɛnu dɔn. Kɔnɔ hali wo, anu ya ala nyamanɛ wo latinya. Anu ya nyɔ ma nyamani-magboyanɛ la Mari ye.

Yɛrɛmaya 3:6

Mansa Yosaya ye Yuda nyamanɛ kun na wati min, Mari kumara nde, Yɛrɛmaya ye. A ko, “Yɛrɛmaya, Isirɛla mɔgɛnu bara min ma nun, i wara wo ragbɛ i nyɛrɛ yɛ la, wa? Anu bara ta bɛsi-kɔ-tinɛ kɔnkɛ bɛɛ kuma anubɛ kɔlɔma-kuru-wɛnu kɔrɔ. Wo mara yɛlɛnyɛ la nde, Mari yala.

Yɛrɛmaya 32:30

Ka a bi Isirɛla mɔgɛnu anubɛ Yuda mɔgɛnu bakuri ma, a ko anu ma fenfen ma fɔ ka a ladiminya.

Isikiyɛli 16:19

N ya dɔn-fen di i ma min nadannɛ dɛgɛ-munku-hakikɛ anubɛ tulu-hakikɛ anubɛ liyi la. Kɔnɔ i ya wonu ma bɛsɛ wonu nadiya-fan la. Nde, i Tigi Mari kan le kɛ la.

Isikiyɛli 20:15

Min sanɛ wo kuma, n ya lanyiri kiri anu ye wula-da-rakolɔn wo rɔ ko n ti ta anu na lanyiri-nyamanɛ rɔ tun, n ya min di-koe fɔ anu ma nun, ado nyamani-hakikɛ wo kin dɔgɔma-ma-de! Fen si nanfa a rɔ kubukubu!

Isikiyɛli 20:29

N ya anu manyinika, n ko, ‘Nfen bi kan-tina-layan-bɛ kɛnu na, wo ye tala kan minnu tɔ kɛ la?’ (Ha bi, anu bi wonu kelela ko, ‘Kan-Tina-Layan-Bɛnu.’)

Isikiyɛli 20:6

Wati wo le tɔ, n ya anu bɔ-koe latɛgɛ Iyipiti ka lanyiri kiri anu ye ta-koe la dugu-hakikɛ rɔ, n ya min yabɔ anu ye. Nyamanɛ wo dugi kin dɔgɔma-ma-de! Fan si nanfa a rɔ kubukubu!

Isikiyɛli 6:13

Anu bi isɛnti mintanna anuna bɛsɛnu ye kan min bɛɛ rɔ, a kɔnkɔ-layan-ba kuma wo, a gburukulu kuma wo, a kɔlɔma-kuru-wa kɔrɔ wo, a kɔlɔma-nɔrɔnni kɔrɔ wo, furinu ta si nyɛnsɛn bɛsɛ wonu damala foolɛ rɔ. Wo wa ma, bɛɛ si a lɔn worɔ ko Mari le nde la.

Saraka-Masɔlɛnuta Tɔnnu 17:5

Fɔlɔ nun, Isirɛla mɔgɛnu si kolo-fannu faga anuna dagɛ kɔma kilɛ la. Woletɔ wo ni na wola sarakɛnu na Marita Fani-Bɔn tenbi-bolɔn dafɛ. Wo si anu don saraka-masɔlɛ bolo ka anu ma yisi-kima-sarakɛnu na.

Yasowa 23:14

“Kaka, n bara kɔrɔya, n siyi ma yan tun. Wole ya a lɔn wo yisi rɔ kaka ko mata Mari Alla ya ko-nyimɛ min bɛɛsi rabɛn wo ye lanyiri fɛ, wo bɛɛsi ara ma tonyɛ la. Mari ya lanyiri kiri fen-nyimɛ min bɛɛla ko la, wo mara tonyɛ la.