Isikiyɛli 18:30 - ALLALA KUMƐ

³⁰ “Woletɔ nde, wo Tigi Mari ye a fɔla Isirɛla mɔgɛnu ye ko n si anu dama kiti kelen-kelenyɛ ma iko bɛɛta kɛwɔlɛ ye nya min. Anu ni anu kan-kɔ sɔ anuna karagbɛlɛyɛ bɛɛ la. Anu ka a ma, anuna hakɛ ni anu halaki.

Isikiyɛli 18:30 ပူးပေါင်းရင်းမြစ်များ

Ɛsira 10:11

Woletɔ wa wo sɔ wola hakɛ la ma benbanuta Mari Alla ye. Wo ni a sakorɔ-koe ma. Wo ni sibolo-gbɛrɛkɛ-musi kɛnu boloka ka fara nyamanita-mɔgɛ kɛnu na feufeu!”

Makawandili Kumɛnu 12:14

Ma ya ko-wo-ko ma, Alla si ma kiti wola ko la. A yogoma wo, a nyima wo, hali a dogonta koenu, a si ma kiti wo bɛɛla ko la.

Makawandili Kumɛnu 3:17

N ya n miri n nyɛrɛ ma ko Alla si telenbɛlɛnu anubɛ telenbagɛnu kiti bawo koe bɛɛ ani a wati le.

Aiseya 21:12

N ya wo yabi, n ko, “Bandɛ sa mɛla kala tun kɔnɔ suyi bilanɛ wo kɔma. Ni nyinikali-sa-soge ye i la, tana ma, nyinikalɛ sa tun.”

Aiseya 59:20

Mari ko ale kunkalɛ ye nala Yerusalɛm, min si anu nakisi. Yakoba kebilɛ minnu bara anu sɔ anu hakɛ la ka sɛgi Alla ma, a si wonu kunka.

Yɛrɛmaya 25:5

Anu ko wo ni fara wola ko-yogomɛnu na. Wo ni tɔn sigi wola karagbɛlɛyɛnu na alako wo siginɛ ni to wo halala-nyamanɛ rɔ Mari ya min di wobɛ wo benbanu ma.

Yɛrɛmaya 3:22

Wole telenbɛlɛnu ni sɛgi a ma tun. Wo ni sɛgi a ma. A si wo makoto wola telenbɛlitayɛla ko la. A bɛnta wo ni a fɔ ko, “Ma namatoe le. Mata Mari Alla le ile Mari la.

Yɛrɛmaya 35:15

A ko a ara mɛ ala wɔli-kɛlɛnu sɔla wo wara ala nɛbinu, kɔni, alako wo ni wo fara karagbɛlɛyɛ la ka don ko-latelenni-kɛ rɔ. Anu ya wo lasɛgi bɛsi-kɔ-koe ma alako wo ni a laban nyamanɛ kɛ rɔ, a ya min di wobɛ wo benbanu ma, kɔni. Kɔnɔ a ko hali wo, wo ti wo tole masɔ a la ka a kan to a gbɛ rɔ.

Yɛrɛmaya 7:3

Mari Sɛnbɛ-Bɛɛ-Tigi, Isirɛlata Alla, kɔni, wo ye a fɔla ko wo ni yɛlɛma ka don ko-latelenni-kɛ rɔ. Ni wo ya wo ma, a si sɔn wo ni to sigini yan.

Isikiyɛli 14:6

“Woletɔ nde, wo Tigi Mari ye min fɔla i ye, i ni wo latenbi Isirɛla mɔgɛ wonu ma. Anu ni anu nyɛrɛ yiliki ka anu kan-kɔ sɔ anuna kisimiriya-bɛsɛnu na ka sɛgi n ma.

Isikiyɛli 18:21

“Ni karagbɛlɛ ya ata karagbɛlɛyɛ boloka ka nna tɔnnu bira, a ni don ko-telennɛ anubɛ ko-nyimɛ-ladan rɔ, a ti faga worɔ. Fɔ a wa to a niyi la.

Isikiyɛli 18:29

Kɔnɔ Isirɛla mɔgɛnu ko nde, Mari sa kila-nyima kun na. Anu denuta kilɛ ma telen.

Isikiyɛli 24:14

Nde, wo Tigi Mari le wara kɛ fɔ. Nta diminya-lakɛ-wati ara ke a ma. N ti kinikini a ma tun fɔ ka ala so-burɔ-mɔgɛnu bira iko hakɛ-kɛlɛnu. A fɛrɛ sa fɔ a wa tɔrɔ le serr! Nde, a Tigi Mari kan le kɛ la.”

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Isikiyɛli 33:20

Kɔnɔ wole Isirɛla mɔgɛnu bi a fɔla ko n sa ko-telenni kun na. N bi wo kitila ka a tɛgɛ wo ara minnu ma gbɛ!”

Isikiyɛli 33:9

Kɔnɔ ni i ya a makawandi, a ma a fara a sɔn-yogomɛ wo la, ni a fagara ala ko-yogomɛ wo kun na, n bolo sa ile la wo rɔ.”

Isikiyɛli 34:20

“Woletɔ nde, anu Tigi Mari ye a fɔla anu ye ko n si kiti sa saga-tɔlɔnɛnu anubɛ saga-baranɛnu tɛma.

Isikiyɛli 36:19

N ya anutɛ bɔ tɔn rɔ ka a tɛgɛ anu kɛ-nya-yogomɛnu ma woletɔ n ya anu tanyɛnsɛn nyamani-gbɛrɛnu tɔ.

