Isikiyɛli 16:52 - ALLALA KUMƐ

⁵² A fɛrɛ sa fɔ i ni dinya ita yarabiyi wo kɔrɔ. I hakɛ tenbira anutɛ la ha a manɛ iko anu ma hakɛ kɛ iko ile. I kun nayigi miliyɛ bolo bawo i sɔn ara a ma, i na-kelen-nyɔgɔ-musinu bara gbɛ feu!

Isikiyɛli 16:52 ပူးပေါင်းရင်းမြစ်များ

Ko-Dabirɛnu 38:26

Yuda ya wonu yen tumɛ min, a ya a sɔn a la. A ko, “Ale le wara yo sɔrɔn! Nde le ya a tinya bawo n ma n kuman-kan latɔnbagaya ka a di nna den Sela ma.” Wo kɔma, Yuda ma a sa a fɛ tun.

1 Mansɛnu 2:32

Mari si dunɛ wo sigi Yohabu kuma bawo a ya mɔgɔ-telenni fila faga, Nɛrila den Abina anubɛ Yɛtala den Amasa, kɔni. (Isirɛla mɔgɛnuna kɛlɛ-den-kunyɛ le Abina kɛ la nun. Yudala mɔgɛnuna kɛlɛ-den-kunyɛ le Amasa kɛ la nun.) N fa ma ko lɔn kɛnu faga-koe rɔ, ado mɔgɔ filɛ kɛnu fisa Yohabu ko.

Yɛrɛmaya 23:40

A ko a si wo to habadan-miliyɛ rɔ. Mɔgɔ-wo-mɔgɔ yili ti bɔ wo yarabi-nya wo ko tun.

Yɛrɛmaya 3:11

Mari ya a fɔ nde, Yɛrɛmaya ye ko Isirɛlata wunduyogoyɛ ma ke Yudata telenbɛlitayɛ rɔ.

Yɛrɛmaya 31:19

Mari, ma ya ma bɔ itɛ rɔ. Ma ara ma kɛ-nyanu yɛlɛma. Kebi i ya ma tɔrɔ, ma ma ke ma kunyɛ kɔrɔbila miliyɛ bolo. Ma ara miliya mala kuntanya-ko-ladan-bolenu na wo tumɛ ma dennɛ.”

Yɛrɛmaya 51:51

Hali wo ye a fɔla ko wo ara yarabi bawo sibolo-gbɛrɛnu bara Bato-Bon-sɛnima-tinɛnu bi anu nyɛrɛ ye, wo ta tun.”

Isikiyɛli 16:47

Ka bila wonu fɛ kisimiriya ko-ladan rɔ, wo ya i wasa, wa? Wati-kundu-nɛ kɛ kɔrɔ, ile sɔn tenbira anutɛ la pirr!

Isikiyɛli 16:48

Nde, wo Tigi Mari Alla ko n bara n keli n nyɛrɛ rɔ ko hali i dɔgɔ Sɔdɔm soe anubɛ a so-mɛsɛnɛnu ma ke wobɛ ila so-mɛsɛnu tɔ ka ko-yogoma-sufa kɛnu ma.

Isikiyɛli 16:53

“ ‘I dɔgɔ Sɔdɔm soe anubɛ a so-mɛsɛnɛnu wo, i kɔrɔ Samariya soe anubɛ a so-mɛsɛnɛnu wo, nde, Mari si a ma, wonu ni ta yarɔ tun. Ado nfan, n si a ma, ile Yerusalɛm ni sabati fanan.

Isikiyɛli 16:54

I si miliya i nyɛrɛ ma bawo i wara min ma, wo ara i na-kelen-nyɔgɔ-musi wonu kun na ara diya.

Isikiyɛli 16:56

Ile wasinɛ tumɛ min, i sa yɛlɛnna Sɔdɔm soe ma nun, ba?

Isikiyɛli 16:63

N si wo makoto wola ko-yogomɛ bɛɛ la. Wo yili ti bɔ wola ko-yogomɛ wonu ko, ado wo si miliya wo dɛ tugula wo sɔn-yogomɛ wonu na. Nde, i Tigi Mari kan le kɛ la.’ ”

Isikiyɛli 32:24

“Ilam kɛlɛ-dannu fanan bi lakira nyɔ. Alla-lɔnbɛlɛ kɛnu bi anu niyi la tumɛ min, anu bi mɔgɛnu takilanna kɔnɔ anu dama kunyɛ tora kɛlɛ rɔ nun. Kaka, anu faganɛ sanɛ lakira miliyɛ rɔ, ado anuna ban-bole anubɛ kɛlɛ-dannutɛ mara kelen na.

Isikiyɛli 39:26

Anu ya anu ban n na min kɛ, n ya anu namiliya wola ko la. Anu ba ban sigila tun anuna nyamanɛ rɔ yisi-kimɛ la, ado mɔgɔ sa anu tɔrɔla tun, anu na si nyina anuna miliyɛ wo la.

Isikiyɛli 44:13

Anu ti saraka-masɔ-wɔlɛ kɛ n ye tun. Anu ti anu gbɛrɛn fen-sɛninyanɛ ma tun, ado anu ti don Sɛnima-Sɛnima-Tinɛ rɔ tun. Bawo anu bara kisimiriya-koe minnu nadan, wo le ya a to, n bi anu tɔrɔla wo nya na.

Hoseya 10:6

Anu si ta bɛsɛ wo la Asiriya nyamanɛ rɔ anuna mansɛ sanbayɛ la. Wole Isirɛla mɔgɛnu si miliya wo rɔ ka a tɛgɛ wola lanayɛ ma bɛsɛ wola ko la.

Luka 6:37

“Wo kana mɔgɛnu kiti, woletɔ Alla ti wo fanan kiti. Wo kana mɔgɛnu yiliki, woletɔ Alla ti wo fanan yiliki. Wo ni mɔgɛnu makoto, woletɔ Alla si wo fanan makoto.

Romu 1:32

Anu denu lara a la ko Allala tɔnnu ko mɔgɛ min si to ko-sufa kɛnu mala, a bɛnta wonu ni faga. Kɔnɔ hali wo, anu tora nɔrɔnna koe wonu ma dɛɛ! Ka tenbi wo la, mɔgɔ-gbɛrɛ minnu bi wo sufanu mala, anu bi wonu sɛnbɛ donna.

Romu 2:10

Kɔnɔ Alla si bonyɛ anubɛ gbiliyɛ anubɛ yisi-kimɛ di ko-nyima-kɛlɛ bɛɛ ma, a Yahudiya wo, a sibolo-gbɛrɛ wo,

Romu 6:21

Wo ya koe minnu ma fɔlɔ-nun, wo miliyanɛ minnu na kaka, wo ya nfen tɔnɛ sɔrɔn wonu tɔ? Wonuna ban le sayɛ la.

1 Samuwɛli 24:17

A ya a fɔ Dawuda ye ko, “Ile latelenta nde ko. Ile ya ko-nyimɛ kɛ n ye kɔnɔ nde ya ko-yogomɛ le ma i la!