Isikiyɛli 20:16 - ALLALA KUMƐ

¹⁶ N ya lanyiri wo kiri bawo anu ya anu ban nna tɔnnu na ka Sulen-Tele lafɛya pɔ! Anuna bɛsi-kɔ-koe di anu ye nde batoe ko.

Isikiyɛli 20:16 ပူးပေါင်းရင်းမြစ်များ

Isikiyɛli 11:21

Kɔnɔ bɛsi-makɔsɔni-batoe di minnu ye anubɛ ko-yogoma-su bɛɛ, n si wonu dama tɔrɔ. N si anu tɔrɔ ka a tɛgɛ anu bara min ma n na. Nde, wo Tigi Mari kan le kɛ la.”

Isikiyɛli 20:38

N si hakɛ-tiginu anubɛ mɔgɔ-murutiyanɛnu wurun anu tɛma. N si anu bɔ dugi wonu tɔ anu bi kan min kaka kɔnɔ n ti sɔn anu ni sɛgi tun Isirɛla nyamanɛ rɔ. Anu si a lɔn wo le ma ko anuta Mari le nde la.

Isikiyɛli 20:8

Kɔnɔ anu bara n bɔrɔbɔ ka anu tengberenya. Anu ma sɔn anuna bɛsɛnu nafilila a rɔ. Anu ma anu bole bɔ Iyipiti kɛnuna bɛsɛnu tɔ. Anu bi Iyipiti wati min, n tabɛnnɛ ka nna diminyɛ mumɛ yira anu na nun.

Isikiyɛli 23:8

Kebi a ya yɛlɛnyɛ dabira Iyipiti wo tumɛ a dennɛ, a ma bɔ wo da kun tɔ. Kebi a denni pɔipɔi, a ya kei-koe dabira. Keinu tolonta a kinyɛ la ka anu sa a fɛ.

Yilan-Yilan Koe 15:39

Wo wa a bunsan kɛnu yen tumɛ min, wo si wo miri Marila tɔnnu ma ka anu bira. Wo si a ma, wo ti wo nyɛrɛ sako kɛ ka wo kan-kɔ sɔ a la.

Yilan-Yilan Koe 25:2

Mohabu musi wonu ya anu kele ka ta anuta saraka-bɔ-tolon rɔ, anu si anuna bɛsɛnu kɔ kan min. Anu kera nyɔ tumɛ min, Isirɛla mɔgɛnu ya anuna saraka-soge wonu dɔn anu fɛ nyɔ