Isikiyɛli 17:17 - ALLALA KUMƐ

¹⁷ Hali Iyipiti mansɛla kɛlɛ-den-tagbɛlɛnu ti ke a dɛnbɛna kɛlɛ kɛ rɔ. Babilɔn kɛnu si bɔnkɛ ladɛn tarɛ kɔma alako mɔgɔ-siyaman ni yɛlɛ tarɛ ma kɛlɛ-kɛ-tinɛ soe wo burɔ ka mɔgɔ-siyaman faga nyɔ.

Isikiyɛli 17:17 ပူးပေါင်းရင်းမြစ်များ

Aiseya 36:6

Ni wo yili-madiyanɛ Iyipiti mɔgɛnu denu ma wo dɛnbɛn-koe rɔ kɛlɛ rɔ, wonu mani de iko puka-gbalɛ min bi sewuruyɛ la bawo a si keri mɔgɔ bolo tɔ ka a tanban. Mɔgɔ-wo-mɔgɔ ya a lɛngbɛn Iyipiti mansɛ rɔ, a ye mala wo tigi la wo nya na le.

Yɛrɛmaya 33:5

Hali wole, Isirɛla mɔgɛ donu bi Babilɔn kɛnu kɛlɛla kɔnɔ anu si wola bon-gba-kɔrɛnu nafa wo furinu na, ado Mari ko ale le ye wo gbesila dugi la ata fondo-bɔɛ la. A ko a ara a kan-kɔ sɔ soe kɛ la ka a tɛgɛ mɔgɛnuna karagbɛlɛyɛ ma.

Yɛrɛmaya 37:5

Wo wati ya a taran, Babilɔn kɛlɛ-dannu bara mɛ buila Yerusalɛm soe ma. A lamɔɛn wonu bolo ko Iyipiti kɛnu bara tenbi anuna nyamanɛ dan kun na, anu ya anu fara Yerusalɛm kɛnu kɛlɛla ka ta doi wonu kun-kɔrɔ-bɛn-tinɛ.

Yɛrɛmaya 37:7

n ni sarakanɛ lake Mansa Sɛdɛkaya ma. A ko Iyipiti kɛlɛ-dannu bi kilɛ la ka na wo dɛnbɛ kɔnɔ anu bi sɛgila le tun.

Yɛrɛmaya 52:4

Wo le ya a ma, Nɛbukanasa nara ala kɛlɛ-dannu na ka bui Yerusalɛm soe ma. Wo mara Mansa Sɛdɛkayala mansayɛ san kɔnɔntɔ, a karɛ tan, a tele tan nyɔgɛ ma. Anu ya anu daga makɛ nun Yerusalɛm soe tarɛ kɔma. Anu ya bɔnkɛ ladɛn a nyɔgɔn kuma tala tarɛ kɔma alako anu ni ke kilɛ sɔrɔnna so-burɔ-mɔgɛnu ma.

Nimisa Koe 4:17

Ma ya ma yɛ lakalan ma dɛnbɛn-koe ma furr, kɔnɔ ma ma a sɔrɔn. Ma mɛra makɔnɛ kɛla. Ma ko, “Tumado sibolo-gbɛrɛ do si na ma dɛnbɛ” kɔnɔ ko-wo-ko ma bɔ wo rɔ.

Isikiyɛli 4:2

Wo kɔma, ka a yira ko kɛlɛ ye soe burɔ, i ni denkɛnu sin ala foolɛ rɔ. I ni bɔnkɛ layɛlɛ a tarɛ ma. I si kɛlɛ-dagɛnu nadan ala foolɛ rɔ ka tarɛ-da-keri-kɔlɔmanu sɔ don-dɛnu dafɛ.

Daniyɛli 11:15

Wo kɔma, Siriya mansɛ si ta bɔnkɛ ladɛn so-latankanɛ do tarɛ kɔrɔ alako anu ni a bira-a-la. Kɔnɔ Iyipiti kɛlɛ-dan wonu ma ke anu kɛlɛla. Hali anuna kɛlɛ-kɛla-wɛ min tagbɛlɛ, wo ra ti gbɛlɛya anu ko.

Tɔn-Fɔɛ-Fila-Nyɔgɛ 20:20

A kɔlɔma-toenu, wo si wonu tɛgɛ le anu kɛlɛ-koela ko la ha wo ni soe bira.”