Isikiyɛli 18:17 - ALLALA KUMƐ

¹⁷ A ye a banna ko-yogoma-kɛ ma. A wa mɔgɔ dɔndɔ, a ti tɔnɔ sa a kuma. A ye nna tɔnnu birala a kilɛ fɛ. Mɔgɛ wo ti faga ka a tɛgɛ a fala hakɛla ko ma. Fɔ a wa to a niyi la, yɔ!

Isikiyɛli 18:17 ပူးပေါင်းရင်းမြစ်များ

Yobu 29:16

Bolo-kolɔnnu fa le nde la. Sundannu ba bila nanparan rɔ, n bi anu dɛnbɛna.

Yaburi 119:1

Duwa-dan le wo tigi la min telennɛ, fɛɛ sa a wara-koe la, ado a ye Marila tɔnnu natɔnbagayala.

Yaburi 119:3

Anu ti ko-yogoma ma. Anu bi tagamana Marita kilɛ le fɛ.

Hɛnkilimaya-Kumɛnu 14:31

Min bi balanna bolo-kolɔnla bolo-fan ma, wo tigi ara bila Alla la kɔnɔ min bi a kɛ-nya-nyimɛ yirala bolo-kolɔn la, wo mani de iko a ye Alla le gbiliya tinɛ.

Hɛnkilimaya-Kumɛnu 29:14

Ni mansɛ tora bolo-kolɔnnuna tonyɛ labɔla gbɛ rɔ, mansayɛ ti bɔ ala bɔn la.

Hɛnkilimaya-Kumɛnu 29:7

Telenbagɛ si mɔgɔ-tɔrɔnɛ dɛnbɛ kɔnɔ karagbɛlɛ ti ke ko-sufa wonu nya-yenna.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Yɛrɛmaya 22:16

A ko a fa wo taranta bolo-kolɔn anubɛ fugarɛnu dɛnbɛna wulɔn. Woletɔ a wara-koe bɛɛ tara a kilɛ fɛ. A ko ale Mari lɔn kɔrɛ le wo la.

Isikiyɛli 18:13

A ye mɔgɛnu dɔndɔla a tɔnɔ-koe le la. Wo mɔgɔ-sufa si to a niyi la, wa? Ade. Wo ti to a niyi la bawo a ya n gboyana-koe gbansan le ladan, ado a tɔgɔ si to a nyɛrɛ la.

Isikiyɛli 18:18

Kɔnɔ a fa, wo ya mɔgɔ-bolo-labirɛnu kɛ ka kankanyɛ kɛ. A ya ko-yogomɛ kɛ mɔgɛ bɛɛ la. A tɔgɛ si to ala hakɛnu denu na.

Isikiyɛli 18:28

A ya a lɔn a ye min kun na, woletɔ a ya a bɔ wo da kun tɔ. A ti faga kɔnɔ a si to a niyi la.

Isikiyɛli 20:18

Woletɔ n ya fonikenu makawandi anu tɔ ko anu kana anu benbanuna namunyɛnu bi. N ko anu kana anu nyɛrɛ latinya anuna bɛsi-kɔ-koe la.

Isikiyɛli 20:30

Woletɔ i ni nde, wo Tigi Mari kan kɛ latenbi Isirɛla mɔgɛnu ma ko nfenna anu bi bɛsɛnu kɔla iko anu benbanu ya a ma nya min?

Isikiyɛli 3:21

Ni i don ya a makawandi, a ni fara a sɔn-yogomɛ wo la, a ni a tole masɔ i la, ka fara ko-yogoma-kɛ la, a ti faga, ado n bolo sa i la wo rɔ.”

Isikiyɛli 33:13

Hali n bara mɔgɔ-nyimɛ yili-madiya ko a si to a niyi la kɔnɔ tumado, a ni a miri ko a ara ko-nyimɛ minnu ma kɔrɔma la, wonu bara a ya labɔ. Ni wo tigi donta ko-yogoma-kɛ rɔ, a ara ko-nyimɛ min bɛɛsi ma nun, n ti n miri wo do-wo-do ma tun.

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Saraka-Masɔlɛnuta Tɔnnu 18:30

Mari nyɛrɛ ya a fɔ tun ko, “N bara tɔn minnu di wo ma kɛ la, wo ni wonu bira. Wo kana wo bila nyamanɛ wo mɔgɛnu kɛ-nya fɛ alako ka wo nyɛrɛ ma mɔgɔ-sɛninyabɛlɛ la fufafu! Wota Mari le nde, Alla la min bi kɛnu fɔla wo ye.”

Saraka-Masɔlɛnuta Tɔnnu 18:4

Wo ni nta tɔnnu bira le gben! Wo tigi le nde, Mari Alla la.

Malakayi 3:7

A ko wole bɔra wo benbanu denu na. Wonu ya ata tɔnnu boloka. Wonu ma sɔn anu bira koe ma. Mari ko wo ni sɛgi a ma tun, a si a ya-lamunun wo la. Kɔnɔ a ko wole ye a fɔla ko, “Ma si nfen ma min si a ma, ma ni sɛgi a ma?”

Luka 19:8

Sakiyasi ya a lasɔ ka a fɔ Mari ye ko, “N tigi, i wɔlɔ matɔlɔ! N si nna nɔnfulu-talɛ di bolo-kolɔnnu ma. N bara fen bɔ minnu bolo kensunteyɛ la, n si wo nyɔgɔn nani lasɛgi wo tiginu ma tun.”

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.