Isikiyɛli 18:26 - ALLALA KUMƐ

²⁶ Ni mɔgɔ-telennɛ ya a bɔ ko-nyimɛ da kun tɔ, a ni don ko-yogoma-kɛ rɔ, a si faga. A tɔgɔ si to ala ko-yogoma-kɛ wo le la.

Isikiyɛli 18:26 ပူးပေါင်းရင်းမြစ်များ

Hɛnkilimaya-Kumɛnu 2:13

Mɔgɛ le wonu na minnu bara telenbagayɛ boloka ka bila pinpita kilɛ fɛ.

Isikiyɛli 18:18

Kɔnɔ a fa, wo ya mɔgɔ-bolo-labirɛnu kɛ ka kankanyɛ kɛ. A ya ko-yogomɛ kɛ mɔgɛ bɛɛ la. A tɔgɛ si to ala hakɛnu denu na.

Isikiyɛli 18:24

“Kɔnɔ ni mɔgɔ-telennɛ ya a bɔ ko-nyima-kɛ da kɔrɔ, a ni kisimiriya-ko-kɛ dabira iko karagbɛlɛ doinu bi a mala nya min, mɔgɔ-sufa wo si to a niyi la, wa? Ade! A ara ko-nyimɛ min bɛɛsi ma, wo fenfen bɔrɔ ti taran nde, wo Tigi Mari ye. A si faga ka a tɛgɛ ata telenbɛlitayɛ anubɛ a hakɛla ko ma.

Isikiyɛli 18:25

“Isirɛla mɔgɛnu kɛnɛna a fɔla ko, ‘Mari sa ko-telennɛ kun na.’ Kɔnɔ Isirɛla mɔgɛnu ni anu tole masɔ n na. Anu miri ko n bi koenu nadanna nya min, wo ma kin, nyɛ? Anu denuta kilɛ ma telen.

Isikiyɛli 18:27

Karagbɛlɛ wa fara hakɛ kɛla ka don ko-nyima-kɛ anubɛ ko-telenni-kɛ rɔ, a si a nyɛrɛ niyi lakanan.

Isikiyɛli 3:20

“Mɔgɔ-telennɛ wa don ko-yogoma-kɛ rɔ, n si gbɛrɛ lasigi a ye, a ni faga. Ni i ma wo tigi makawandi, a si faga a sɔn-yogomɛ wola ko la. N ti n miri a sɔn-nyimɛ wo ma tun muk, ado n si i bira wo yili la.

Isikiyɛli 33:13

Hali n bara mɔgɔ-nyimɛ yili-madiya ko a si to a niyi la kɔnɔ tumado, a ni a miri ko a ara ko-nyimɛ minnu ma kɔrɔma la, wonu bara a ya labɔ. Ni wo tigi donta ko-yogoma-kɛ rɔ, a ara ko-nyimɛ min bɛɛsi ma nun, n ti n miri wo do-wo-do ma tun.

Isikiyɛli 33:18

Mɔgɔ-telennɛ wa a bɔ ko-nyima-kɛ da kun tɔ ka don ko-yogoma-kɛ rɔ, a si faga ka a tɛgɛ wola ko ma.

Saraka-Masɔlɛnuta Tɔnnu 6:7

Saraka-masɔlɛ si kolo-fan wo bi ka a di Mari ma saraka-bɔlɛ hakɛla ko la. Sarakɛ kɛ si a hakɛ yamatogon. Mari si a makoto worɔ.” (1) Saraka-Mintantɛnu

Kɔlɔsi 1:23

Nba, wo ni wo sɔ yiri, wola dɛnkɛninyɛ rɔ. Wo kana sɔn, wo ni maga ka bɔ yigi wo rɔ. Wo ya kibara-nyimɛ lamɔɛn tumɛ min, wo ya yigi wo sɔrɔn. Nde, Pɔli le mara kibara-nyimɛ wota wɔli-kɛlɛ la, ado kibara-nyimɛ wo ara ke duninya-mɔgɛ bɛɛ ma.

1 Yɔni 5:17

Koe min bɛɛ ma telen, hakɛ le wo la kɔnɔ hakɛ do ye nyɔ min si a ma, a ni foo habadan-nimayɛ la.