Isikiyɛli 18:7 - ALLALA KUMƐ

⁷ A ti mɔgɔ-niyi ragbɛrɛn a ma anubɛ a ti kankanyɛ kɛ. Ni min ya tulumɛ sigi a ma, a ti balan a ma. A ye kɔnkɔtoenu de-nyinina. A ye fɛrɛyatoenu fɛrɛya-bɔla.

Isikiyɛli 18:7 ပူးပေါင်းရင်းမြစ်များ

Nihɛmaya 5:10

Hali mabɛ ma ta-nyɔgɛ anubɛ anuna wɔli-kɛlɛnu, male fanan bara yili don nun. Kɔnɔ koe min bɛɛ ara tenbi, ma nyina wo dama ko wona.

Yobu 22:6

Ila yili ye i na-kelen-nyɔgɛ la min kɛ, i wara ala kurɛ bɔ a ma ka a gbu-makolonya.

Yobu 24:3

Anu bi kelennɛnuna sofɛlɛnu bila anu bolo. Anu bi kɛɛ-musinuna sara-ninki bila anu bolo fɔrɔsɛ la ko fɔ anu ba ban anuna yili-kɔrɛ sarala.

Yobu 24:9

Karagbɛlɛnu si kelennɛnu don yɔɔnyɛ rɔ. Anu si bolo-kolɔnnuna dannu ma yili-sarɛnu na.

Yaburi 112:4

Waan ra si ka pinpi-fin-bɛ rɔ mɔgɔ-nyimɛ ye. Wo ra si ka mɔgɔ-hinante anubɛ telennɛ fanan ye.

Yaburi 112:9

A si fen-siyaman di bolo-kolɔnnu ma. Ala kɛwɔli-nyimɛ ti ban mumɛ! A ma si kawa, ado gbiliyɛ ti dasa a la.

Yaburi 41:1

Mɔgɔ-sewanɛ le wo tigi la min si kinikini bolo-kolɔnnu ma bawo anu denu fanan tenbi yakɔrɔ-mamɔɛ rɔ, Mari si anu dɛnbɛ.

Bɔ-Koe-Iyipiti 22:25

“Ni min ya nta mɔgɔ bolo-kolɔn do dɔndɔ wodi la, a kana tɔnɛ sa wodi wo kuma ka a nyɛrɛ ma mɔgɔ-bɔnɔnɛ la.

Bɔ-Koe-Iyipiti 22:26

Ni mɔgɛ do ya ala burun-kura kelen pe sigi tulumɛ la a ta-nyɔgɛ ma, wura-wo-wura, wo ni to a lasɛgila a ma,

Bɔ-Koe-Iyipiti 23:9

“Wo kana sundannu tɔrɔ kamasɔrɔn wo ya a lɔn sundanyɛ ye nya min. Wo ni a lɔn ko wole fanan bi sundanyɛ la Iyipiti nyamanɛ rɔ nun.

Hɛnkilimaya-Kumɛnu 14:31

Min bi balanna bolo-kolɔnla bolo-fan ma, wo tigi ara bila Alla la kɔnɔ min bi a kɛ-nya-nyimɛ yirala bolo-kolɔn la, wo mani de iko a ye Alla le gbiliya tinɛ.

Hɛnkilimaya-Kumɛnu 28:27

Mɔgɛ min bi hinala bolo-kolɔn la ka anu kɔ, fenfen ti dasa wo tigi la. Kɔnɔ mɔgɛ min bi a yɛ firindila bolo-kolɔnnu ma, wo tigi anubɛ danka ti fara.

Hɛnkilimaya-Kumɛnu 28:8

Ni mɔgɛ ya tɔnɛ nyini a ta-nyɔgɛnu kuma ka ma nɔnfulu-tigi la, ala nɔnfuli wo si to mɔgɔ-hakikɛnu ye minnu bi hinala bolo-kolɔnnu na.

Hɛnkilimaya-Kumɛnu 3:31

I kana karagbɛlɛnu makeliya anuna karagbɛlɛyɛla ko la, ado i kana na ma iko anu denu

Aiseya 1:17

ka wo degen ko-telenni-kɛ ma. Mɔgɛnu bira anu bira-nya la. Wo ni mɔgɔ-ragbɛrɛnnɛnu dɛnbɛ. Wo ni kelennɛnuna yoe di anu ma ka kɛɛ-musinu kumafunfan.

Aiseya 33:15

Kɔnɔ ni wole tora ko-telennɛ mala ka tonyɛ fɔ, wo si to wo niyi la wo rɔ. Wo kana wo raya ka bolo-kolɔnnu bolo labira, ni wo ma, ka dogonta-fan bira mɔgɛnu bolo. A karagbɛlɛ wo, a mɔgɔ-fagala wo, wo kana kofu wonu ma.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Yɛrɛmaya 22:3

Mari ko wo ni ko-latelennɛ kɛ. A ko mɔgɛ min kensunnɛ, wo ni wo tanka a kensunte ma. A ko a sundan wo, a kelenni wo, a kɛɛ-musu wo, wo kana anu bira boloko-yogomɛ-kɛ. Min ma ko-yogomɛ kɛ, wo kana wonu faga kan-tinɛ kɛ rɔ.

Isikiyɛli 16:49

Nba, Sɔdɔm soe wonubɛ a so-mɛsɛnɛnu wasinɛ bawo dɔn-fen-siyaman bi anu bolo, ado anu siginɛ yisi-kimɛ rɔ poi! Kɔnɔ bolo-kolɔnnu bɔrɔ sa anu ye.

