Isikiyɛli 19:12 - ALLALA KUMƐ

¹² Kɔnɔ yisi-bɔɛ le ya a ma, anu ya a wurun ka a gbesi dugu la. Fɔn-kalamɛ ya a gbɔɛnu gbala ha a bolɔnnu kara a ma. Minnu gbalata, tɛ ya wonu mintan.

Isikiyɛli 19:12 ပူးပေါင်းရင်းမြစ်များ

2 Mansɛnu 23:29

Mansa Yosaya ye ala mansayɛ la wati min, Iyipiti Mansa Niko nara ala kɛlɛ-dannu na Yufereti bɛ dala Asiriyanu madɛnbɛ tinɛ kɛlɛ rɔ. Ale mansɛ tara kilɛ tɛgɛ tinɛ Iyipiti kɛlɛ-dan wonu ma Magidɔ soe burɔ. Iyipiti mansɛ ya a yen nyɔ min kɛ, a ya a faga. A kunyɛ tora kɛlɛ rɔ nyɔ le.

2 Mansɛnu 23:34

Ale Mansa Niko ya a ma, anu ya Mansa Yosayala dan do ma mansɛ la Yɛhowahasi gbɛ rɔ. Wo tɔgɛ le Ilayakim kɔnɔ Iyipiti Mansa Niko ya a tɔgɛ yɛlɛma ko Yahoyakim. Mansa Niko tara a kɔrɔ Mansa Yɛhowahasi la Iyipiti nyamanɛ rɔ. A fagara nyɔ le.

2 Mansɛnu 24:6

Mansa Yahoyakim fagara tumɛ min, ala den Yɛhoyasin sigira a gbɛ rɔ.

Yaburi 52:5

Woletɔ fɔ Alla wa i kasara pɔ! A si i gbɔrɔndo ila bɔn la. A si i wurun mɔgɛnu tɛma.

Yaburi 80:16

Ma yogenu ya ma malanfan ka tɛ tugu ma la. I kolan firindi anu ma ka anu halaki.

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Aiseya 27:8

Mari ma ala mɔgɛnu tɔrɔ wo nya na fɔ kɛlɛ tara anu na min kɛ. A tara anu na iko fɔn-gbɛlɛmɛ min bi bɔla tele-bɔɛ wara la wo ye tala fen-gbalɛ la nya min.

Yɛrɛmaya 22:30

Ale Mari ko a ara ban a latɛgɛla ko fɔ ale Mansa Yɛhoyasin kɔrɔ wa kolonya filili! A wara-koe ti ta yarɔ muk! A kegeya-wo-kegeya ti taran a gbɛ rɔ Yuda nyamanɛ kun na Mansa Dawudata bɔn la. Mari kan le kɛ la.

Yɛrɛmaya 31:28

Iko a ye wole wurunna nya min ka wo labui ka wo kasara ka wo bunden, a ko a ye wo wara-koe sɔla fanka rɔ wo nya na le.

Nimisa Koe 2:1

N Tigi Mari ya ala diminyɛ burun Yerusalɛm kuma iko banda-finyɛ. A ara Isirɛla mɔgɛnuna fen-kolomɛ bɛɛ to fu! Ata diminyɛ ara a ma, hali a Bato-Bɔn, a ara a kɔɛn bɔ wo wara-koe rɔ feufeu!

Isikiyɛli 15:2

“Ile hadama-dan, mɔgɛ si nɔnbɛ anubɛ kɔlɔma sanka anu nyɔgɔn ma kama? Tɔnɔ-nyamintan bi nɔnbɛ la ka tenbi fira-kɔlɔma la?

Isikiyɛli 15:4

Ale ti ko-wo-ko nyinya mɔgɛ ma fɔ ka a ma ta-ladɛn-fan la. Ni tɛ sigira a kun da filɛ la, a tɛmɛ ma ni fulufulu, mɔgɛ si ke a kundi wo mala ko la, wa?

Isikiyɛli 17:10

Hali a kira a kin na, a si a laban? Fɔn-kalamɛ wa na, a ti gbala? Ɔn, a si gbala a sɔ-gbɛ rɔ.”

Isikiyɛli 19:11

A bolɔnnu fasa ha anu mara mansaya-kɔnnu na. Nɔnbɛ wo yɛlɛta furr, ha a tugura san-kole la. Ka a tɛgɛ a yanbɛla siyayɛ anubɛ ala yanyɛ ma, mɔgɛ bɛɛ ya a yen.

Isikiyɛli 28:17

Bawo a ara a yen min kɛ ko a mafɛlɛn di, wo le wara a ma, a ara wasi. A mankan ara a ma, a ye kun-takolonya-koenu mala. Ka a tɛgɛ wo ma, n ya a fɛrɛn dugi la ka a to sani nyɔ alako mansɛ doinu ni kawa a ma nya min.

Hoseya 13:15

Hali wo sabatira iko binyɛ, n si fɔn-kalamɛ lana ka bɔ tele-bɔɛ wara la min si wola kɔlɔnnu anubɛ wola tenkenu tagbala todo! Wola fen-kolomɛnu namara tinɛnu ta si kolonya filili!

Yona 4:8

Sun-tele-kɔgɛ, Alla ya fɔn-kalamɛ lana ka bɔ tele-bɔɛ. A tora doni, Yona ni kirɔn-a-la tele-wuyan bolo. A duwara le gbɛ ni a si faga. A ko, “N furi fisa n kɛndɛ ko.”

Matiyu 3:10

Yende kɔrɔ ara bi ka kɔlɔma-kurinu tɛgɛ anu sulinu tɔ. Kɔlɔma min gbɔɛ ma di, a bɛnta, a ni tɛgɛ ka a lakɛ tɛ rɔ.

Yɔni 15:6

Minnu ti to nde rɔ, n Fa Alla si wonu nakɛ a rɔ iko mɔgɛ si kɔlɔma-bolon-gbalɛnu nadɛn nya min. Anu si to gbalala. Mɔgɛnu si bolɔn wonu nadɛn ka anu nakɛ tɛ rɔ anu si mintan kan min.

Tɔn-Fɔɛ-Fila-Nyɔgɛ 29:28

Marita fondo-belebele bɔra anu kuma ka anu wurun ka anu nabui nyamani-gbɛrɛnu tɔ fugbu! Anu bi nyɔ ha bi.’

Tɔn-Fɔɛ-Fila-Nyɔgɛ 32:22

Marita diminyɛ si ma iko tɛ wa bin-gbalɛ bira ka mintannɛ kɛ dugi kɔrɔ ha ka ta ke lakira ma. Ata diminyɛ si ki-fannu anubɛ dugu-kole mintan gburr! A si kɔnkɛnu sule mintan.