Isikiyɛli 18:23 - ALLALA KUMƐ

²³ Wole miri ko karagbɛlɛ wa faga, wo di nde, wo Tigi Mari ye, wa? Ade. A di n ye le, a ni ko-yogoma-kɛ boloka alako a ni to a niyi la.

Isikiyɛli 18:23 ပူးပေါင်းရင်းမြစ်များ

2 Samuwɛli 14:14

Kɔnɔ a mara nya-wo-nya, fɔ ma dama wa faga le. Ma mani de iko yi ra wa wuya dugi ma. Mɔgɔ ti ke wo madɛnna tun. Hali Alla, niyi-bɔɛ ma di a ye. Kɔnɔ Alla si fɛrɛ nyini ka mɔgɔ-konnɛ lasɛgi a ma tun.

Yobu 37:23

Ma ti ke ma gbɛrɛnna Alla Sɛnbɛ-Bɛɛ-Tigi ma ka a tɛgɛ ata kabana-koe wonu ma. A telennɛ mɔgɛnu ye tede!

Yaburi 147:11

Kɔnɔ a kolan si bɔ a gbiliyalɛnu denu na. Minnu yigi bɛnnɛ ala hinɛ ma, a makoe ye wonu denu na.

Yɛrɛmaya 31:20

Mari ko a diyana-den-bɛrɛbɛrɛ le Isirɛla mɔgɛnu na. A ko anu di a ye kosɛbɛ! A ko a nɛn-naban anu tɔgɔ ratɛgɛla, anuna keninteya ara don a rɔ. A ko a hɛnkili ti bɔ anu ko, ado anuna hinɛ si to a burɔ.

Nimisa Koe 3:33

A ma di Mari ye a ni mɔgɔ tɔrɔ ha a kɔndɔ ni fili pirikali!

Isikiyɛli 18:32

A ma di n ye, mɔgɛ ni faga. Anu ni anu kan-kɔ sɔ anu hakɛnu na, woletɔ anu si to anu niyi la. Nde, wo tigi Mari kan le kɛ la.”

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Luka 15:10

N bi a fɔla wo ye, hakɛ-tigi kelen ba tubi, Allala melikanu si sewa wo nya na le.”

Luka 15:32

Kɔnɔ a bɛnta ma sewanɛ ni ladiyɛ kɛ bawo i dɔgɔ faganɛ le nun kɔnɔ kaka, a ye a niyi la. A tonɛ-a-rɔ nun kɔnɔ kaka, ma ara a yen tun.’ ”

1 Timoti 2:4

min bi a fɛ, mɔgɛ bɛɛ ni kisi ka tonyɛ lɔn.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.

2 Pita 3:9

Mari kun kimayani ma ata lanyiri-lakanbaliya-koe rɔ iko doinu bi anu mirila nya min. Kɔnɔ a munyunɛ wolela ko la bawo a ma di a ye, mɔgɔ-wo-mɔgɔ ni halaki kɔnɔ a ye a fɛ, mɔgɛ bɛɛ ni yɛlɛma ka bɔ anu hakɛ rɔ.