Isikiyɛli 18:24 - ALLALA KUMƐ

²⁴ “Kɔnɔ ni mɔgɔ-telennɛ ya a bɔ ko-nyima-kɛ da kɔrɔ, a ni kisimiriya-ko-kɛ dabira iko karagbɛlɛ doinu bi a mala nya min, mɔgɔ-sufa wo si to a niyi la, wa? Ade! A ara ko-nyimɛ min bɛɛsi ma, wo fenfen bɔrɔ ti taran nde, wo Tigi Mari ye. A si faga ka a tɛgɛ ata telenbɛlitayɛ anubɛ a hakɛla ko ma.

Isikiyɛli 18:24 ပူးပေါင်းရင်းမြစ်များ

2 Ko-Kɔrɔta-Karan 24:2

Fananta Saraka-Masɔla Yɛhoyada ye a kɛndɛ la, Mansa Yohasi ya koe min bɛɛsi ma ala mansayɛ kɔrɔ, wonu ya Mari hɛnɛ.

Yaburi 125:5

Kɔnɔ i wa karagbɛlɛnu tɔrɔ minnu bara ita kilɛ boloka, i ni wonu fanan tɔrɔ. Alamɛ yisi-kimɛ tora Isirɛla mɔgɛnu ye.

Hɛnkilimaya-Kumɛnu 14:32

Karagbɛlɛla karagbɛlɛyɛ si a labui kɔnɔ hali sayɛ wa gbɛrɛn tumɛ min, mɔgɔ-latelennɛnu na si fɛrɛ.

Hɛnkilimaya-Kumɛnu 21:16

Mɔgɔ-wo-mɔgɔ ya a kian bɔ hɛnkilimaya-kilɛ ma, wo tigi ara a kian sɔ kanbarɔ-ta-kilɛ ma.

Yɛrɛmaya 34:16

Wo kɔma, wo ya wo miriya yɛlɛma tun ka a yira ko wo ma ale Mari gbiliya. Wo ara yɔɔn minnu boloka nun iko anu bi nyinina a ma nya min, wo ara wonu bira tun ka a lagbɛlɛya anu kuma.

Isikiyɛli 17:20

N si yalɛ laburun a kuma ka a bira wo la. N si a bi ka ta a la Babilɔn nyamanɛ rɔ ka a tɔrɔ nyɔ bawo a ma a telen n ye.

Isikiyɛli 18:18

Kɔnɔ a fa, wo ya mɔgɔ-bolo-labirɛnu kɛ ka kankanyɛ kɛ. A ya ko-yogomɛ kɛ mɔgɛ bɛɛ la. A tɔgɛ si to ala hakɛnu denu na.

Isikiyɛli 18:22

N si nyina a hakɛ bɛɛ ko. A si to a niyi la bawo a ara ko-telennɛ kɛ.

Isikiyɛli 18:26

Ni mɔgɔ-telennɛ ya a bɔ ko-nyimɛ da kun tɔ, a ni don ko-yogoma-kɛ rɔ, a si faga. A tɔgɔ si to ala ko-yogoma-kɛ wo le la.

Isikiyɛli 20:27

“Woletɔ ile hadama-dan, wo Tigi Mari ye nala min fɔla i ye, i ni wo latenbi Isirɛla mɔgɛnu ma. Anu benbanu ya n nafɛya telenbɛlitayɛ le fanan na.

Isikiyɛli 33:18

Mɔgɔ-telennɛ wa a bɔ ko-nyima-kɛ da kun tɔ ka don ko-yogoma-kɛ rɔ, a si faga ka a tɛgɛ wola ko ma.

Isikiyɛli 33:6

Kɔnɔ ni kila-kandannɛ wo ya anu yogenu yen nala, a ma sɔn buri fɛla, ni anu yoge nara mɔgɛ do faga, ala mɔgɛnu si a bira ka a tɛgɛ a hakɛ wola ko ma. N fanan si a bira wo yili la.

Sɛfanaya 1:6

Minnu bara anu kan-kɔ sɔ Mari la ka anu bɔ aleta kilɛ fɛ, a ko a si wonu bara-koe ban. Anu sa hɛnkili nyinina a bolo tun.

Maraka 13:13

Mɔgɛ bɛɛ si wo kɔn ndela ko la kɔnɔ ni min si a munyu ha ala ban, wo si kisi.

Yɔni 8:21

Yisa ya a fɔ Farisinu ye tun ko, “N ba ta, wo si n nyini kɔnɔ wole si faga wola hakɛnu tɔ. N bi tala kan min, wo ti ke tala nyɔ.”

Yɔni 8:24

Woletɔ n ya a fɔ ko wo si faga wola hakɛnu tɔ. Nba, ni wo ma la a la ko ale le nde la, wo si faga wola hakɛnu tɔ serr!”

Kalesiya 3:3

Wo ara kun-takolonyɛ kɛ kama? Wo ya min dabira Allala Ni-Sɛnimɛ baraka rɔ, wo si ke wo da fala wo nyɛrɛta sɛnbɛ le la, wa? Wo ti ke mala ni!

Kalesiya 3:4

Koe min bɛɛ ara ma wo ye nun, wo dama ara ma fuyi la, wa? Wo ni a lɔn ko koe kɛnu ma kɛ fufafu!

Kalesiya 5:7

Wola dɛnkɛninyɛ ye tala yarɔ nun a kin na, ado ni min ya wo kunyɛ bɔ tonyɛ wo kɔrɔ, wo ma ko-nyimɛ kɛ.

1 Yɔni 2:19

Mɔgɔ-yogomɛ kɛnu bi ma kurun tɔ nun kɔnɔ anu bɔra ma fɛ. Ni mala mɔgɔ-bɛrɛbɛrɛ le anu na nun, anu si to ma fɛ nun. Kɔnɔ anu bɔra ma fɛ min kɛ, a ara bɔ gbɛ rɔ worɔ ko anu fenfen sa ma kurun tɔ tun.

2 Yɔni 1:8

Wo ni a ma wo fɛrɛma worɔ. Ma ya min kɛ wo ye nun alako wo kana foo a la fɔ ni wo ya wo barayi-kanbalinɛ sɔrɔn.

Yude 1:12

Wole denkɛninya-mɔgɛnu ba bɛn fen dɔn tinɛ, mɔgɛ kɛnu manyimanɛ wo tɛma. Anu bi hɔnna anu nyɛrɛ le dɔrɔn na anuna milibɛlitaya-fen-dɔn la anu bolo. Anu manɛ iko fɔnyɔ siginɛ banda-finyɛ min kɔrɔ. Anu manɛ iko kɔlɔma minnu ti gbɔ mumɛ, hali anu gbɔ-tumɛ kenɛ. Anu manɛ iko kɔlɔma minnu suli labɔnɛ dugi rɔ feu! Anu bara faga don!

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.

Lankɛnimayɛ 3:11

N bi nala tiriya! Min bi wo bolo, wo ni wo mara gben! Woletɔ wo ara barayi min sɔrɔn ka a bɛn wola nɔlɛ ma, mɔgɔ-wo-mɔgɔ ti ke wo kankanna wo bolo.

1 Samuwɛli 15:11

“Sɔli kɛ mɛ n bolo mansɛ la, n bara nimisa ala ko la bawo a ara a kan-kɔ sɔ n na ka nna kumɛnu tinya.” Samuwɛli yisi kɔrɔtɔra a ma ha a kira Mari madiyala.