Isikiyɛli 16:5 - ALLALA KUMƐ

⁵ Ile Yerusalɛm mani de nun iko den-sufa wo. Wo tumɛ i datɛgɛ san, mɔgɔ ma kinikini i ma ka ko-sufa kɛ do ma i ye. I datɛgɛ san, i ma di mɔgɔ-wo-mɔgɔ ye. I mani de nun iko anu ba den-kurɛ lakɛ a rɔ binyɛ rɔ.

Isikiyɛli 16:5 ပူးပေါင်းရင်းမြစ်များ

Ko-Dabirɛnu 21:10

Woletɔ Sira ya a fɔ Iburayima ye ko, “Yɔɔn-musi kɛ anubɛ ala dan gben alako yɔɔn-musi kɛla dan anubɛ nna dan kana kɛɛ ratala anu nyɔgɔn tɛma.”

Bɔ-Koe-Iyipiti 1:22

A laban, mansɛ ya a fɔ mɔgɛ bɛɛsi ye ko, “Den-kei minnu ba sɔrɔn, wo ni wonu bi ka ta anu nafili Nayɛli bɛ rɔ ka dunmusinu kɛndɛ to.”

Aiseya 49:15

Woletɔ Mari ye anu yabila ko denba-tigi si nyina ata dan ko, wa? A si ke a banna a sɔrɔn-dan la? Hali a mara, musi ni nyina ala dan ko kɔnɔ Mari ti nyina male ko muk!

Yɛrɛmaya 22:19

Yerusalɛm kɛnu si i furi sagan dugi la. Anu si a lakɛ a rɔ Yerusalɛm soe tarɛ kɔma iko sofɛlɛ.”

Nimisa Koe 2:11

N yɛ wulennɛ puipui, di-kɛ bolo. N yisi tinyanta feu! N tora ma yogenu yenna ma fagala min kɛ, n bandanta di-kɛ bolo. Dennɛnu bi belenna kirɔnna-a-la da-wo-da kɔnkɛ bolo soe burɔ.

Nimisa Koe 2:19

Ile Yerusalɛm soe ni to i lasɔla suyi rɔ ka di n Tigi Mari dala i dɛnbɛn-koe rɔ. I sɔndɔmɛ lagbɛ Mari ye ka a madiya alako a ni kinikini ila dannu ma. Ila dannu bi fagala kɔnkɛ bolo lu-kole ma belenna soe burɔ.

Nimisa Koe 4:10

Kɔnkɛ ye nna mɔgɛnu fagala wati min, hali musi min kinikinite, wonu ya anuna dannu te ka anu dɔn sa!

Nimisa Koe 4:3

Hali suluki, a si ala dan susun kɔnɔ Yerusalɛm denbɛnu ma kinyɛ di anuna dannu ma iko selekona min si a kɛwɔli-bolokanɛ to ka ta a ye.

Isikiyɛli 16:6

“ ‘Nde, Mari tenbimatoe, n ya i taran, i ye i mamagala i sɔrɔn-yele ya ma. Ile poroparɛ yele bolo kɔnɔ n ma sɔn i ni faga.

Isikiyɛli 2:6

“Kɔnɔ ile hadama-dan, i kana kilan anu na muk! I kana kilan anuna kumɛ la. Anu si tɛgɛ i rɔ ka bila i la. A si ma i bolo iko i siginɛ bondalɛ anubɛ wɔnɛnu denu tɛma. Kɔnɔ hali wo, i kana kilan mɔgɔ-murutiyanɛ kɛnu yɛ la. I kana kilan anuna kumɛ la.

Yilan-Yilan Koe 19:16

Wo kɔma, mɔgɔ-sɛninyanɛ si kɔlɔma wo bi ka a sɔ nde, Marita sɛninya-yi wo rɔ ka wo pusen fani-bɔn wo ma anubɛ mɔgɛ minnu bi bɔn wo burɔ anubɛ bonna-miran bɛɛsi. A tele wɔrɔnfila nyɔgɛ wo ma, mɔgɔ-sɛninyabɛlɛ wo si ala kurɛnu ku ka a bagbuyi fanan ku. Tele-kolo-wulan wati wa tenbi, a si sɛninya. “Ni mɔgɛ ya a bole tugu a hadama-den-nyɔgɛ furi do la hali min fagara a nyɛrɛ ma, ni wo ma, min fagara setanɛ bolo, wo tigi ma sɛninya. A hadama-den-kole wo, a kaburu-kɔrɛ wo, ni a bole tugura wo fenfen na, wo tigi fanan ma sɛninya tele wɔrɔnfila kɔrɔ. Mɔgɛ min sɛninyanɛ si nde, Marita yi-sɛnimɛ wo bi ka a pusen mɔgɔ-sɛninyabɛlɛ wo ma kɔlɔma la.

Tɔn-Fɔɛ-Fila-Nyɔgɛ 32:10

“Mari ya wo benbanu taran yilan-yilanna wula-da-rakolɔn le tɔ min ma kin. A ya wo fɛ-bira ka wo matanka iko a niyi.