Isikiyɛli 16:63 - ALLALA KUMƐ

⁶³ N si wo makoto wola ko-yogomɛ bɛɛ la. Wo yili ti bɔ wola ko-yogomɛ wonu ko, ado wo si miliya wo dɛ tugula wo sɔn-yogomɛ wonu na. Nde, i Tigi Mari kan le kɛ la.’ ”

Isikiyɛli 16:63 ပူးပေါင်းရင်းမြစ်များ

Ɛsira 9:6

N ya a matara, n ko, “E, nta Alla, n bara miliya n kunyɛ kɔrɔbila i ye. Ni ma ya mala hakɛnu nadɛn, wonu kun ta si yanya ma ko iko san-kole fɛ-yan ma la nya min.

Yaburi 39:9

N si n tade don. N ti fenfen fɔ bawo ile nyɛrɛ le ya a ma, n ya tɔrɔya-sufa kɛ sɔrɔn.

Yaburi 65:3

ka a tɛgɛ anu hakɛnuna ko ma. Ma hakɛnu ba nɔ-ko sɔrɔn ma ma, i si ma makoto.

Yaburi 78:38

Kɔnɔ hali wo, Alla kinikinita ala mɔgɛnu ma. A ya anu hakɛ makoto. A ma anu nato. A mɛra a fonde birala a rɔ. A tora a munyuna anu kɔrɔ.

Yaburi 79:9

E, Alla, ma dɛnbɛ. I ni ma lakisi. I ni ma lakanan. I ni ma makoto ka a tɛgɛ i nyɛrɛta gbiliyɛla ko ma.

Yaburi 85:3

I ya i fara diminyala anu ma. I ya a ma, ita diminya-belebele ma kɛ anu ma.

Aiseya 33:24

Mɔgɔ-wo-mɔgɔ ti kiraya-koe fɔ mala nyamanɛ rɔ, ado hakɛ bɛɛ ma si koto.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Nimisa Koe 3:39

Mari tenbi hadama-dan tɔrɔla a hakɛla ko la, nfenna a ye gbɛngbɛrɛnna?

Isikiyɛli 16:61

N ba wobɛ i dɔgɔ-musi anubɛ i kɔrɔ-musi to kan kelan rɔ, ni i ya i miri i sɔn-kɔrɛnu ma tumɛ min, i si miliya anu ye. N si a ma, anu ni ma iko ila den-sunkurɔnnu. Kɔnɔ ma mɔgɔ filɛ ma ma sara wo ma nun.

Isikiyɛli 17:1

Mari ya a fɔ nde, Isikiyɛli ye ko,

Isikiyɛli 20:43

Anu bara anu nyɛrɛ latinya min bɛɛ ma kisimiriya-ko-ladannu tɔ, anu hɛnkili si to wonu ko wati wo le tɔ. Anu si nyima anu nyɛrɛ rɔ ka a tɛgɛ anuna ko-yogomɛnu ma.

Isikiyɛli 39:26

Anu ya anu ban n na min kɛ, n ya anu namiliya wola ko la. Anu ba ban sigila tun anuna nyamanɛ rɔ yisi-kimɛ la, ado mɔgɔ sa anu tɔrɔla tun, anu na si nyina anuna miliyɛ wo la.

Isikiyɛli 43:10

Wo kɔma, Mari ya a fɔ tun ko, “Ile hadama-dan, Bato-Bɔn kɛ wara-koe fɔ Isirɛla mɔgɛnu ye. Anu ni bɔn kɛ suman-nya rakaran. A ma, anu ni miliya anuna kɛ-nya-yogomɛnu na.

Isikiyɛli 44:13

Anu ti saraka-masɔ-wɔlɛ kɛ n ye tun. Anu ti anu gbɛrɛn fen-sɛninyanɛ ma tun, ado anu ti don Sɛnima-Sɛnima-Tinɛ rɔ tun. Bawo anu bara kisimiriya-koe minnu nadan, wo le ya a to, n bi anu tɔrɔla wo nya na.

Romu 2:1

N diyana-mɔgɛnu, wo ye wo dɛ bilala mɔgɛnuna koe rɔ kɔnɔ wo wa wo bɔnu yiliki tumɛ min, wo ara wo nyɛrɛ le yiliki wo la. Masigima-kuma sa wo bolo worɔ! Ni wo ya a yen n bi wo fɔla bawo anu denu bi min mala, wole nyɛrɛ fanan bi wo le mala.

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

Romu 3:27

Nyɛrɛ-matɔgɛ sa kɛ fenfen tɔ bawo Alla ma ma latelen a nyɛrɛ ye tɔn-birɛ fɛ. Ka a tɛgɛ mata dɛnkɛninyɛ ma Yisa ma, a ara ma latelen a nyɛrɛ ye,

Romu 6:21

Wo ya koe minnu ma fɔlɔ-nun, wo miliyanɛ minnu na kaka, wo ya nfen tɔnɛ sɔrɔn wonu tɔ? Wonuna ban le sayɛ la.

1 Kɔrɛnti 4:7

Yon ya wo lafisaya donu ko? Fan min bɛɛ ye wo bolo, Alla le ma wonu di wo ma, wa? Nba, nfenna wo ye wo nyɛrɛ matɔgɔla iko min bi wo bolo, ale le ma wo di wo ma, wa?

Tɔn-Fɔɛ-Fila-Nyɔgɛ 32:43

Wole sibolo-gbɛrɛnu, a ko wo ni ale Marita mɔgɛ kɛnu matɔgɔ. Ni minnu ya kɛnu faga, Mari si wonu tɔrɔ. Mari si a tayili sara a yogenu na ka ata mɔgɛ wonu makoto anu hakɛ la.