Isikiyɛli 20:20 - ALLALA KUMƐ

²⁰ N ko anu ni Sulen-Tele ma tele-sɛninyanɛ la alako Sulen-Tele wo birɛ ni ma sarama-kan-tamasere la mabɛ tɛma. Wo ni ma anu hɛnkili-birɛ la nun ko anuta Mari Alla le nde la.

Isikiyɛli 20:20 ပူးပေါင်းရင်းမြစ်များ

Bɔ-Koe-Iyipiti 20:11

Nde, Mari le ya san-kole dan anubɛ dugu-kole anubɛ kɔgɔ-yi anubɛ fan min bɛɛsi ye duninya rɔ. N ya wo bɛɛ dan tele wɔrɔ le kɔrɔ ka n sulen a tele wɔrɔnfila nyɔgɛ ma. Woletɔ nde, Mari ya nta duwɛ to a tele wɔrɔnfila nyɔgɛ ma ka a ma tele-sɛnimɛ la.

Bɔ-Koe-Iyipiti 20:8

“Wo ni wo hɛnkili to Sulen-Tele ko ka tele-sɛnimɛ wo bira gben!

Aiseya 56:2

Mɔgɔ-sewanɛ le wo tigi la min bi a Sulen-Tele gbiliyala iko tɔn ya a fɔ nya min. Mari ko a si duwa wo tigi ye min ti ko-yogomɛ ma.

Aiseya 58:13

Mari ko ni wo ya Sulen-Tele bira ka a lɔn tele-sɛninyanɛ la, ado wo sa wo diyana-koenu mala tele wo ma, wo si sewɛ sɔrɔn duk! A ko ni wo ya ala Sulen-Tele wo mabalan, wo ma ta tagama rɔ tele wo rɔ, wo ma wɔli tele wo rɔ, wo ma kun-takolonya-kuma fɔ tele wo rɔ, wo ye wɔlɛ min kɛla Mari ye, a ko wo si ma wo bolo diyɛ la. A ko ale Mari si a ma, wo ni gbiliyɛ sɔrɔn duninya tonke bɛɛ rɔ. A ya nyamanɛ kɛ min di wo benba Yakoba ma, a ko wo si taran wo diya nyɔ. Kumɛ kɛ bɔra Mari karɛ le tɔ.

Yɛrɛmaya 17:22

Wo kana dunu-wo-dunu labɔ wola bɔn la wulɔn-tele ma. Wo kana wɔli-wo-wɔli kɛ wo wulɔn. Wo ni tele wo to sɛninyɛ rɔ, ado tɔn le wo la a ya min sa wo benbanu kuma.

Yɛrɛmaya 17:24

Mari ko wo ni a ma wo fɛrɛma ka ata kumɛ bira a kilɛ fɛ. Wo kana na dunu-wo-dunu la Yerusalɛm don-dɛnu na Sulen-Tele ma. Wo ni Sulen-Tele bira wo bolo filɛ la ka a to sɛninyɛ rɔ. Wo kana wɔli-wo-wɔli kɛ wulɔn.

Yɛrɛmaya 17:27

Ni wo ya wo tui ka to dunɛnu madununa Sulen-Tele ma ka tenbi anu na Yerusalɛm don-dɛnu na, Mari ko a si ta fitinɛ layigi Yerusalɛm don-dɛnu na min ti dufen muk! Hali wola kan-tina-latankanɛnu si mintan gburr!

Isikiyɛli 20:12

Ma sarama-kan-tamasere do le Sulen-Tele-birɛ la alako anu ni a lɔn ko nde, Mari le ye a mala, anu ni sɛninya.

Isikiyɛli 20:26

N sɔnta anu ni anuna den-keinu ma saraka-mintantɛ la alako n si anu tɔrɔ nya min, ado wo wa ma, wo si a yira anu na nun ko Mari le nde la.

Isikiyɛli 22:8

Anu sa kan-tina-sɛnimɛnu gbiliyala. Anu sa Sulen-Tele birala a kilɛ fɛ.

Isikiyɛli 44:24

Ni a taranta kɛlɛ-nyɔgɔnyɛ do ye nyɔ ka a tɛgɛ tɔn-tinya-koe ma, saraka-masɔlɛnu bɛnta ka kiti wo tɛgɛ iko nta tɔn ya a fɔ nya min. A bɛnta, anu ni nna ladiyɛnu kɛ a kila-bɛrɛbɛrɛ fɛ iko tɔn ya a fɔ nya min ka Sulen-Tele bira ka a gbiliya.