Isikiyɛli 18:12

A kɛnɛna bolo-kolɔnnu bolo labirala ka kankanyɛ kɛ fanan. A ye balanna tulumɛnu ma. A ye tala Alla-lɔnbɛlɛnuna bɛsɛnu kɔla ka kisimiriya-koenu nadan.

Isikiyɛli 18:16

A sa mɔgɔ-niyi ragbɛrɛnna a ma anubɛ a ti a kankan. Ni min ya tulumɛ sigi a ma, a ti balan a ma. A ye kɔnkɔtoenu de-nyinina ka fɛrɛyatoenu fɛrɛya-bɔ.

Isikiyɛli 18:18

Kɔnɔ a fa, wo ya mɔgɔ-bolo-labirɛnu kɛ ka kankanyɛ kɛ. A ya ko-yogomɛ kɛ mɔgɛ bɛɛ la. A tɔgɛ si to ala hakɛnu denu na.

Isikiyɛli 33:15

Tumado, a ye tulumɛ le lasɛgila, ni wo ma, a ni kankanya-fan lasɛgi, ni a ya a bɔ ko-yogoma-kɛ da kun tɔ, a ni don nna tɔn-birɛ rɔ minnu si a ma, mɔgɛ ni to a niyi la, a ti faga worɔ. A si to a niyi la.

Isikiyɛli 7:23

“Kɔndɔfili ye kan-tinɛ bɛɛ rɔ. Fagalɛ dɔrɔn, wo le nyamanɛ rɔ. Soenu nafanɛ karagbɛlɛyɛnu denu na.

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Saraka-Masɔlɛnuta Tɔnnu 19:13

“Wo kana tɔnɔ-wɛ labɔ wo ta-nyɔgɛnu kuma. Ni wo ya wɔli-kɛlɛ bi ka ta wola wɔli-kɛ-tinɛ, yanni i ni a boloka, wo ni a sarɛ don a bolo. Wo kana a sarɛ bira ha wo banda kɛ sɔgɔma.

Saraka-Masɔlɛnuta Tɔnnu 19:15

“Wo ni ma mɔgɔ-telennɛnu na kiti tɛgɛ tinɛ ka kitinu tɛgɛ a kilɛ fɛ. Wo kana lafisalayɛ kɛ kiti tɛgɛ tinɛ ka bolo-kolɔnnu yoe ma anu yiliki la. Wo kana fen-tiginu fanan yoe ma anu yiliki la bawo fen bi anu bolo.

Saraka-Masɔlɛnuta Tɔnnu 25:14

Kɔnɔ n bara min fɔ nun, wo ni wo hɛnkili to wo ko. Min tenbi ata dugi mayirala a ta-nyɔgɛ Isirɛla mɔgɛ do ma, a kana a dɛ lagbɛlɛya a kuma.

Emɔsi 2:6

“Mari ko wole Isirɛla mɔgɛnu, wole fanan ara hakɛ dan-natenbi, ado a si wo tɔrɔ, yɔ! Hali bolo-kolɔn minnu bi wo tɛma, wonu natelennɛ kɔnɔ hali sanbara-sɔnkɛ, anu ti ke wo sɔrɔnna. Wole ye bolo-kolɔn wonu mala yɔɔnnu na ka anu mayira ka a tɛgɛ anuna yilinɛnuna ko ma.

Emɔsi 2:8

Bolo-kolɔnnu bi anuna birinkan sigila wo ma tulumɛ la, wo sa wonu nasɛgila anu ma wurɛ la, ado wo ye wonu sala wo kɔrɔ hali wola batoli-kɛ-tinɛnu tɔ. Wo ye mɔgɛnu bɔnina wodi minnu na, wo ye wonu sanna gbɛɛ la ka ta a min wota bɛsi-kɔ-bɔnnu tɔ.

Emɔsi 3:10

“Mari ko wo si a yen, anu bi anuna bon-hakikɛnu nafala kankanya-fannu na. Anu bi buila mɔgɛnu ma ka fan wonu bi anu bolo. Anu ma telenbagaya-kilɛ lɔn muk!

Emɔsi 6:3

Wo miriya ko wo kɛ-nya ara wo tɔrɔya-tele wo masɛgi wo la pon kɔnɔ wo kɛ-nya ye wo yogenu kelela wo kan ma ka wo kasara.

Maika 2:1

“Gbalo si taran wo mɔgɛnu ma minnu si anu miri ko-yogomɛ ma anu ta-nyɔgɛnuna ko ma suyi rɔ. Anu bi duwala le ko banda ni ka. Bandɛ wa ka tumɛ min, anu si anu nawuli anuna karagbɛlɛyɛnu na anu bolo iko anu ya anu miri a ma suyi rɔ nya min.

Maika 3:2

Ni koe min kin, wo ma di wo ye kɔnɔ ni koe min yogo, wo le di wo ye.

Sɛfanaya 1:9

Minnu si sibolo-gbɛrɛnuta namunyɛ bi bɛsi-kɔ-tinɛ, wonubɛ minnu bi mɔgɔ-fagɛ anubɛ kankanyɛ kun na alako anu ni anu tiginuna bɔnnu nafa, Mari ko a si wonu tɔrɔ.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Luka 3:11

A ya anu yabi ko, “Duruku fila ye min bolo, fen sa min bolo, a ni kelen di wo ma. Dɔn-fan ye min bolo, a ni mɔgɛnu kɔ.”

Tɔn-Fɔɛ-Fila-Nyɔgɛ 24:17

“Wo kana sundannu anubɛ kelennɛnuna yo tinya anu bolo. Wo kana kɛɛ-nyaganɛnuna kurɛnu bi anu bolo tulumayɛ la.