Isikiyɛli 20:19 - ALLALA KUMƐ

¹⁹ N ya a fɔ anu ye nun ko anuta Mari Alla le nde la. Anu ni nna tɔnnu bira.

Isikiyɛli 20:19 ပူးပေါင်းရင်းမြစ်များ

Yaburi 105:45

A ya wo ma le alako ala mɔgɛnu ni ala tɔnnu bira ka ala sereya bɛɛ to a gbɛ rɔ. Mari ni tanto!

Yaburi 119:4

Mari, i nyɛrɛ le ya ila tɔnnu di ma ma, ado i ya a fɔ ma ye le ko ma ni anu bira lanayɛ la gben!

Bɔ-Koe-Iyipiti 6:7

N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.

Isikiyɛli 11:20

Wo kɔma, anu si anu telen ka nna tɔnnu bira. Anu si ma nta mɔgɛnu na. Nde fanan si ma anuta Alla la.

Isikiyɛli 36:27

N si nta sɛnbɛ di anu ma min si a ma, anu ni nta tɔn bira a kilɛ fɛ, n ya minnu di anu ma nun, kɔni.

Isikiyɛli 37:24

Mansɛ si taran anu kun na min si bɔ nta wɔli-kɛla Dawuda bɔnsɔn rɔ. Anu dama si taran mansa kelan wo kɔrɔ, ado anu si nta tɔnnu bira a kila bɛrɛbɛrɛ fɛ. N ya nyamanɛ min di anu benba Yakoba ma, anu si sigi nyɔ rɔ. Anu denu wo, anuna dannu wo, anu kebilɛ wo, bɛɛ si sigi nyɔ rɔ tolon!

Saraka-Masɔlɛnuta Tɔnnu 18:4

Wo ni nta tɔnnu bira le gben! Wo tigi le nde, Mari Alla la.

Tɔn-Fɔɛ-Fila-Nyɔgɛ 11:1

Musa ya a fɔ tun ko, “Wo ni wota Mari Alla keni ka ata tɔn bɛɛ bira tuma-wo-tuma.

Tɔn-Fɔɛ-Fila-Nyɔgɛ 12:1

Musa ya a fɔ anu ye tun ko, “Fananta wo siginɛ lanyiri-nyamanɛ wo rɔ, wo ni tɔn kɛnu bira. Wo ni wo tole masɔ Marita kumɛ la a kilɛ fɛ.

Tɔn-Fɔɛ-Fila-Nyɔgɛ 4:1

Musa ya a fɔ Isirɛla mɔgɛnu ye tun ko, “Wo ni wo tole masɔ! N bi nala tɔn min bɛɛsi fɔla wo ye kɛ la, wo ni anu bira gben! Ni wo ya wo ma, wo benbanuta Mari Alla ye nala nyamanɛ min dila wo ma, wo si simayɛ sɔrɔn ka sigi yisi-kimɛ rɔ nyɔ rɔ kaka!

Tɔn-Fɔɛ-Fila-Nyɔgɛ 5:1

Musa ya Isirɛla mɔgɛnu nadɛn anu nyɔgɔn fɛ ka a fɔ anu ye ko, “Wole Isirɛla mɔgɛnu, n bi nala tɔn minnu karanna wo ye bi, wo ni wo tole masɔ wonu na. Wo si anu karan a kila-bɛrɛbɛrɛ fɛ. Wo ni la anu na serr, ka anu bira gben!

Tɔn-Fɔɛ-Fila-Nyɔgɛ 5:32

Musa ya a fɔ anu ye tun ko, “N ya a fɔ wo ye ko ni wota Mari Alla ya fenfen fɔ wo ye, wo ni kɛwɔlɛ kɛ wo la. Wo kana tɔn kɛ do-wo-do masɔsɔ.

Tɔn-Fɔɛ-Fila-Nyɔgɛ 5:33

Wo ni a bɛɛsi bira a kilɛ fɛ, woletɔ wo ye tala nyamanɛ min tɔ Mari ye nala min dila wo ma, wo si simayɛ sɔrɔn nyɔ. Koe bɛɛ si ta a kilɛ fɛ wo bolo.”

Tɔn-Fɔɛ-Fila-Nyɔgɛ 6:1

Musa ya a fɔ Isirɛla mɔgɛnu ye tun ko, “Mata Mari Alla ya tɔn kɛnu don n bolo ka wo karan anu na. Wo ye nala wo sigila wola nyamanɛ min tɔ kaka, wo wa ke nyɔ rɔ, wo si tɔn kɛnu bira.

Tɔn-Fɔɛ-Fila-Nyɔgɛ 6:2

Wole wo, wola dannu wo, anubɛ wo mamanɛnu ni to wota Mari Alla gbiliyala ka ata tɔnnu bira. Fananta wo ye wo niyi la, ni wo ya wo ma, wo si mɛ siginɛ nyamanɛ wo rɔ.

Tɔn-Fɔɛ-Fila-Nyɔgɛ 8:1

“N bara Marita tɔn kɛ minnu di wo ma kɛ la bi, wo ni anu bara-koe ma wo fɛrɛma. Ni wo ya wo ma, wo si taran wo diya ka siyaya. Wo si mɛ sigini lanyiri-nyamanɛ wo rɔ.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.