Isikiyɛli 20:11 - ALLALA KUMƐ

¹¹ N ya nna sereyanu fɔ anu ye ka anu karan nna tɔnnu ma, ado ni min ya wonu bira, wo si siyimayɛ sɔrɔn.

Isikiyɛli 20:11 ပူးပေါင်းရင်းမြစ်များ

Hɛnkilimaya-Kumɛnu 6:23

Anuna kumɛ si waan raka i ma waran! Anuna karan si ma i ye iko kuru-lɛnpu. Anuna makumɛ wo si i kɛ-nya latelen.

Isikiyɛli 18:9

Mɔgɔ-su wo si nna tɔnnu bira a kilɛ fɛ le. Mɔgɔ-telennɛ le a la, ado a si to a niyi la. Nde, wo Tigi Mari kan le kɛ la.

Isikiyɛli 20:13

Kɔnɔ hali n ke anu na wulɛ wo rɔ, anu ya n bɔrɔbɔ. Anu ya anu ban nna sereyanu birala ka anu kan-kɔ sɔ nna tɔnnu na, ado ni min ya wonu bira, wo tigi si siyimayɛ sɔrɔn. Anu ya Sulen-Tele lafɛya pɔ! Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ alako anu wara-koe ni ka-a-la.

Isikiyɛli 20:21

“Kɔnɔ fonike wonu fanan sɛgira n bɔrɔbɔla tun. Anu ya nna tɔn anubɛ sereyanu tinya feu, ado ni min ya tɔn wonu bira, wo si siyimayɛ sɔrɔn. Wonu fanan ya nna Sulen-Tele wo bɔrɔbɔ. Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ.

Isikiyɛli 33:15

Tumado, a ye tulumɛ le lasɛgila, ni wo ma, a ni kankanya-fan lasɛgi, ni a ya a bɔ ko-yogoma-kɛ da kun tɔ, a ni don nna tɔn-birɛ rɔ minnu si a ma, mɔgɛ ni to a niyi la, a ti faga worɔ. A si to a niyi la.

Isikiyɛli 33:16

N si a makoto ala ko-yogomɛla ko la. A si to a niyi la bawo a ara ko-nyimɛ anubɛ ko-telennɛ ma.

Saraka-Masɔlɛnuta Tɔnnu 18:5

Wo ni nta tɔnnu bira ka a ma iko n ya a fɔ wo ye nya min. Ni wo ya wo ma, wo si kisi. Nde le wota Mari la min bi kɛ fɔla wo ye.”

Luka 10:28

Yisa ya a fɔ a ye ko, “Ila yabilɛ kɛ telenta. Ni i ya wo ma, i si habadan-nimayɛ sɔrɔn.”

Romu 10:5

Nɛbi Musa ya kɛ le sɛbɛ ka a bɛn telen-koe ma Alla yala tɔn-birɛ fɛ. A ko, “Ni min bi a fɛ ka to a niyi la, fɔ a ni tɔn-kitabu bɛɛ bira minnu sɛbɛnɛ Allala kitabu rɔ.”

Romu 3:2

A tɔnɛ kolo a nya ma! A fɔlɔtɛ, Alla ya ala sarakanɛ don Yahudiyanu denu bolo.

Kalesiya 3:12

Dɛnkɛninyɛ mako sa tɔn wara-koe la. Iko a sɛbɛnɛ Allala kitabu rɔ nya min ko, “Ni min si tɔn mumɛ bɛɛ bira, wo tigi si nimayɛ sɔrɔn tɔn-birɛ wo fɛ.”

Tɔn-Fɔɛ-Fila-Nyɔgɛ 30:19

Kaka, nde nyɛrɛ fanan bi fɛrɛ dila wo ma ka wota bi duwɛ anubɛ dankɛ tɛma, simayɛ anubɛ fagalɛ tɛma. San-kole anubɛ dugu-kole si ma sereyɛ la wota bi-koe kɛ rɔ. Nde, Musa ko wo ni simayɛ bi.

Tɔn-Fɔɛ-Fila-Nyɔgɛ 4:1

Musa ya a fɔ Isirɛla mɔgɛnu ye tun ko, “Wo ni wo tole masɔ! N bi nala tɔn min bɛɛsi fɔla wo ye kɛ la, wo ni anu bira gben! Ni wo ya wo ma, wo benbanuta Mari Alla ye nala nyamanɛ min dila wo ma, wo si simayɛ sɔrɔn ka sigi yisi-kimɛ rɔ nyɔ rɔ kaka!

Tɔn-Fɔɛ-Fila-Nyɔgɛ 4:5

“N bara ban wo karanna nta Mari Allata tɔnnu na, a ya min fɔ n ye nun. Wo wa ta nyamanɛ wo mɔgɛnu kɛlɛ tumɛ min ka wo sigi nyɔ, wo ni tɔn kɛnu bira.

Tɔn-Fɔɛ-Fila-Nyɔgɛ 4:8

Hali sibolo-gbɛrɛkɛ-mɔgɛnu siyayara ka tenbi ma la kɔnɔ tɔn sa anu bolo minnu natelennɛ iko n bara wo karan min na kɛ la bi.