Isikiyɛli 17:23 - ALLALA KUMƐ

²³ Isirɛla kɔnkɔ-layan-bɛ, kɔni. A si a matii ka a bolon-siyaman sɔ a ma. A si gbɔ ka ma sida-kɔn-hakikɛ la. Nyɔ si ma kona-su bɛɛ sigi-tinɛ la. Anu si to anu sigila a ninɛ la.

Isikiyɛli 17:23 ပူးပေါင်းရင်းမြစ်များ

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Yaburi 80:8

I nara nɔnbɛ do la ka bɔ Iyipiti nyamanɛ rɔ. I ya sibolo-gbɛrɛnu gben ka nɔnbɛ wo ki wonuna nyamanɛ rɔ.

Keninteya-Siginu 5:15

A worenu tagbɛlɛ iko kuri-sɛnbɛrɛn-kɔn minnu sɔnɛ sɛnɛ-bɛrɛ kuma. A mansa-kɛ-bɔɛ kɛnɛ burun iko bandan!

Aiseya 2:2

“Wati si na, Marita Bon-Sɛnimɛ sɔnɛ kɔnkɛ min kuma kɛ la, wo si ma kɔnkɔ-layan-bɛ la ka tenbi kɔnkɛ bɛɛsi la mɔgɛ bɛɛ yala. Sibolo-gbɛrɛ bɛɛ si na ke nyɔ.

Aiseya 27:6

Wati ye nala, Yakoba kebilɛnu, Isirɛla mɔgɛnu, kɔni, anu si anu suli layigi pon iko kɔlɔma. Anu si gbusu ka fere. Anu gbɔɛ min bi sɔrɔnna nyɔ, duninya mumɛ si tɔnɛ sɔrɔn wo rɔ.

Aiseya 49:18

Wo ni wola foolɛ mafɛlɛn min bi mala. Wola mɔgɛ minnu kundɛnnɛ, wonu namatoe le. Mari ko a fotɛ a nyɛrɛ rɔ ile Yerusalɛm soe, i si i wasi ila mɔgɛ wonu na iko kɔɛn-kurɛ wa a wasi ala fen-kolomɛnu na.

Yɛrɛmaya 31:12

Isirɛla mɔgɛnu si sewa-sigi sa Yerusalɛm kɔnkɔ-sɛnimɛ kuma. Anu sewanɛ bawo Mari ara anu kɔ, a fui-fen wo, a nɔnbɔ-gbɔ-yi wo, a ɔlifi-tulu wo, anubɛ a kolo-fannu. Anu si ma iko yi siginɛ sɛnɛ min kɔrɔ, anu ti nanparan-wo-nanparan sɔrɔn tun.

Isikiyɛli 20:40

A bɛnta, Isirɛla mɔgɛ bɛɛ ni n bato nta kɔnkɔ-sɛnimɛ kuma min tenbira Isirɛla kɔnkɛ bɛɛ la. Anu ba n bato nyɔ, n si sɔn anu ye nyɔ. Anuna saraka wo, anuna kɔ-fen-nyima wo, anu niyinu wo, n si nyini wonu ma anu bolo nyɔ rɔ.

Isikiyɛli 31:6

Kona-su bɛɛ ya a nyagan kiri a la. Sogenu kɛnɛna wolonna a ninɛ la. Duninya sibole bɛɛ kɛnɛna sigila a ninɛ kɔrɔ.

Isikiyɛli 36:8

Kɔnɔ Isirɛla kɔnkɔrɔ-kɔlɔmanu si yanba-kun-nyimɛ anubɛ gbɔ-hakikɛnu nabɔ nta Isirɛla mɔgɛnu ye tun, ado a ti mɛ tun, Isirɛla mɔgɛnu si sɛgi anu barɛ.

Isikiyɛli 40:2

Isirɛla nyamanɛ rɔ ko-rayirɛ rɔ. A tara n sigi kɔnkɔ-layan-bɛ do kuma. N ya bɔn donu sɔnɛ yen n yarɔ dugula wara la ko-rayirɛ wo rɔ. Anu nadɛnnɛ iko soe.

Daniyɛli 4:8

Wo kɔma, Daniyɛli nara. (N kɛnɛna a kelela ko Bɛlitisasa bawo nna bɛsi-tɔgɔma le ale la, ado ale Allata sɛnbɛ anubɛ nyinɛnutɛ ye a fɛ fanan.) N ya nna kiyo kɛ rakaran ale ye. N ya a fɔ a ye ko

Daniyɛli 4:9

nna durinuna kun-tigi le ale la, ado n ya a lɔn fanan ko ale Allata sɛnbɛ anubɛ nyinɛnutɛ ye a fɛ. Ale le si ko-dogonnɛ bɛɛ nya-yen. N ban nna kiyo wo rakaranna a ye, n ko a ni a kɔrɛ fɔ n ye.

Hoseya 14:7

Wo si taran nta latankalɛ rɔ tun iko fɔlɔ. Wo si ma sɛnɛ la min sabatinɛ a kila-bɛrɛbɛrɛ fɛ. Wo mankan si koloya iko Lɛbanan minni-fan ye nya min.

Hoseya 14:8

Wole Isirɛla mɔgɛnu ti wo bolo bila bɛsɛ ko rɔ tun. N si wola madiyalɛnu yabi ka wo fɛ-bira a kila-bɛrɛbɛrɛ fɛ. Wo kuma-tuwalɛ le nde la iko kɔlɔma min nɔrɔnnɛ yabu-yabu bawo wola duwa-kunyɛ mumɛ bɛɛ le nde la.”

Maika 4:1

“Wati si na, Marita Bon-Sɛnimɛ sɔnɛ kɔnkɛ min kuma kɛ la, wo si ma kɔnkɔ-layan-bɛ la ka tenbi kɔnkɔ bɛɛsi la mɔgɛ bɛɛ yala. Sibolo-gbɛrɛkɛ-mɔgɛnu si na ke nyɔ.

Matiyu 13:32

Hali a kole dɔgɔ fui-fannu tɛma, a koloyara tumɛ min, a kolo fui-fan bɛɛ ko. Konanu si na anu nyagannu kiri a la, ado a tɔnsɔn si koloya.”

Maraka 4:32

a si koloya ka tenbi fui-fan bɛɛ la. A tɔnsɔn si koloya. Wo kɔma, konanu si na anu nyagannu kiri a la.”

Luka 13:19

A mani de iko kende-kole mɔgɛ si min fui ala sɛnɛ rɔ. A si koloya ka ma fui-fan-belebele la. Konanu si anu nyagannu kiri a tɔnsɔnnu na.”

Yɔni 12:24

N bi tonyɛ fɔla wo ye, sugu-kolo kelen ti siyaya fɔ ni anu ya a ki dugi rɔ, ado anu ba a ki dugi rɔ, a si ma iko a ara faga. Wo kɔma, a si fɛrɛn ka siyaya.

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Kɔlɔsi 3:11

Yahudiya wo, Yahudiya ma minnu na wo, kemininya wo, kemininyabɛli wo, mɔgɔ-gbɛrɛkɛ wo, ko-lɔnbɛli wo, hɔrɔ wo, yɔɔn wo, dan-nafarɛ sa wo fenfen tɔ ni-kurɛ kɛ rɔ. Kirasiti tenbira koe kɛ bɛɛsi la, ado ale siginɛ wo bɛɛ yisi rɔ!

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”