Isikiyɛli 18:21 - ALLALA KUMƐ

²¹ “Ni karagbɛlɛ ya ata karagbɛlɛyɛ boloka ka nna tɔnnu bira, a ni don ko-telennɛ anubɛ ko-nyimɛ-ladan rɔ, a ti faga worɔ. Fɔ a wa to a niyi la.

Isikiyɛli 18:21 ပူးပေါင်းရင်းမြစ်များ

Yaburi 119:1

Duwa-dan le wo tigi la min telennɛ, fɛɛ sa a wara-koe la, ado a ye Marila tɔnnu natɔnbagayala.

Yaburi 119:112

N bara ban a latɛgɛla, n ko, “Fenfen ti n bɔ ila tɔnnu kɔrɔ fɔ saya.”

Yaburi 119:80

Alamɛ n ya ila tɔnnu bira n bolo filɛ le la gben woletɔ n ti miliya n yogenu yakɔrɔ.

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Yɛrɛmaya 18:8

Kɔnɔ ni sibole wo ya a kan-kɔ sɔ a hakɛ la, a ko a si a fonde yɛlɛma. Kasarɛ min tabɛnnɛ sibole wo kan ma nun, a ko a ti wo sigi a ma tun.

Yɛrɛmaya 26:3

Tumado wo si wo tole masɔ ka wo kan-kɔ sɔ wola ko-yogomɛnu na, ado ni wo ya wo ma, a ko a si a miriya yɛlɛma wo kasara-koe ma, a ye min nanala wo kuma wola sɔn-yogoyɛla ko la.

Isikiyɛli 13:22

“Anu bi mɔgɔ-telennɛnu yisi tɔntɔnna a rɔ anuna foninya-kumɛnu na, ado a ma di n ye, mɔgɔ-telennɛ kɛnu yisi ma ni gboya. Anu bi mɔgɛnu manugu-nɛgɛla alako wonu kana na bɔ anu sɔn-yogomɛnu da kɔrɔ bawo ni wonu bɔra anu sɔn-yogomɛ da kɔrɔ, anu si kisi.

Isikiyɛli 18:17

A ye a banna ko-yogoma-kɛ ma. A wa mɔgɔ dɔndɔ, a ti tɔnɔ sa a kuma. A ye nna tɔnnu birala a kilɛ fɛ. Mɔgɛ wo ti faga ka a tɛgɛ a fala hakɛla ko ma. Fɔ a wa to a niyi la, yɔ!

Isikiyɛli 18:19

“Wo kɛnɛna a fɔla ko, ‘Nfenna ko la, dan kɛ sa tɔrɔla a fala hakɛnuna ko la?’ Wo yabilɛ le ko, ‘Dan wo ya ko-telennɛ anubɛ ko-nyimɛ le ma. A ya nna tɔn bira a kilɛ fɛ, ado fɔ a wa to a niyi la le, yɔ!’

Isikiyɛli 18:30

“Woletɔ nde, wo Tigi Mari ye a fɔla Isirɛla mɔgɛnu ye ko n si anu dama kiti kelen-kelenyɛ ma iko bɛɛta kɛwɔlɛ ye nya min. Anu ni anu kan-kɔ sɔ anuna karagbɛlɛyɛ bɛɛ la. Anu ka a ma, anuna hakɛ ni anu halaki.

Isikiyɛli 18:5

“Tumado, mɔgɔ-nyima-telennɛ do ye nyɔ

Isikiyɛli 18:9

Mɔgɔ-su wo si nna tɔnnu bira a kilɛ fɛ le. Mɔgɔ-telennɛ le a la, ado a si to a niyi la. Nde, wo Tigi Mari kan le kɛ la.

Isikiyɛli 3:21

Ni i don ya a makawandi, a ni fara a sɔn-yogomɛ wo la, a ni a tole masɔ i la, ka fara ko-yogoma-kɛ la, a ti faga, ado n bolo sa i la wo rɔ.”

Isikiyɛli 33:19

Ni sɔn-yogoma-tigi ya a bɔ ala ko-yogoma-kɛ da kun tɔ, a ni don ko-telennɛ anubɛ ko-nyima-kɛ rɔ, a ara a nyɛrɛ niyi lakisi.

Isikiyɛli 36:27

N si nta sɛnbɛ di anu ma min si a ma, anu ni nta tɔn bira a kilɛ fɛ, n ya minnu di anu ma nun, kɔni.

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Luka 1:6

Anu filɛ bɛɛ telennɛ Alla yala. Anu ya Marita tɔn anubɛ sereya bɛɛ bira a kila-bɛrɛbɛrɛ fɛ.

Luka 24:47

A sɛbɛnɛ fanan ko tubi koe anubɛ hakɛ-makoto-ko-kawandilɛ si bɔ sibole bɛɛ ye n tɔgɛ rɔ ka a dabira Yerusalɛm yan.

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

Romu 8:13

Ni wo tora ko ladanna iko wo kɛ-nya-kɔrɛnu bi nya min, wo ye fagala le. Kɔnɔ ni Allata Ni-Sɛnimɛ ya wo dɛnbɛ ka hakɛ-koe faga wo rɔ, wo si ni-bɛrɛ sɔrɔn serr!

Yemesi 2:14

N na-kelen-nyɔgɛnu kana a fɔ ko, “Dɛnkɛninyɛ ye n bolo,” ni ila kɛwɔlɛnu ma a yira. Wo si nfen nyinya i ma? Ita dɛnkɛninyɛ wo si ke i kisila worɔ, wa?

Yemesi 2:26

Nba, iko fɛrɛ-bɔnku-faganɛ ye nya min, niyi sa a rɔ, dɛnkɛninyɛ fanan faganɛ wo nya le, ni kɛwɔlɛnu sa a fɛ.