Isikiyɛli 16:46 - ALLALA KUMƐ

⁴⁶ I kɔrɔ-musi le Samariya soe min bi kan tɔ anubɛ a so-mɛsɛnɛnu. I dɔgɔ-musi le Sɔdɔm soe min bi dugu la anubɛ a so-mɛsɛnɛnu.

Isikiyɛli 16:46 ပူးပေါင်းရင်းမြစ်များ

Ko-Dabirɛnu 14:8

Wo kɔma, so-tigi loli minnu ya anu kundɛn Dalɛ Faganɛ dafɛ, wonu fanan ya tele-bɔɛ warala-mansa nanɛ wonu fanan kun-kɔrɔ-bɛn kilɛ la kɛlɛ la.

Ko-Dabirɛnu 19:29

Soe minnu bi ba-lɛɛ rɔ Lɔti ye kan min, Alla ye wonu halakila tumɛ min, a ya a miri Iburayima ma ka Lɔti kisi.

Aiseya 10:11

N bara ban Samariya kɛnubɛ anuna bɛsɛnu tinyana, ado n bi wo le nyɔgɔn mala Yerusalɛm kɛnu anubɛ anuta bɛsɛnu na.”

Yɛrɛmaya 23:14

Kɔnɔ nɛbi minnu bi Yerusalɛm, wonuna sɔn-yogoyɛ tenbira Samariya kɛnutɛ la. Anu sa fenfen kun na fɔ yɛlɛnyɛ anubɛ foninya-fɔɛ. Anu sa fenfen kun na fɔ ka mɔgɛnu nadon ko-yogoma-kɛ rɔ. Mɔgɔ-wo-mɔgɔ sa nyɔ min si a fara ko-yogoma-kɛ la. Mari ko anu yogo a yala iko mɔgɛ minnu siginɛ Sɔdɔm anubɛ Kɔmɔra soenu burɔ nun.

Nimisa Koe 4:6

Nta mɔgɛnuna tɔrɔyɛ ara tenbi Sɔdɔm soetɛ la. Alla nyɛrɛ le ya soe wo halaki tiriya, mɔgɔ ma de!

Isikiyɛli 16:27

Nba kaka, nde, Mari ara n bole kɔrɔbi i tɔrɔ-koe la. N bara i halala-dugi madɔgɔya. N bara i kunyɛ don Filisitinu bolo, i gbo minnu ye, kɔni. Ila sɔn-yogoyɛ ara a sɔgɔ labɔ hali wonu denu na.

Isikiyɛli 16:51

I kɔrɔ-musi Samariyata hakɛ ma ke iletɛ rɔ. Ile kɛ-nya makisimirita atɛ ko pirr! Ni n ya i na-kelen-nyɔgɔ-musi kɛnu sanka ile nyɔgɔn ma, n ti fɛɛ yen wonu na.

Isikiyɛli 16:61

N ba wobɛ i dɔgɔ-musi anubɛ i kɔrɔ-musi to kan kelan rɔ, ni i ya i miri i sɔn-kɔrɛnu ma tumɛ min, i si miliya anu ye. N si a ma, anu ni ma iko ila den-sunkurɔnnu. Kɔnɔ ma mɔgɔ filɛ ma ma sara wo ma nun.

Isikiyɛli 23:11

“Hali wo bɛɛ ara ke a dɔgɔ-musu Oholiba yala, Yerusalɛm, kɔni, wo kei-koyara ka tenbi a kɔrɔ-musi la yɛlɛnyɛ rɔ, Samariya soe, kɔni.

Isikiyɛli 23:2

“Ile hadama-dan, na-kelen-nyɔgɔma-musu fila le taranta nyɔ nun.

Isikiyɛli 23:4

Sunkurun-kinamɛ wo tɔgɛ le Ohola. A dɔgɔmɛ tɔgɛ le Oholiba. N ya wonu filɛ furu. Anu ya dannu sɔrɔn n ye. Samariya soe tamasere le Ohola wo la. Yerusalɛm soe tamasere le Oholiba wo la.

Isikiyɛli 26:6

Anu si belenna anu fagala soenu tɔ hali minnu sa yi dafɛ. Wo kɔma, Taya kɛnu si na a lɔn ko nde le Mari la.

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Hoseya 14:1

Wole Isirɛla mɔgɛnu, wo ni wo sɛgi wota Mari Alla ma bawo wo hakɛ ara wo tonko-tankan ka wo labui.

Maika 1:5

“Min bi a tola, kɛ dama ye nala mala bawo Isirɛla mɔgɛnu anubɛ Yuda mɔgɛnu bara hakɛ kɛ. Nfen sufa hakɛ le wonu na? Bawo anu bara bɛsi-kɔ-koe anubɛ karagbɛlɛyɛ dan-natenbi, hali anuna mansa-soenu tɔ, Yerusalɛm anubɛ Samariya.

Tɔn-Fɔɛ-Fila-Nyɔgɛ 29:23

Wola sɛni sa tinɛnu si ma kɔgɔ-dugi la. Fenfen ti ma-a-la wo bolo. Hali binyɛ ti ma-a-la nyɔ. Wola nyamanɛ si ma iko Sɔdɔm wo, Kɔmɔra wo, Adima wo, anubɛ Sebom mara nya min. Marita fondo-bɔ-belebele kɛra min kɛ, a ya soe wonu tinya.

Tɔn-Fɔɛ-Fila-Nyɔgɛ 32:32

Wo yogenuna wunduyogoyɛ bɔra kan-tina-yogomɛnu tɔ iko wunduyogoyɛ min bɔra Sɔdɔm anubɛ Kɔmɔra so-yogomɛnu tɔ. Anu fere iko kulu-dalamɛ.

2 Pita 2:6

Alla ya Sɔdɔm anubɛ Kɔmɔra soenu kiti ka anu halaki tɛ la. A ya anu ma misalɛ la min si ma ko-yogoma-kɛlɛnu na ka wo yira anu na yarɔ.

Yude 1:7

Wo ni wo hɛnkili to Sɔdɔm anubɛ Kɔmɔra anubɛ anu dafɛ-soenu ko. Nyɔ-mɔgɛnu ya a ma iko melikanu ya a ma nya min. Anu ya yɛlɛnya-su kɛ min ma daga mumɛ! Anu bi tɔrɔla habadan-tɛ le tɔ alako anu ni ma misali-bɛrɛ la mɔgɛ bɛɛ ye.

Lankɛnimayɛ 11:8

Anu Mari gbangbanta kɔlɔma ma kan min, anu furinu si sa kilɛ la so-wɛ wo rɔ. Soe wo misalɛ le Sɔdɔm soe la, ni wo ma, Iyipiti nyamanɛ.

Kɛlɛ-Kurugbɛnu 19:22

Anu bi nyɛrɛ-ladiyɛ wo kun na, kemini-karagbɛlɛ donu nara kurɔn mini bɔn wo ma. Anu bi dɛ matugula anu ma. Anu bi a fɔla kɛmɔgɛ wo ye ko, “Kei min donta i kuma, a labɔ ma ma. Ma ni ma sa a fɛ.”