Isikiyɛli 17:10 - ALLALA KUMƐ

¹⁰ Hali a kira a kin na, a si a laban? Fɔn-kalamɛ wa na, a ti gbala? Ɔn, a si gbala a sɔ-gbɛ rɔ.”

Isikiyɛli 17:10 ပူးပေါင်းရင်းမြစ်များ

Ko-Dabirɛnu 41:6

Wo kɔma, a ya nyɔ wɔrɔnfila yen bɔla nyɔɛ doi wonu kɔma. Anu worowarɛ! Fɔnyɔ tugura. Anu mara sɔnfɔlɔn!

Yɛrɛmaya 4:11

Wo wati wa ke, kilayɛ kɛ la si ke wo ma. Kilayɛ si a fɔ ko fɔn-kalamɛ si bɔ wularɔ-kɔnkɛnu wara la ka ta wole, Allata mɔgɛnu magbenna. A mani ma de iko fɔn-fɛlɛfɛlɛnɛ, sɛni-salɛnu bi fui-fannu rafɛla min na.

Isikiyɛli 17:11

Wo kɔma, Mari ya a fɔ n ye ko,

Isikiyɛli 17:9

“Woletɔ nde, wo Tigi Mari ye nyinikalɛ sala ni ki-fan kɛ si to sabatila. Ade, kokɛ fɔlɔtɛ wo si a wurun ka a gbɔɛ wonu keri a la. Ni a ya a bolɔn do ka a ma, a bɛɛ la si fɔsɔ. A sa sɛnbɛ labɔla a wurun tinɛ. A sa a makofu nyinina.

Hoseya 12:1

“Ka a bi sɔgɔmɛ ma ha wurɛ la, wole Isirɛla mɔgɛnu sa ko-wo-ko kun na fɔ ko-fuyinu anubɛ tinyalɛ. Karagbɛlɛyɛ ara wara wo tɛma. Wo ara dogonta-fannu di Iyipiti kɛnu anubɛ Asiriyanu ma wo dɛnbɛn-koe la.”

Hoseya 13:15

Hali wo sabatira iko binyɛ, n si fɔn-kalamɛ lana ka bɔ tele-bɔɛ wara la min si wola kɔlɔnnu anubɛ wola tenkenu tagbala todo! Wola fen-kolomɛnu namara tinɛnu ta si kolonya filili!

Matiyu 21:19

A ya toro-kuri yen kilɛ dafɛ. A tara ke kɔlɔma wo ma kɔnɔ a ma fenfen yen a la fɔ yanba-kunyɛnu gbansan! Woletɔ a ya a fɔ toro-kuri ma ko, “Ile, i ti gbɔ tun!” Toro-kuri wo mafɔsɔra kelenna!

Maraka 11:20

Wo banda kɛ, subaga-dɛ ma, anu bi tagamana kilɛ fɛ tumɛ min, anu ya toro-kuri wo yen tun. Toro-kuri wo la ara gbala ka bi a kuma ha dugu la.

Yɔni 15:6

Minnu ti to nde rɔ, n Fa Alla si wonu nakɛ a rɔ iko mɔgɛ si kɔlɔma-bolon-gbalɛnu nadɛn nya min. Anu si to gbalala. Mɔgɛnu si bolɔn wonu nadɛn ka anu nakɛ tɛ rɔ anu si mintan kan min.

Yude 1:12

Wole denkɛninya-mɔgɛnu ba bɛn fen dɔn tinɛ, mɔgɛ kɛnu manyimanɛ wo tɛma. Anu bi hɔnna anu nyɛrɛ le dɔrɔn na anuna milibɛlitaya-fen-dɔn la anu bolo. Anu manɛ iko fɔnyɔ siginɛ banda-finyɛ min kɔrɔ. Anu manɛ iko kɔlɔma minnu ti gbɔ mumɛ, hali anu gbɔ-tumɛ kenɛ. Anu manɛ iko kɔlɔma minnu suli labɔnɛ dugi rɔ feu! Anu bara faga don!