Isikiyɛli 20:12 - ALLALA KUMƐ

¹² Ma sarama-kan-tamasere do le Sulen-Tele-birɛ la alako anu ni a lɔn ko nde, Mari le ye a mala, anu ni sɛninya.

Isikiyɛli 20:12 ပူးပေါင်းရင်းမြစ်များ

Ko-Dabirɛnu 2:3

Woletɔ Alla ya ata duwɛ layigi a tele wɔrɔnfila nyɔgɛ wo ma ka wo ma tele-latankanɛ la kamasɔrɔn Alla ya a sulen duninya dan-koe ma wulɔn le.

Nihɛmaya 9:14

Anu si ila Sulen-Tele bira nya min ka a gbiliya, i ya anu karan wo la. I ya ila tɔnnu don ila wɔli-kɛla Nɛbi Musa bolo ka anu karan wo la.

Bɔ-Koe-Iyipiti 16:29

Wo ni wo hɛnkili to kɛ ko, ko nde, Mari le ya Sulen-Tele kɛ di wo ma serr! Woletɔ n bi tele fila dɔn-fan dila wo ma a tele wɔrɔ nyɔgɛ ma. Mɔgɔ-wo-mɔgɔ kana a maga a tele wɔrɔnfila nyɔgɛ ma. Bɛɛ ni to a warɛ.”

Bɔ-Koe-Iyipiti 35:2

Wo ni wola wɔlɛnu kɛ tele wɔrɔ kɔrɔ kɔnɔ a tele wɔrɔnfila nyɔgɛ ma, wo ni wo ma Sulen-Tele la bawo Marita tele-sɛnimɛ le Sulen-Tele wo la. Ta-sisi kana yen mɔgɔ-wo-mɔgɔ bolo Sulen-Tele ma wo sigi tinɛ bɛɛ rɔ. Min ba wɔli a tele wɔrɔnfila nyɔgɛ wo ma, wo ni a faga.”

Aiseya 56:2

Mɔgɔ-sewanɛ le wo tigi la min bi a Sulen-Tele gbiliyala iko tɔn ya a fɔ nya min. Mari ko a si duwa wo tigi ye min ti ko-yogomɛ ma.

Yɛrɛmaya 17:22

Wo kana dunu-wo-dunu labɔ wola bɔn la wulɔn-tele ma. Wo kana wɔli-wo-wɔli kɛ wo wulɔn. Wo ni tele wo to sɛninyɛ rɔ, ado tɔn le wo la a ya min sa wo benbanu kuma.

Isikiyɛli 20:20

N ko anu ni Sulen-Tele ma tele-sɛninyanɛ la alako Sulen-Tele wo birɛ ni ma sarama-kan-tamasere la mabɛ tɛma. Wo ni ma anu hɛnkili-birɛ la nun ko anuta Mari Alla le nde la.

Isikiyɛli 20:26

N sɔnta anu ni anuna den-keinu ma saraka-mintantɛ la alako n si anu tɔrɔ nya min, ado wo wa ma, wo si a yira anu na nun ko Mari le nde la.

Isikiyɛli 37:28

Nta Bato-Bɔn wa banda laban nyɔ, sibolenu bi a lɔnna wo le ma ko nde le wara Isirɛla mɔgɛnu yabɔ ka anu ma nde, Mari halalɛ la.”

Isikiyɛli 44:24

Ni a taranta kɛlɛ-nyɔgɔnyɛ do ye nyɔ ka a tɛgɛ tɔn-tinya-koe ma, saraka-masɔlɛnu bɛnta ka kiti wo tɛgɛ iko nta tɔn ya a fɔ nya min. A bɛnta, anu ni nna ladiyɛnu kɛ a kila-bɛrɛbɛrɛ fɛ iko tɔn ya a fɔ nya min ka Sulen-Tele bira ka a gbiliya.

Saraka-Masɔlɛnuta Tɔnnu 20:8

A ko wo ni ata tɔnnu bira bawo ale le wota Mari Alla la min si wo sɛninya.

