Isikiyɛli 18:20 - ALLALA KUMƐ

²⁰ Min bi hakɛ kɛla, wo le ye fagala. Dan ti tɔrɔ a fala hakɛla ko la, ado fa fanan ti tɔrɔ ala dan hakɛla ko la. Mɔgɔ-nyimɛ si ata ko-nyima-sarɛ sɔrɔn. Karagbɛlɛ si ata karagbɛlɛya-sarɛ sɔrɔn.

Isikiyɛli 18:20 ပူးပေါင်းရင်းမြစ်များ

1 Mansɛnu 14:13

Isirɛla mɔgɛ bɛɛ si di ala ko la ka a togon. Isirɛlata Mari Alla ko ni i ya a yen, anu bi ale kelen pe togonna a kilɛ fɛ Mansa Yɛrabowamila denbayɛ tɛma, wo manɛ ale le kelen pe ara a hɛnɛ.

1 Mansɛnu 8:32

E, Mari, i ni i wɔlɔ matɔlɔ san-kole rɔ ka ko sufa wo kiti tɛgɛ. I ni mɔgɔ-yilikinɛ tɔrɔ iko ala hakɛ ye nya min ka tonya-tigi wo yo sa iko ata yoe ye nya min.

2 Mansɛnu 14:6

Kɔnɔ hali wo, a ma mɔgɔ-ba wonuna dannu faga bawo Mari ya tɔn minnu di Nɛbi Musa ma, a ya wonu kilɛ tagama. Tɔn wo ko, “Ni dan ya ko tinya, mɔgɔ ti a sɔrɔnbagɛ faga wola ko la. Ni sɔrɔnbagɛ ya ko tinya, mɔgɔ ti ala dan faga wola ko la. Mɔgɔ nyɛrɛ ye koe min tinyana, a tɔgɛ ye tola wo le yili la.”

2 Ko-Kɔrɔta-Karan 25:4

Kɔnɔ hali wo, a ma mɔgɔ-ba wonuna dannu faga bawo Mari ya tɔn minnu di Nɛbi Musa ma, a ya wonuna kilɛ tagama. Tɔn wo ko, “Ni dan ya ko tinya, mɔgɔ ti a sɔrɔnbagɛ faga wola ko la. Ni sɔrɔnbagɛ ya ko tinya, mɔgɔ ti ala dan faga wola ko la. Mɔgɛ nyɛrɛ ya koe min tinya, a tɔgɛ ni to wo yili la.”

2 Ko-Kɔrɔta-Karan 6:23

E, Mari, i ni i wɔlɔ matɔlɔ Arinyɛni tɔ ka ko sufa wo kiti tɛgɛ. I ni mɔgɔ-yilikinɛ tɔrɔ iko a hakɛ ye nya min ka tonya-tigi wo yo sa iko ata yoe ye nya min.

Bɔ-Koe-Iyipiti 32:33

Mari ya a fɔ Musa ye ko, “Ni mɔgɔ-wo-mɔgɔ ya hakɛ kɛ ka bila nde la, n si wo tɔgɛ firan nta buku rɔ.

Aiseya 53:11

Ala tɔrɔyɛ mumɛ bɛɛ wa tenbi a kun na, wo si a laban a bolo sewɛ ma. Wo kɔma, a ni to a lɔnna ko a ma tɔrɔ-fu kɛ. Mari ko ata wɔli-kɛlɛ si a ma, mɔgɔ-siyaman na ni telen Mari ye. A si ta anu hakɛ la a bolo.

Isikiyɛli 14:14

Nowa wo, Danɛli wo, Yobu wo, ni wonu denu bi nyamanɛ wo rɔ nun, anuna kɛwɔli-nyimɛ ti mɔgɔ-wo-mɔgɔ kisi fɔ anu nyɛrɛ. Nde, wo Tigi Mari kan le kɛ la.

Isikiyɛli 14:16

Hali mɔgɔ sawɛ wonu bi nyamanɛ wo burɔ nun, n bara n keli n nyɛrɛ rɔ ko hali anuna dannu, anu ti ke wonu nakisila fɔ anu nyɛrɛ dɔrɔn. Nyamanɛ wo si ma nyamani-takolɔn la.

Isikiyɛli 18:13

A ye mɔgɛnu dɔndɔla a tɔnɔ-koe le la. Wo mɔgɔ-sufa si to a niyi la, wa? Ade. Wo ti to a niyi la bawo a ya n gboyana-koe gbansan le ladan, ado a tɔgɔ si to a nyɛrɛ la.

Isikiyɛli 18:30

“Woletɔ nde, wo Tigi Mari ye a fɔla Isirɛla mɔgɛnu ye ko n si anu dama kiti kelen-kelenyɛ ma iko bɛɛta kɛwɔlɛ ye nya min. Anu ni anu kan-kɔ sɔ anuna karagbɛlɛyɛ bɛɛ la. Anu ka a ma, anuna hakɛ ni anu halaki.

