Isikiyɛli 16:8 - ALLALA KUMƐ

⁸ “ ‘Nde, Mari tenbimatoe tun, n ya i taran nkɛkuna, n ya i yen ko i wara ke. Woletɔ n ya nna duruki-ba-tɔnkɔn lata ka a mamɔrɔ-mɔrɔ i gbu-makolɔn ma bawo i di n ye. N ya lanyiri kiri ka a tɛgɛ i furu-koe ma. Ile mara ntɛ la. Nde, i Tigi Mari kan le kɛ la.

Isikiyɛli 16:8 ပူးပေါင်းရင်းမြစ်များ

Ko-Dabirɛnu 22:16

Mari ya a fɔ a ye ko, “Bawo i ma ila den kelen pe dogon n ma min kɛ, n bara n keli n nyɛrɛ rɔ

Bɔ-Koe-Iyipiti 15:16

Kilan si wara anu tɔ. Anu ta si faga kuluba! Anu bi ita sɛnbɛ yenna min kɛ, anu si to anu gbɛ rɔ iko kuru-kundi ha ma ni ban tenbila, i wara male minnu kunka yɔɔnyɛ rɔ kɛ la, kɔni.

Bɔ-Koe-Iyipiti 32:13

I miri ila wɔli-kɛlɛnu ma, Iburayima wo, Isiyaka wo, anubɛ Yakoba. I ma lanyiri kiri anu ye nun ko i si anu bɔnsɔn siyaya iko sanma-lolenu? I ma lanyiri kiri anu ye nun ko i si lanyiri-nyamanɛ wo di anu ma ka nyamanɛ wo ma anu halalɛ la?”

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 43:4

A ko a si nyamanɛ donu ma ma kunkɛ la bawo ma wara-koe di a ye. Ma di a ye, ado a ye ma gbiliyala.

Yɛrɛmaya 31:3

a ya a nyɛrɛ yira wo la wula-yan la. A ko wola habadan-keninteyɛ ye a rɔ, ado a ko a si to keninteyɛ wo kun na.

Yɛrɛmaya 31:32

A ko kɛ ti ma iko anubɛ anu benbanu ya min kiri anu nyɔgɔn tɛma anuna bɔɛ Iyipiti. A ko hali anu biranɛ a bolo iko mɔgɛ si ala musi bira nya min, anu ma sɔn ata sarama-kan birala.

Isikiyɛli 16:6

“ ‘Nde, Mari tenbimatoe, n ya i taran, i ye i mamagala i sɔrɔn-yele ya ma. Ile poroparɛ yele bolo kɔnɔ n ma sɔn i ni faga.

Hoseya 11:1

Mari ko, “Fɔlɔ nun, wole Isirɛla bɔnsɔn dɔgɔ tumɛ min, wo diyara n ye iko n halala-dan! N ya wo kele ka bɔ Iyipiti.

Hoseya 2:15

N si ala ki-fannu nasɛgi a ma tun ka ala kɔndɔfili bɛɛ yɛlɛma a ye yigi la. A sɔndɔmɛ si sa ntɛ kuma buda iko fɔlɔ, a fonike wati min wo tumɛ a bɔ-san Iyipiti.

Hoseya 2:7

Ala keminɛnu sagaran-kilɛ bɛɛ si faga a ma. A ti fenfen sɔrɔn wonu bolo tun. Wo kɔma, a si to a fɔla ko a ye sɛgila le tun nde, ala kei-kɔrɛ ma bawo a wara-koe sa tun iko fɔlɔ.

Malakayi 1:2

Mari ya a fɔ ala mɔgɛnu ye ko ka a bi fɔlɔ ma ha kaka, anu di a ye. Kɔnɔ anu bi a fɔla ko anu si a lɔn kama ko anu di Mari ye? Mari ya anu yabi ko na-kelenmɛ le Yakoba anubɛ Isɔ la. A ko Yakoba anubɛ a kegeyɛ di a ye

Romu 5:8

Ma di Alla ye nya min, a ara wo yira ma la bawo ma ye hakɛ-tigiyɛ la wati min, Allata-Mɔgɔ-Yabɔnɛ fagara ma ye.

Tɔn-Fɔɛ-Fila-Nyɔgɛ 4:31

a si kinikini wo ma worɔ. A ti wo boloka, a ti wo halaki. Anubɛ wo benbanu ya sarama-kan min kiri, a ti nyina wo ko.

Ruti 3:9

Bowasi ya a manyinika ko, “Yon bi kɛ la?” Ruti ya a yabi ko, “N fa, ila wɔli-kɛlɛ Ruti le. Bawo nna kei na-kelen-nyɔgɛ le ile la, ile le ye n dunɛ bila gbɛ! I yandi, n furu.”

1 Samuwɛli 12:22

Mari ara lanyiri kiri wo ye a sɛbɛ la. A ko a ara ban a latɛgɛla ko ata mɔgɛ le wole la, ado a ti wo boloka.