Isikiyɛli 18:13 - ALLALA KUMƐ

¹³ A ye mɔgɛnu dɔndɔla a tɔnɔ-koe le la. Wo mɔgɔ-sufa si to a niyi la, wa? Ade. Wo ti to a niyi la bawo a ya n gboyana-koe gbansan le ladan, ado a tɔgɔ si to a nyɛrɛ la.

Isikiyɛli 18:13 ပူးပေါင်းရင်းမြစ်များ

1 Mansɛnu 2:37

Ni i ya Kidirɔn yi tɛgɛ tuma-wo-tuma, i ni a lɔn worɔ serr, ko fɔ i wa faga, ado ni i fagara, i nyɛrɛ gbɛ le wo la.”

Yobu 34:11

Mɔgɔ ya ko-wo-ko ma, a si i sara wola ko la. A ye anu birala iko anu kɛ-nya ye nya min.

Bɔ-Koe-Iyipiti 22:25

“Ni min ya nta mɔgɔ bolo-kolɔn do dɔndɔ wodi la, a kana tɔnɛ sa wodi wo kuma ka a nyɛrɛ ma mɔgɔ-bɔnɔnɛ la.

Isikiyɛli 18:17

A ye a banna ko-yogoma-kɛ ma. A wa mɔgɔ dɔndɔ, a ti tɔnɔ sa a kuma. A ye nna tɔnnu birala a kilɛ fɛ. Mɔgɛ wo ti faga ka a tɛgɛ a fala hakɛla ko ma. Fɔ a wa to a niyi la, yɔ!

Isikiyɛli 18:24

“Kɔnɔ ni mɔgɔ-telennɛ ya a bɔ ko-nyima-kɛ da kɔrɔ, a ni kisimiriya-ko-kɛ dabira iko karagbɛlɛ doinu bi a mala nya min, mɔgɔ-sufa wo si to a niyi la, wa? Ade! A ara ko-nyimɛ min bɛɛsi ma, wo fenfen bɔrɔ ti taran nde, wo Tigi Mari ye. A si faga ka a tɛgɛ ata telenbɛlitayɛ anubɛ a hakɛla ko ma.

Isikiyɛli 18:28

A ya a lɔn a ye min kun na, woletɔ a ya a bɔ wo da kun tɔ. A ti faga kɔnɔ a si to a niyi la.

Isikiyɛli 18:32

A ma di n ye, mɔgɛ ni faga. Anu ni anu kan-kɔ sɔ anu hakɛnu na, woletɔ anu si to anu niyi la. Nde, wo tigi Mari kan le kɛ la.”

Isikiyɛli 18:8

A wa mɔgɔ dɔndɔ, a ti tɔnɔ sa a kuma. A ye a banna ko-yogoma-kɛ ma. A ti kumɛ ladon binyɛ la mɔgɔ-wo-mɔgɔ ye.

Isikiyɛli 3:18

Ni n ya a fɔ ko karagbɛlɛ do ye nala fagala, ile ma sɔn tala wo makawandila alako a ni bɔ a sɔn-yogomɛ wo da la ka kisi, ni wo fagara ko-yogomɛ wo kun na, ile hadama-dan gbɛ le wo la, ado n si i bira wo yili la, yɔ!

Isikiyɛli 33:8

Ni n ya a fɔ ko karagbɛlɛ do ye nala fagala, ile ma sɔn tala wo makawandila alako a ni a bɔ a sɔn-yogomɛ wo kun na ka kisi, ni a fagara ko-yogomɛ wo kun na, ile Isikiyɛli, i gbɛ le wo la, ado n si i bira wo yili la, yɔ!

Saraka-Masɔlɛnuta Tɔnnu 20:27

Kei wo, musi wo, ni min ya a nyɛrɛ don yi-kɔrɔ-fɛlɛn-koe rɔ, Mari ko wo ni wo tigi mabon kuri la. Wo tigi tɔgɛ si to a nyɛrɛ la.

Saraka-Masɔlɛnuta Tɔnnu 20:9

“Ni min tora a fa anubɛ a na lafɛyala, Mari ko wo ni wo tigi faga. A tigi tɔgɛ si to a nyɛrɛ la, yɔ!

Kɛwɔlɛnu 18:6

Kɔnɔ tɔ-a-la, anu ya a sɔsɔ ka a manyini. Woletɔ a ya ala duruki ragbɔngbɔn anu kan ma. A ya a fɔ anu ye ko, “Ni wo halakira, wo ti mɔgɔ ta-a-la! Nta sa a rɔ. Ka a dabira bi ma, n si ta sibolo-gbɛrɛnu wara la.”