Saraka-Masɔlɛnuta Tɔnnu 21:15

Kɔnɔ ni a ya musi sufa kɛnu furu, anu bi dan min sɔrɔnna, wonu ti sɛninya Mari yala. A bɛnta, anu ni ma mɔgɔ-sɛnimɛnu na Mari yala. Mari le ya ale yabɔ ka a sɛninya a nyɛrɛ ye ka ma saraka-masɔla-kun-tigi-wɛ la.

Saraka-Masɔlɛnuta Tɔnnu 21:23

Mari ko bawo fɛɛ ye mɔgɔ sufa kɛnu na, woletɔ anu kana anu gbɛrɛn yorolan ma Marita Fani-Bɔn burɔ anubɛ ka anu gbɛrɛn saraka-mintan-tinɛ ma wɔli-kɛ-koe la nyɔ rɔ. Ni anu ya wo ma, anu bara ata miran-sɛnimɛnu latinya. Mari ko ale le mata Mari Alla la min ya miran wonu sɛninya ma ye.”

Saraka-Masɔlɛnuta Tɔnnu 21:8

Fɔ mɔgɛnu ni anu miri saraka-masɔlɛnu ma ko anu sɛninyanɛ de bawo anu bi dɔn-fen sarakɛnu dantɛgɛla Mari ma. Ale le mata Mari Alla la. Mari Alla sɛnima, woletɔ a si ata mɔgɛnu fanan sɛninya.

Saraka-Masɔlɛnuta Tɔnnu 23:3

Mari ko a ya tele wɔrɔ di ma ma ka mala wɔlɛnu kɛ kɔnɔ a tele wɔrɔnfila nyɔgɛ, a ko ma ni ma sulen wo rɔ. Mari ko a tele wɔrɔnfila nyɔgɛ wo ma, ma kana wɔlɛ kɛ kɔnɔ ma si ma ladɛn ka Mari Alla bato. Ma tara kan-bo-kan, a tele wɔrɔnfila nyɔgɛ wo, Maritɛ le wo la.

Saraka-Masɔlɛnuta Tɔnnu 23:32

Ka a fɔlɔ ma karɛ wɔrɔnfilɛ, a tele kɔnɔntɛ fitiri-magben ma ha a tele tan fanan fitiri-magben ma, ma si wo le ma mata Sulen-Tele do la. Ma kana fenfen dɔn.

Saraka-Masɔlɛnuta Tɔnnu 25:4

kɔnɔ a san wɔrɔnfila nyɔgɛ ma, wola duginu ni anu sulen wo rɔ. Wo si wola duginu dantɛgɛ nde, Mari ma a san wɔrɔnfila nyɔgɛ wo ma. Wo kana wola suginu fui san kɛ la dugu ma hali ka wola ki-fannu fɛ-bira.

Kɔlɔsi 2:16

Woletɔ wo kana sɔn, mɔgɔ-wo-mɔgɔ ni tɔn sigi wo ma tun wola dɔn-fen-koe anubɛ minni-fen-koe la. Hali tele-sɛnima-koe wo, karɛ-kura-koe wo, Sulen-Tele-koe wo, wo ara hɔrɔya tɔn wonu ma.

1 Tɛsalonaika 5:23

Alla min bi yisi-kimɛ dila wo ma, alamɛ wo ya wo dɛnbɛ ka wo nyɛrɛ mara feu! Wo niyi wo, wo sɔndɔmɛ wo, wo fɛrɛ-bɔnkɛ wo, alamɛ wo ya wo bɛɛ mara a kin na! Ma Mari Yisa, Allata-Mɔgɔ-Yabɔnɛ wa na tumɛ min, a ni wo taran, fɛɛ-wo-fɛɛ sa wo la.

Yude 1:1

Nde, Yude le ye kɛdi kɛ sɛbɛla, Yisa Kirasitila wɔli-kɛlɛ, Yemesi dɔgɔ-keminɛ, kɔni. Alla ara wole min kele, n bi a sɛbɛla wole le ma. Wo tonɛ n Fa Allala keninteyɛ rɔ, ado wo maranɛ Yisa Kirasiti ye.