Isikiyɛli 18:5 - ALLALA KUMƐ

⁵ “Tumado, mɔgɔ-nyima-telennɛ do ye nyɔ

Isikiyɛli 18:5 ပူးပေါင်းရင်းမြစ်များ

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

Hɛnkilimaya-Kumɛnu 21:3

Ka ko-latelennɛ kɛ, wo di Mari ye saraka-bɔɛ ko.

Yɛrɛmaya 22:15

Mari ko ale mansɛ miri ko sida-fɛrɛn-siyamɛ si a ma mansa-tɔgɔlamɛ la ka tenbi a fa la. A fa ye mansayɛ la tumɛ min, dɔn-fan le dɔrɔn ya wo wasa. Mari ko wo ya ko-telennɛ anubɛ ko-nyimɛ le ma a siyi-tele-bɛɛ kɔrɔ. Woletɔ koe bɛɛ tara a kilɛ fɛ a bolo.

Yɛrɛmaya 7:5

Wo ni yɛlɛma ka don ko-latelenni-kɛ rɔ. Wo ni wo telen wo nyɔgɔn ye.

Isikiyɛli 18:4

Nde leta ye mɔgɛ bɛɛ niyi la, a denba wo, a den wo. Min bi hakɛ kɛla, wo le ye fagala.

Isikiyɛli 18:6

min sa Isirɛla mɔgɛnuna bɛsɛnu kɔla. A ti bɛsi-kɔ-fan dɔn anuna kan-tina-layan-bɛnu tɔ. A ti bila mɔgɔ-gbɛrɛla musi fɛ, ado musi tenbi ala wati rɔ, a ti a sa wo fɛ.

Isikiyɛli 33:14

Hali n ya sɔn-yogoma-tigi makawandi ko a ye nala fagala kɔnɔ ni a ya a bɔ ala ko-yogomɛ da kun tɔ, a ni don ko-telennɛ anubɛ ko-nyima-kɛ ladan rɔ, a ti faga.

1 Yɔni 2:29

Wo hɛnkili ni to kɛ ko. Kirasiti, mɔgɔ-latelennɛ le. Wo ni a lɔn worɔ ko min bɛɛ si ko-latelennɛ kɛ, Allata dan le wo tigi la.

1 Yɔni 2:3

Ma ya Allala tɔnnu bira min kɛ, ma ara la a la worɔ ko ma ya ale lɔn!

1 Yɔni 3:7

N diyana-dannu, wo kana sɔn, mɔgɛ ni wo yanfa! Minnu bi ko-latelennɛ kɛla, mɔgɔ-nyimɛ le wonu na iko Kirasiti ye nya min.

Lankɛnimayɛ 22:14

Mɔgɔ-sewanɛ le wo mɔgɛnu na minnu bi anuna durukinu kula ka anu sɛninyanɛ mara. Anu si sɛnbɛ sɔrɔn ka nimaya-kɔlɔma-gbɔɛ dɔn anubɛ ka don soe wo burɔ a dɛnu na.