Isikiyɛli 20:18 - ALLALA KUMƐ

¹⁸ Woletɔ n ya fonikenu makawandi anu tɔ ko anu kana anu benbanuna namunyɛnu bi. N ko anu kana anu nyɛrɛ latinya anuna bɛsi-kɔ-koe la.

Isikiyɛli 20:18 ပူးပေါင်းရင်းမြစ်များ

Yaburi 106:39

Anu kɛ-nya ya anu natinya, ado anu denu ma telen Alla ye.

Yɛrɛmaya 11:10

Ado nfan, a ko wo benbanu ya hakɛ minnu kɛ, wole fanan bi wonu denu gbɛ latugunna. Wo benbanu ya anu ban anu tole masɔla a la. Anu bilara bɛsɛnu fɛ ka wonu kɔ. A ko Isirɛla mɔgɛnu anubɛ Yuda mɔgɛnu bara sarama-kan tinya wo benbanu anubɛ Alla ya min kiri anu nyɔgɔn tɛma.

Yɛrɛmaya 2:7

Mari ko a tara anu na nyamani-diyamɛ rɔ alako anu si nyɔ dɔn-fan-diyamɛnu dɔn. Kɔnɔ hali wo, anu ya ala nyamanɛ wo latinya. Anu ya nyɔ ma nyamani-magboyanɛ la Mari ye.

Yɛrɛmaya 3:9

ado a sɔn-yogomɛ wo bɔrɔ ma taran a ye. Woletɔ nyamanɛ wo sɛninyani ma tun. A ara farɛ anubɛ kɔlɔma kɔ min kɛ, wo mani de iko anu ya yɛlɛnyɛ kɛ,

Yɛrɛmaya 32:23

Nyamanɛ kɛ sɔrɔn anu bolo, anu ma ita tɔnnu bira. Anu ma i kan-wo-kan bira. Wo le ya a ma, i ya kasarɛ latugun anu ma.

Isikiyɛli 18:14

“Ni mɔgɔ-yoge wo ya dan sɔrɔn, a wa a fa kɛ-nya wonu mafɛlɛn kɔnɔ ale ma a fa wo kɛ-nya fenfen bi, a ti faga a fa sɔn-yogomɛla ko la.

Isikiyɛli 18:19

“Wo kɛnɛna a fɔla ko, ‘Nfenna ko la, dan kɛ sa tɔrɔla a fala hakɛnuna ko la?’ Wo yabilɛ le ko, ‘Dan wo ya ko-telennɛ anubɛ ko-nyimɛ le ma. A ya nna tɔn bira a kilɛ fɛ, ado fɔ a wa to a niyi la le, yɔ!’

Isikiyɛli 2:3

A ye a fɔla ko, “Ile hadama-dan, n bi i sɔla Isirɛla mɔgɛnu bara. Anu bara murutiya ka anu kan-kɔ sɔ n na, ado ha bi, anu bi murutiyɛ wo le kun na iko anu benbanu.

Isikiyɛli 20:7

N ya a fɔ anu ye ko anu ni anuna kisimiriya-bɛsɛnu nakɛ a rɔ. N ya a fɔ anu ye fanan ko anu kana anu nyɛrɛ latinya Iyipiti bɛsi-fuyinu kɔ-koe la bawo anuta Mari Alla le nde la.

Emɔsi 2:4

“Mari ko wole Yuda nyamanita-mɔgɛnu, wole ara hakɛ dan-natenbi, ado a si wo tɔrɔ, yɔ! Mari ko wo ara ale nyɛrɛta karan lɔn fufafuyi la ka tɛgɛ a rɔ. Wo ye bɛsɛnu kɔla iko wo benbanu ya a ma nya min.

Kɛwɔlɛnu 7:51

“Wole yisi-gbɛlɛnu! Wo yisi manɛ iko sibolo-gbɛrɛnutɛ. Wo tengberenyanɛ Allala kumɛ lamɔɛn-koe rɔ! Wo ye Allata Ni-Sɛnimɛ kɛlɛla tuma-wo-tuma iko wo benbanu ya a ma nya min!

1 Pita 1:18

Wo ya kɛ-nya-fuyi minnu sɔrɔn wo benbanu bolo, Yisa fagara ka wo hɔrɔya wonu ma. Wola hɔrɔyɛ ma tɛgɛ fan do ma mɔgɛ si min sara sɛnɛ la, ni wo ma, wodi-gbɛ, ado wonu ti mɛ.