Isikiyɛli 17:18 - ALLALA KUMƐ

¹⁸ Sarama-kan min bi anu tɛma, Yuda mansɛ wo ya a waralɛ tinya woletɔ a kunyɛ ti bɔ a rɔ.

Isikiyɛli 17:18 ပူးပေါင်းရင်းမြစ်များ

2 Mansɛnu 10:15

Mansa Yehu ban mɔgɛ kɛnu fagala, a ya Samariya kilɛ bira tun. A ya Rekabula den Yonadabu taran kilɛ la. Mansa Yehu ya wo kɔndɔn ka a fɔ a ye ko, “N lanɛ a la, ile wo, nde wo, sɔndɔma kelen de ma bolo. I ti kofu n ma?” Yonadabu ko, “Tana ma wo la.” Mansa Yehu ya a fɔ a ye ko, “Ni i wara sɔn, i bole lana.” A ya a bole lata. Mansa Yehu ya a layɛlɛ ala kirindi rɔ.

1 Ko-Kɔrɔta-Karan 29:24

A mɔgɔ-ba wo, a kɛlɛ-den wo, hali mansɛla dan damasi, wonu ya lanyiri kiri ko anu ti bɔ ale Silamɛni kɔma muk!

2 Ko-Kɔrɔta-Karan 30:8

Wo kana wo tole gbere iko anu denu. Wo ni Marita kumɛ bira. Wo na Marita Bon-sɛnimɛ la Yerusalɛm soe burɔ, wota Mari Alla ara min ma kan-tina-sɛnimɛ la, kɔni. Wo ni to Mari batola, woletɔ a ti to diminyala wo ma.

Makawandili Kumɛnu 8:2

Mansɛta kumɛnu to a gbɛ rɔ ka a tɛgɛ wo ara lanyiri min kiri ale mansɛ ye Alla yala.

Nimisa Koe 5:6

Ma ya ma sa Iyipiti kɛnu anubɛ Asiriyanu kɔrɔ dɔn-fen-koe la alako ma si ma beli-fannu sɔrɔn nya min.

Isikiyɛli 17:15

Kɔnɔ Yuda mansɛ wo murutiyara. A ya kilayɛnu nata Iyipiti nyamanɛ rɔ alako a ni kɛlɛ-soeenu anubɛ kɛlɛ-den-siyaman sɔrɔn. A si ke wo bɛɛ mala le, wa? Ade, a ti sarama-kan wo tinya, a tɔrɔbɛlɛ ni to!

Isikiyɛli 17:16

“Nde, wo Tigi Mari Alla ko n bara n keli n nyɛrɛ rɔ ko, ‘Fɔ Yuda mansɛ kɛ wa faga Babilɔn nyamanɛ rɔ,’ bawo a ya ala sarama-kan tinya ka a kan bɔ a gbɛ rɔ anubɛ Babilɔn mansɛ ya min kiri, ado Babilɔn mansɛ wo ya ale sigi mansayɛ la Yuda nyamanɛ rɔ nun.

Isikiyɛli 17:19

“Wo le ya a ma, nde, wo Tigi Mari Alla ko n bara n keli n nyɛrɛ rɔ ko n si a tɔrɔ ka a tɛgɛ sarama-kan-tinyɛ wo ma, a ya min kiri n tɔgɔ rɔ.

Isikiyɛli 21:23

Yerusalɛm kɛnu si tɛrɛna ile, Isikiyɛlita kumɛ la bawo anu hɛnkili latɛgɛnɛ sarama-kan ma anu tɛma nun. Kɔnɔ ila kumɛ si anu nalɔn anuna hakɛla ko ma ka anu makawandi anu don-koe biralɛ rɔ.