Isikiyɛli 18:4

Nde leta ye mɔgɛ bɛɛ niyi la, a denba wo, a den wo. Min bi hakɛ kɛla, wo le ye fagala.

Isikiyɛli 33:10

Mari ya a fɔ n ye ko, “Ile hadama-dan, Isirɛla mɔgɛnu bi min fɔla, ile ni anu hɛnkili bila wonu na tun. Anu bi a fɔla ko anu kɔndɔfilinɛ anu hakɛla ko la. Anu bi a fɔla fanan ko anu bi tola kasarala anuna hakɛla ko la. Anu ko anu si ke belila kama gbɛ?

Isikiyɛli 33:6

Kɔnɔ ni kila-kandannɛ wo ya anu yogenu yen nala, a ma sɔn buri fɛla, ni anu yoge nara mɔgɛ do faga, ala mɔgɛnu si a bira ka a tɛgɛ a hakɛ wola ko ma. N fanan si a bira wo yili la.

Isikiyɛli 4:4

“Wo kɔma, i ni i sa i bolo-maran kuma. N si Isirɛla bɔnsɔn-mɔgɛnu bɛɛ hakɛ sigi i kuma. I si to sani nyɔ tele kɛmɛ sawa tele bi-kɔnɔntɔ (390) kɔrɔ. I ye tɔrɔla ka le anu hakɛla ko la. I ye tele kelen-kelan min bɛɛ bɔla nyɔ, wo si ma anu ma iko san kelen-kelen tɔrɔyɛ.

Saraka-Masɔlɛnuta Tɔnnu 10:17

Musa ya anu manyinika ko, “Nfen ya a to, wo ma saraka-soge kɛ dɔn? A bɛnta, wo ni a dɔn kan-tina-sɛnimɛ kɛ rɔ nun. Fen-sɛninyanɛ le kɛ la. Mari ya kɛ di wo ma mɔgɛnuna hakɛ-yamatogon-koe la.

Saraka-Masɔlɛnuta Tɔnnu 16:22

Baa wo si ta anu hakɛ-kɔrɔmɛnu na a bolo wulɛ rɔ pon!

Saraka-Masɔlɛnuta Tɔnnu 19:8

Ni min ya wo dɔn, wo tigi si nanparan sɔrɔn nde, Mari bolo bawo fan min dantɛgɛnɛ nde ma, a ara wo bi iko saraka-sogo ma. Wo kana wo miri mɔgɔ sufa kɛ ma tun ko nde, Maritɛ le ale la.

Saraka-Masɔlɛnuta Tɔnnu 5:1

“Ni mɔgɔ ya hakɛ kɛ sufanu kɛ, a bɛnta a ni to sarakɛ kɛnu bɔla a hakɛla ko la. “Ni anu ya mɔgɛ do kele kiti tɛgɛ tinɛ kɔnɔ a ya min namɔɛn ani a ya min tayen, ni a ma sɔn wo bɛɛsi rakaranna, wo hakɛ si to a kuma bawo a ma sɔn sereyɛ bɔla.

Saraka-Masɔlɛnuta Tɔnnu 5:17

“Ni mɔgɛ do suira ko a ya Mari tanɛ do tinya kɔnɔ a ma a lɔn, wo tigi si yiliki sɔrɔn. A si sarakɛ bɔ a hakɛ wola ko la, yɔ!

Yilan-Yilan Koe 15:31

kamasɔrɔn a ara murutiya nde, Mari ma. Wo tigi nyɛrɛ tɔgɛ si to a nyɛrɛ la, yɔ!”

Yilan-Yilan Koe 18:1

Mari ya a fɔ Aruna ye ko, “Ni tɔn-wo-tɔn tinyanta nta bɔn kɛla ko la, n bara dunɛ wo bɛɛ sigi wobɛ ila dannu anubɛ i na-kelen-nyɔgɛnu kuma. Kɔnɔ ni tɔn-wo-tɔn tinyanta saraka-masɔ-wɔlɛla ko la, n bara wo dunɛ sigi wobɛ ila dannu dɔrɔn kuma.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Tɔn-Fɔɛ-Fila-Nyɔgɛ 24:16

“Wo kana denbɛnu faga anuna dannuna ko-yogomɛnuna ko la. Wo kana dannu fanan faga anu sɔrɔnnɛnuna ko-yogomɛla ko la. Wo ni mɔgɛ bɛɛ bira a nyɛrɛta ko-yogoma-yili la.

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.

Lankɛnimayɛ 2:23

N si a gba-fɛ-bilalɛnu fanan faga. Nba, chɔchi bɛɛ si a lɔn wo rɔ ko nde le ya mɔgɛnu miriya anubɛ anu kɔntɔ-koenu lɔn. N si wo kelen-kelennamɛ-bɛɛ sara iko wola kɛwɔlɛnu bi nya min.

Lankɛnimayɛ 20:12

Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.