Isikiyɛli 16:49 - ALLALA KUMƐ

⁴⁹ Nba, Sɔdɔm soe wonubɛ a so-mɛsɛnɛnu wasinɛ bawo dɔn-fen-siyaman bi anu bolo, ado anu siginɛ yisi-kimɛ rɔ poi! Kɔnɔ bolo-kolɔnnu bɔrɔ sa anu ye.

Isikiyɛli 16:49 ပူးပေါင်းရင်းမြစ်များ

Ko-Dabirɛnu 13:10

Lɔti ya a yɛ lata ka Yorodan-ba-lɛɛ mafɛlɛn tala ha ka ke Sowa soe ma. A ya yi yen nyɔ iko yi ye Marita nakɔɛ rɔ nya min nun anubɛ Iyipiti nyamanɛ rɔ. (Wo wati rɔ, Mari ma Sɔdɔm anubɛ Kɔmɔra soenu halaki bɛ.)

Ko-Dabirɛnu 13:13

Sɔdɔm kɛ wonu yogo dɔgɔma-ma-de, ado anu bi hakɛ kɛla Mari la kati!

Ko-Dabirɛnu 18:20

Wo kɔma, Mari ya a fɔ Iburayima ye ko, “Mɔgɛnu bi kuma-yogomɛ min fɔla Sɔdɔm anubɛ Kɔmɔra soenuna ko la, wo ara n tɔrɔ, ado anu sɔn yogo ha ka a dan-natenbi.

Ko-Dabirɛnu 19:24

Mari ya munku-gbɛ anubɛ tɛ layigi iko bandɛ ka bɔ san-kole rɔ Sɔdɔm anubɛ Kɔmɔra kuma.

Ko-Dabirɛnu 19:9

Nyama wonu nyɛɛra ale Lɔti ma ko, “I masɛgi. Ile sundan, i bɔ ma yarɔ, ile min bara i nyɛrɛ ma kiti-tɛgɛlɛ la ma tɛma kaka!” Anu ya a fɔ a ma tun ko, “Ni i kan le wo la, ma si ile tɔrɔ ka tenbi ila sundan kɛnu na.” Anu ya Lɔti latuntun kankan ma alako anu ni dɛ keri ka don.

Yaburi 138:6

Hali i ye san ma pon, mɔgɔ-famayiginɛnuna hinɛ ye i rɔ. Wasintenu ti ke anu dogonna i ma.

Hɛnkilimaya-Kumɛnu 16:18

Mɔgɔ-wasinɛ ti mɛ buila. Wasinteyɛ si mɔgɛ kasara.

Hɛnkilimaya-Kumɛnu 16:5

Mɔgɔ-wasinɛ wo fenfen ma di Mari ye. Wo ni la a la serr, ko anu bi tɔrɔla le, yɔ!

Hɛnkilimaya-Kumɛnu 18:12

Mɔgɔla wasinteyɛ le ye a labuila. Mɔgɔ-famayiginɛ le ye gbiliyɛ sɔrɔnna.

Hɛnkilimaya-Kumɛnu 21:13

Mɔgɛ min bi a bole burunna a tole la alako a kana bolo-kolɔnnu di-kɛ-kan lamɔɛn, ale fanan tenbi dila lunyɛ do, a di-kɛ-kan la ti mɔɛn.

Hɛnkilimaya-Kumɛnu 21:4

Karagbɛlɛ si a nyɛrɛ kɔrɔbi ka wasi, ado hakɛ le wo la.

Aiseya 1:10

Ile Yerusalɛm soe, ila kun-tiginu anubɛ ila mɔgɛnu mani de iko Sɔdɔm anubɛ Kɔmɔratɛnu bi nya min nun. Mari ye min fɔla wo ye, wo ni wo tole masɔ wo la. Mata Allata karan kɛ ye nala min fɔla ma ye, wo ni wo hɛnkili to wo ko.

Aiseya 16:6

Yuda kɛnu ko, “Ma ya a lamɔɛn ko Mohabu kɛnu wasira dɔgɔma-ma-de! Hali anu wasinɛ ka a dan-natenbi kɔnɔ anu kɔgɔ-raka-koe, fufafu le wo la.”

Aiseya 3:9

Hali anu yala-yen si a yira ko anu yilikinɛ. Anu hakɛ sanɛ gbɛ rɔ iko Sɔdɔm kɛnutɛ mara nya min. Anu tinya-koe ara to a ma, ado anu nyɛrɛ gbɛ le wo la, yɔ!

Aiseya 47:8

Ile Babilɔn soe, i tole masɔ, sewɛ di ile min ye wɛ kɛ, kɔni, i miri ko i siginɛ lafɛrɛ rɔ. I ye i nyɛrɛ matagbala. I ko i rakɛn fenfen sa nyɔ. Ile ma a lɔn nun ni i si ma kɛɛ-musi la. I ma a lɔn ko i si foo ila dannu na.

Yɛrɛmaya 48:11

Mari ko Mohabu kɛnu nafɛrɛni de tuma-wo-tuma. Anu ma ta biralɛ rɔ ni! Anu siginɛ iko gbɛɛ min kɔrɔ siginɛ, mɔgɔ ma a bole tugu wɛ min barɛ la. A diyɛ ye a la iko a ye nya min nun fɔlɔ. A sumɛ ye bɔla iko a ye nya min nun fɔlɔ fanan.

