Isikiyɛli 17:20 - ALLALA KUMƐ

²⁰ N si yalɛ laburun a kuma ka a bira wo la. N si a bi ka ta a la Babilɔn nyamanɛ rɔ ka a tɔrɔ nyɔ bawo a ma a telen n ye.

Isikiyɛli 17:20 ပူးပေါင်းရင်းမြစ်များ

2 Samuwɛli 18:9

Abasalɔm namatoe, a bɛnta Mansa Dawudala kɛlɛ-dan donu na. A siginɛ sofɛli-kinamɛ la. Sofɛlɛ wo bɔmatoe kɔlɔma-kuru-wɛ do kɔrɔ tumɛ min, Abasalɔm kun-sigi bilara kɔlɔma wo bolɔn do la. Sofɛlɛ wo tora tala ka Abasalɔm dunnɛ to kɔlɔma wo la.

2 Ko-Kɔrɔta-Karan 33:11

Woletɔ Mari ya a ma, Asiriya kɛlɛ-dannu nara bui Yuda nyamanita-mɔgɛnu ma. Anu ya Mansa Manasa bira ka lunyɛ bila a sunyɛ rɔ. Anu ya sila-yɔlɔkɛ kɛ a ma ka ta a la Babilɔn nyamanɛ rɔ.

Yobu 10:16

Ni n ya ko-nyima wo ko-nyima kɛ, i si kɛ n ma iko yarɛ ka n tɔrɔ ita sɛnbɛ-makawanɛ la.

Makawandili Kumɛnu 9:12

I ma ila harayɛgɛbɛlɛ sɔrɔn-wati lɔn. Iko kona ye birala mana la nya min wo, iko yɛgɛ ye birala yalɛ la nya min wo, male hadama-dannu si bira nanparan rɔ wo nya na le hali ma sa a kalama.

Yɛrɛmaya 2:35

kɔnɔ wo ye sɛgila a fɔla tun ko fɛɛ sa wo la. Wo ma la a la ko Mari kɔrɔtɔnɛ wo ma mumɛ! Kɔnɔ Mari ko a si wo tɔrɔ bawo wo ara wo da ragbɛlɛya ko wo ma hakɛ kɛ.

Yɛrɛmaya 2:9

Mari ko min bi a tola, a ye wole kan ma, a si wo fɔ wo ye. Min bi a tola, a ye wola dannubɛ wo mamanɛnu kan ma, a si wo fanan fɔ wo ye.

Yɛrɛmaya 34:21

Ale Yuda Mansa Sɛdɛkaya anubɛ ala mɔgɔ-banu faga-sɔgɛ ye a yoge Babilɔn kɛlɛ-dan minnu na, a ko a si wonu don wonu bolo. Wonu bara anu fara wo kɛlɛ la, a ko a si wo kunyɛ don wonu bolo.

Yɛrɛmaya 37:17

Wati-tenbinɛ, Mansa Sɛdɛkaya ya n kele ala bolɔn la. N ke, a ya n kele n dan na ka n manyinika ni Marita sarakanɛ ye n bolo. N ya a fɔ a ye, n ko, “Ɔn. Mari si a ma, Babilɔn mansɛ ni i bira.”

Yɛrɛmaya 50:44

Mari ko a si a ma, Babilɔn kɛnu ni anu buri iko yarɛ wa bɔ Yorodan-ba-gbɔngbɔn rɔ ka a kun nabɔ kolo-fen de-nyini-tinɛ ma. Wo kɔma, Mari wa mɔgɛ min yabɔ, wo le ye nyamanɛ marala. Mari ko ale nyɔgɔn sa nyɔ. Yon si a kɔgɔ raka a la? Kun-tigi yon si ke a rasɛla?

Nimisa Koe 1:13

“Alla ara fɛrɛma-kaliyɛ ladon n fɛrɛ rɔ iko tɛ. Mari ara gbɛrɛ lasigi n ye alako a si n nabui nya min. Wo kɔma, a ya a kɔɛn bɔ n tɔ ka mabɛ duma-belebele to sigini.

Nimisa Koe 4:20

Mari ara mata mansɛ min yabɔ, ma yogenu ya wo bira anuta gbɛrɛ rɔ, ado ma niyi-kunyɛ le wo la. Ma lara wo le la ko a si ma latanka ma yogenu ma.

Isikiyɛli 12:13

A fɔ anu ye ko n si nta yalɛ rafulen mansɛ yarɔ alako n ni a bira. Wo kɔma, n si ta a la Babilɔn soe burɔ. Ha a si faga nyɔ, a ti soe wo ragbɛ a yɛ la.

Isikiyɛli 15:8

Anu mara telenbɛlɛnu na n ye, woletɔ n si nyamanɛ wo ma nyamani-takolɔn la. Nde, wo Tigi Mari kan le kɛ la.”

Isikiyɛli 17:19

“Wo le ya a ma, nde, wo Tigi Mari Alla ko n bara n keli n nyɛrɛ rɔ ko n si a tɔrɔ ka a tɛgɛ sarama-kan-tinyɛ wo ma, a ya min kiri n tɔgɔ rɔ.

Isikiyɛli 18:24

“Kɔnɔ ni mɔgɔ-telennɛ ya a bɔ ko-nyima-kɛ da kɔrɔ, a ni kisimiriya-ko-kɛ dabira iko karagbɛlɛ doinu bi a mala nya min, mɔgɔ-sufa wo si to a niyi la, wa? Ade! A ara ko-nyimɛ min bɛɛsi ma, wo fenfen bɔrɔ ti taran nde, wo Tigi Mari ye. A si faga ka a tɛgɛ ata telenbɛlitayɛ anubɛ a hakɛla ko ma.

Isikiyɛli 32:3

Sibolo-siyamɛnu ba anu kundɛn tumɛ min, nde si ale banbɛ bira nna yalɛ la. Anu si a masagan gbole ma.

Isikiyɛli 38:22

A ko a si a tɔrɔ kirayɛ anubɛ fagalɛ la. Bandɛ wo, banda-kole wo, tɛ wo, munku-gbɛ wo, a si wonu basan anu nyɔgɔn na pirikali, ka a rawuya ale Mansa Kɔgi anubɛ ala kɛlɛ-dannu ma. Sibolo-siyamɛ minnu kofunɛ a ma kɛlɛ rɔ, a ra si wuya wonu fanan ma.

Hoseya 2:2

Nna dannu, wo ni wo na makawandi bawo nna musu ma a la tun, ado ala kei ma n na tun. Wo ni wo na madiya alako a ni fara kei-gbɛrɛ-makiyi anubɛ yɛlɛnyɛ la.

Hoseya 7:12

Kɔnɔ wole minnu bi ta-ni-sɛgi kɛla wo dɛnbɛn-koe la, nde, Mari si wo bira yalɛ la iko mɔgɛ si kona bira yalɛ la nya min. N si wo tɔrɔ ka a tɛgɛ wola karagbɛlɛyɛ ma.

Maika 6:2

Wole kɔnkɛ minnu manɛ duninya-kurun-fannu na, wole min na ti maga, wo ni wo tole masɔ Marita kumɛ la. Kumɛ do ye Mari anubɛ ata mɔgɛnu tɛma. A ye nala wo rakaranna wo ye.

Luka 21:35

A si duninya-mɔgɛ bɛɛ latɛrɛna iko gbɛrɛ si soge latɛrɛna nya min.