Isikiyɛli 16:53 - ALLALA KUMƐ

⁵³ “ ‘I dɔgɔ Sɔdɔm soe anubɛ a so-mɛsɛnɛnu wo, i kɔrɔ Samariya soe anubɛ a so-mɛsɛnɛnu wo, nde, Mari si a ma, wonu ni ta yarɔ tun. Ado nfan, n si a ma, ile Yerusalɛm ni sabati fanan.

Isikiyɛli 16:53 ပူးပေါင်းရင်းမြစ်များ

Yobu 42:10

Yobu ban madiyali kɛla a diyana-mɔgɔ sawɛ wonuna ko la, Mari ya a ma, ale Yobu mara-a-la tun. Ala nɔnfuli min tinyanta a bolo nun, a ya wo nyɔgɔn sigi tina fila sɔrɔn.

Yaburi 126:1

Mari ya ma lasɛgi Yerusalɛm soe burɔ tumɛ min, a mara le iko kiyo.

Yaburi 14:7

N ya madiyali kɛ n sɛbɛ-kuna-wɛ la. N ko Mari min siginɛ Yerusalɛm soe burɔ, wo ni ata Isirɛla mɔgɛnu kisi. Ni Mari ya a ma, Isirɛla mɔgɛnu ni ma-a-la tun iko anu bi nya min nun fɔlɔ, anu si sewa wo rɔ dɔgɔma-ma-de!

Yaburi 85:1

E, Mari, i wara kinikini ila nyamanɛ ma nun. I wara a ma, Isirɛla mɔgɛnu bara sabati tun!

Aiseya 1:9

Ni Mari Sɛnbɛ-Bɛɛ-Tigi ma mɔgɛ donu to anu kɛndɛ la nun, fɔ Yerusalɛm soe wa kasara nun pɔ! A ni ma iko Sɔdɔm anubɛ Kɔmɔra soenu mara nya min nun.

Yɛrɛmaya 12:16

A ko a sɔgɛ le ye a la nun ko anu ni wole, ata mɔgɛnu kɛ-nya karan. A ko fɔlɔ nun, anu ya wole, ata mɔgɛnu nabila lanyiri-kiri-bole la bɛsi Beyali ye. Kɔnɔ kaka, a sɔgɛ ye a la, anu ni ale Mari tɔgɛ ratɛgɛ lanyiri-kiri-tinɛ. A ye a fɛ anu ni a fɔ ko, “A ye mabɛ Mari tɛma… A ko ni anu ya wo ma, anu bara-koe ti sɛgi kɔma. A ko a si a ma, anu ni taran wole, ata Isirɛla mɔgɛnu kurun tɔ.

Yɛrɛmaya 20:16

Alamɛ mɔgɛ wo mara iko soe wonu, Mari ya minnu tinya a fondo-bɔnɛ la. Alamɛ anu ni kɛlɛ-na-kan lamɔɛn subaga ma biribiri! Alamɛ a ni to kɛlɛ-sɔnkɛ lamɔɛnna burubukai!

Yɛrɛmaya 31:23

Mari Sɛnbɛ-Bɛɛ-Tigi, Isirɛlata Alla ko a wa mɔgɛnu nasɛgi anuna nyamanɛ rɔ tumɛ min, anu si to a fɔla nyɔ ko, “Alamɛ Marita duwɛ yigira ata kɔnkɔ-sɛnimɛ kuma, a mayiginɛ kan min, kɔni.”

Yɛrɛmaya 46:27

Mari ko wole, ala mɔgɛnu kana kilan. Isirɛla mɔgɛnu kuma kana kɔ. A ko a si wo labɔ wula-yan-nyamanɛ rɔ wo ye biralɛ rɔ kan min nun. A ko a si na wo la ka wo sigi wo fanbolo. A si wo kandan. Mɔgɔ-wo-mɔgɔ ti wo lakilan.

Yɛrɛmaya 48:47

Kɔnɔ tɔ-a-la, Mari si a ma, Mohabu kɛnu ni to tala yarɔ. Mari ya kɛ le fɔ ka a tɛgɛ Mohabu kɛnuna ko ma.

Yɛrɛmaya 49:39

Kɔnɔ Mari ko lunyɛ do si na, a si a ma, Ilam kɛnu ni sabati tun. Ale Mari kan le kɛ la.

Yɛrɛmaya 49:6

Kɔnɔ Mari ko tɔ-a-la, Amonnu si ma-a-la tun. Mari kan le kɛ la.

Isikiyɛli 16:52

A fɛrɛ sa fɔ i ni dinya ita yarabiyi wo kɔrɔ. I hakɛ tenbira anutɛ la ha a manɛ iko anu ma hakɛ kɛ iko ile. I kun nayigi miliyɛ bolo bawo i sɔn ara a ma, i na-kelen-nyɔgɔ-musinu bara gbɛ feu!

Isikiyɛli 16:54

I si miliya i nyɛrɛ ma bawo i wara min ma, wo ara i na-kelen-nyɔgɔ-musi wonu kun na ara diya.

Isikiyɛli 26:6

Anu si belenna anu fagala soenu tɔ hali minnu sa yi dafɛ. Wo kɔma, Taya kɛnu si na a lɔn ko nde le Mari la.

Isikiyɛli 29:14

N si a ma, anu kun ni dɛn Iyipiti nyamanɛ dugu la, anu bakuri bɔra kan min, kɔni. Anuna nyamanɛ ra si faga

Isikiyɛli 39:25

N Tigi Mari ya a fɔ n ye ko, “Kaka, n si kinikini Yakoba kegeyɛnu ma, Isirɛla mɔgɛnu, kɔni. N si a ma, anu ni sabati tun. Wo si a ma, n tɔgɔ-sɛninyanɛ ni to.

Yowɛli 3:1

Wo wati wa ke, Yuda anubɛ Yerusalɛm kɛnu bi nya min nun fen-tigiyɛ la, Mari ko a si wo lasɛgi wo gbɛ rɔ wo nya na tun.