Isikiyɛli 43:9

Fɔ anu ba anu fara bɛsi-kɔ-koe la. Fɔ anu ni fara anuna mansɛnu togon-koe la nta Bato-Bɔn dala. Ni anu ya wo ma, n si to anu tɛma burubukai!”

Isikiyɛli 7:27

Wola mansɛnu si to dila. Anuna dannu kumakɔnɛ si to. Mɔgɛ bɛɛ ra si maga kilan bolo. N si wo tɔrɔ ka a tɛgɛ wo ara minnu ma. N si wo kiti iko wo duruta doinu kitila nya min. Wo si a yira wo la wo rɔ ko Mari le nde la.”

Isikiyɛli 7:3

“Wole Isirɛla mɔgɛnu laban-wati ara ke. Wo si nna yisi-bɔɛ lɔn ka a tɛgɛ wo ara min ma. Wo ara kisimiriya-koe minnu nadan, n bi wo sarala wonuna ko la.

Daniyɛli 9:13

I ya ma tɔrɔ iko Musa ya a sɛbɛ ala tɔn-buku rɔ nya min. Kɔnɔ mata Mari Alla, ma ma ma raya ka duwɛ nyini i bolo ka fara mala hakɛnu na alako ma ni bila ita kila-telennɛ fɛ.

Hoseya 12:6

Woletɔ wole Yakoba kegeyɛnu, wo ni la wota Alla la ka sɛgi a ma. Wo ni lanayɛ kɛ ka keninteyɛ yira wota Alla la. Wo ni wo muin ha Alla ni ata wɔlɛ kɛ.

Sakaraya 1:4

Mari ko wo kana wo benbanu kɛ-nya bi. A ko wati do ara tenbi nun, a ya ata nɛbinu sɔ anu bara alako anu ni anu fara ko-yogoma-kɛ la kɔnɔ anu ma anu tole masɔ a la ka a kan to a gbɛ rɔ.

Malakayi 3:18

A ko mɔgɛnu si dan-nafarɛ yen ata mɔgɔ-telennɛnu anubɛ karagbɛlɛnu tɛma. A ko dan-nafarɛ si yen fanan a gbiliyalɛ anubɛ a lafɛyalɛnu tɛma.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Matiyu 25:32

Duninya-mɔgɛ bɛɛ la si dɛn n yakɔrɔ. N si anu fara kurun fila la iko saga-fɛ-biralɛ si sagɛnu fara baanu na nya min.

Matiyu 3:2

Yɔni ye a fɔla mɔgɛnu ye nun ko, “Wo ni tubi ka wo kɛ-nyanu yɛlɛma bawo Alla min bi Arinyɛni tɔ, wota mansayɛ ara gbɛrɛn!”

Matiyu 3:8

Wo ni koe donu kɛ minnu si a yira ko wo ara wo kɛ-nyanu yɛlɛma.

Luka 13:3

Ade! N ni a fɔ wo ye, ni wole ma tubi ka yɛlɛma, wo dama si faga iko wonu!

Luka 13:5

Ade! N ni a fɔ wo ye, ni wo ma tubi ka yɛlɛma, wo dama si faga iko wonu.”

Kɛwɔlɛnu 26:20

Ka a dabira Damasika ha ka ke Yerusalɛm anubɛ Yudiya nyamanɛ bɛɛ ha sibolo-gbɛrɛnu tɛma, n ya kawandili bɔ wo bɛɛ rɔ. N ya a fɔ anu ye ko anu ni fara hakɛ kɛla ko anu ni na Alla wara. N ko anu ni kɛwɔlɛ wonu kɛ min si a yira ko anu bara yɛlɛma.

Romu 2:5

Kɔnɔ wo yisi gbɛlɛ, ado wo bannɛ tubi-koe ma feu! Woletɔ Allala diminyɛ anubɛ ala kiti wa bɔ gbɛ rɔ tumɛ min, wo si wola tɔrɔyɛ makofu wulɔn le

Yemesi 1:15

Ata ko-yogomɛ min bi a yisi rɔ, wo si buyi bi ka mui hakɛ la. Hakɛ wa tagbaya a kuma tumɛ min, a si a laban sayɛ ma.

1 Pita 1:17

Wo tenbi Alla matarala, wo ye a fɔla ko, “Ma Fa,” ado ale le ye mɔgɛ bɛɛ kiti tɛgɛla nya-kun-kelen iko mɔgɔ kelen-kelennamɛ-bɛɛta kɛwɔlɛ ye nya min. A ti lafisayalɛ kɛ. Woletɔ wo siyi-toe min tonɛ dugu-kole kɛ kuma gbɛ, wo ni wo laban a gbiliya tinɛ.

Lankɛnimayɛ 2:16

Nba, wo ni wo kɛ-nya yɛlɛma! Ni wo ma, faan-da-filɛ min bi bɔla n da rɔ, n si na yona ka mɔgɛ wonu kɛlɛ wo la.

Lankɛnimayɛ 2:5

Wo buinɛ ka bɔ kan min, wo hɛnkili ni to wo ko de! Wo ni wo kɛ-nya yɛlɛma. Wo ya kɛwɔli minnu kɛ fɔlɔ-nun, wo ni wonu kɛ tun. Ni wo ma wo kɛ-nya yɛlɛma, n si na ka wola lɛnpu-sigi-fan bɔ a gbɛ rɔ.

Lankɛnimayɛ 20:12

Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.

Lankɛnimayɛ 22:12

Yisa ko, “Wo ni wo tole masɔ! N bi nala tiriya! N si na nta barayi la n bolo ka a di mɔgɔ kelen-kelennamɛ-bɛɛ ma iko ata kɛwɔlɛnu bi nya min.