Isikiyɛli 16:46

I kɔrɔ-musi le Samariya soe min bi kan tɔ anubɛ a so-mɛsɛnɛnu. I dɔgɔ-musi le Sɔdɔm soe min bi dugu la anubɛ a so-mɛsɛnɛnu.

Isikiyɛli 18:12

A kɛnɛna bolo-kolɔnnu bolo labirala ka kankanyɛ kɛ fanan. A ye balanna tulumɛnu ma. A ye tala Alla-lɔnbɛlɛnuna bɛsɛnu kɔla ka kisimiriya-koenu nadan.

Isikiyɛli 18:16

A sa mɔgɔ-niyi ragbɛrɛnna a ma anubɛ a ti a kankan. Ni min ya tulumɛ sigi a ma, a ti balan a ma. A ye kɔnkɔtoenu de-nyinina ka fɛrɛyatoenu fɛrɛya-bɔ.

Isikiyɛli 18:7

A ti mɔgɔ-niyi ragbɛrɛn a ma anubɛ a ti kankanyɛ kɛ. Ni min ya tulumɛ sigi a ma, a ti balan a ma. A ye kɔnkɔtoenu de-nyinina. A ye fɛrɛyatoenu fɛrɛya-bɔla.

Isikiyɛli 23:42

Baantore minnu nara ka bɔ wula-da-rakolɔn rɔ, n ya wonu siyaman sewa-kan lamɔɛn. Anu ya bolo-kalama-dɛɛn don musi wonu bole la ka fula-da-gbɛlɛnu sigi anu kunyɛ la sede!

Isikiyɛli 28:17

Bawo a ara a yen min kɛ ko a mafɛlɛn di, wo le wara a ma, a ara wasi. A mankan ara a ma, a ye kun-takolonya-koenu mala. Ka a tɛgɛ wo ma, n ya a fɛrɛn dugi la ka a to sani nyɔ alako mansɛ doinu ni kawa a ma nya min.

Isikiyɛli 28:2

“Ile hadama-dan, i ni nde, wo Tigi Mari kuman-kan kɛ latenbi Taya mansɛ ma. A fɔ a ye ko a kɔrɔbinɛ wasinteyɛ la a bolo. A ye a nyɛrɛ mala Alla la. A ye a fɔla ko a siginɛ Allala mansaya-waganɛ rɔ, kɔgɔ-yi ye ala foolɛ rɔ. A ye a nyɛrɛ mala iko Alla, ado hadama-den-gbansan le ale la.

Isikiyɛli 28:9

Anu ba na a faga-tinɛ tumɛ min, a si to a fɔla ko Alla le ale la, wa? Anubɛ a fagalɛ yakɔrɛ wa ma kelen na, a si a lɔn worɔ ko hadama-den-gbansan le ale la. Alla ma ale la feu!

Isikiyɛli 29:3

Nde, i Tigi Marita kilayɛ kɛ latenbi a ma ko a yogo-finyɛ le nde la. Mɔgɔ-dɔn-banbɛ le ale mansɛ la min sanɛ bɛ rɔ. A ye a fɔla ko atɛ le Nayɛli bɛ la iko ale le ya a ladan.

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Daniyɛli 5:23

Ile wo, ila mɔgɔ-banu wo, ila bara-musinu wo, ila fɛ-sigi-musinu wo, wo ara gbɛɛ min Allata mirannu tɔ minnu bɔra a Bato-Bɔn la. Wo ara a ma, i wara bila Ma Tigi Arinyɛnɛ-Mari la. Wo ye gbɛɛ minyɛ wo kun na, wo ye wola bɛsɛnu kɔla fanan minnu nadannɛ sɛnɛ la, anubɛ wodi-gbɛ, anubɛ silɛɛ. Donu nadannɛ nɛgɛ la, anubɛ kɔlɔma, anubɛ kuri. Nba wo ye bɛsɛ minnu kɔla, wonu ya sa, anu tolo sa, anu hɛnkili mumɛ sa. Kɔnɔ wo niyi ye Allatala min bolo, wo sa wo gbiliyala.

Hɔbadaya 1:3

Wola mansa-soe manɛ farɛ la. Wola sigi tinɛnu manɛ kɔnkɔ-layan-bɛ la. Wo mirinɛ ko mɔgɔ-wo-mɔgɔ ti ke wo labuila kɔnɔ wola wasinteyɛ ara wo yanfa feu!”

Luka 17:28

A si ma fanan iko a mara nya min Lɔtila wati rɔ. Bɛɛ tora fen-dɔn la ka anu min. Anu bi yilayɛ kɛla ka sɛnɛ sa anubɛ ka bɔnnu sɔ.

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.

Yemesi 5:5

Wo siyi duninya kɛ rɔ, a fanɛ ladiyɛ anubɛ nyɛrɛ-diyana-ko-gbansan le la. Wo ara wo nyɛrɛ matɔlɔ wo kan-natɛgɛ-tele ye.

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”

Lankɛnimayɛ 11:8

Anu Mari gbangbanta kɔlɔma ma kan min, anu furinu si sa kilɛ la so-wɛ wo rɔ. Soe wo misalɛ le Sɔdɔm soe la, ni wo ma, Iyipiti nyamanɛ.